കിച്ചൺ ബിന്നിൽ കുരുങ്ങി കോർപറേഷൻ കൗൺസിൽ

തി​രു​വ​ന​ന്ത​പു​രം: കി​ച്ച​ൺ ബി​ന്നി​ൽ കു​രു​ങ്ങി കോ​ർ​പ​റേ​ഷ​ൻ കൗ​ൺ​സി​ൽ യോ​ഗം. കി​ച്ച​ൺ ബി​ന്നി​ന്റെ വി​ത​ര​ണ​ത്തി​നാ​യി ഒ​മേ​ഗ എ​ക്കോ ടെ​ക്‌ പ്രോ​ഡ​ക്‌​ട്‌ ഇ​ന്ത്യ എ​ന്ന ക​മ്പ​നി​യു​മാ​യി ക​രാ​റി​ൽ ഏ​ർ​പെ​ടാ​നു​ള്ള നി​ർ​ദേ​ശം പ്ര​തി​പ​ക്ഷം എ​തി​ർ​ത്തെ​ങ്കി​ലും കൗ​ൺ​സി​ലി​ൽ തീ​രു​മാ​ന​മാ​യി. അ​ടു​ക്ക​ള മാ​ലി​ന്യം സം​സ്ക​രി​ക്കു​ന്ന​തി​നു​ള്ള ബ​യോ കം​പോ​സ്റ്റ​ർ കി​ച്ച​ൺ ബി​ന്നു​ക​ൾ വി​ത​ര​ണം ചെ​യ്യാ​നാ​യി കോ​ർ​പ​റേ​ഷ​ൻ കൈ​കോ​ർ​ക്കു​ന്ന ഒ​മേ​ഗ ക​മ്പ​നി മു​ൻ ഭ​ര​ണ​സ​മി​തി​യു​ടെ കാ​ല​ത്ത്‌ ബി​ന്നു​ക​ൾ വി​ത​ര​ണം ചെ​യ്‌​ത​തി​ൽ ക്ര​മ​ക്കേ​ടു​ണ്ടെ​ന്ന്‌ ക​ണ്ടെ​ത്തി​യ​തി​നെ തു​ട​ർ​ന്ന്‌ വി​ജി​ല​ൻ​സ്‌ അ​ന്വേ​ഷ​ണം നേ​രി​ട്ട ക​മ്പ​നി​യാ​ണ്‌.

കി​ച്ച​ൺ ബി​ൻ ഒ​ന്നി​ന്‌ 1950 രൂ​പ നി​ര​ക്കി​ൽ 25,000 ബി​ന്നു​ക​ൾ വാ​ങ്ങാ​നാ​ണ്‌ കോ​ർ​പ​റേ​ഷ​ൻ തീ​രു​മാ​നി​ച്ച​ത്‌. വി​ജി​ല​ൻ​സ്‌ അ​ന്വേ​ഷ​ണം പൂ​ർ​ത്തി​യാ​കും മു​മ്പ് ത​ന്നെ 2022 ഒ​ക്‌​ടോ​ബ​റി​ൽ ഒ​മേ​ഗ ക​മ്പ​നി​ക്ക് ന​ൽ​കാ​നു​ള്ള 1.4 കോ​ടി​യു​ടെ കു​ടി​ശ്ശി​ക ന​ൽ​കാ​നാ​യി ആ​രോ​ഗ്യ​സ​മി​തി ശു​പാ​ർ​ശ ചെ​യ്‌​തെ​ങ്കി​ലും അ​ന്ന്‌ കൗ​ൺ​സി​ലി​ൽ അം​ഗീ​കാ​രം ല​ഭി​ക്കാ​ത്ത​തി​നാ​ൽ ന​ട​ക്കാ​തെ പോ​യി. കാ​ണാ​താ​യ 2220 ബി​ന്നു​ക​ൾ സം​ബ​ന്ധി​ച്ച് ദു​രൂ​ഹ​ത തു​ട​രു​ന്ന​തി​നി​ടെ​യാ​ണ് പു​തി​യ ക​രാ​റും ഇ​തേ ക​മ്പ​നി​ക്ക് ന​ൽ​കാ​ൻ തീ​രു​മാ​നി​ച്ച​ത്.

കി​ച്ച​ൺ ബി​ന്നു​ക​ൾ വി​ത​ര​ണം ചെ​യ്യാ​ൻ ക​ഴി​ഞ്ഞ സെ​പ്റ്റം​ബ​ർ 28നാ​ണ് ടെ​ൻ​ഡ​ർ ക്ഷ​ണി​ച്ച​ത്. അ​ഞ്ച് ക​മ്പ​നി​ക​ൾ പ​ങ്കെ​ടു​ത്തെ​ങ്കി​ലും നാ​ലെ​ണ്ണം മാ​ത്ര​മാ​ണ് യോ​ഗ്യ​ത നേ​ടി​യ​ത്. ര​ണ്ട്‌ ക​മ്പ​നി​ക​ളു​ടെ പ്ര​വ​ർ​ത്ത​നം തൃ​പ്തി​ക​ര​മ​ല്ലെ​ന്ന് ബോ​ധ്യ​പ്പെ​ട്ട​തി​നെ തു​ട​ർ​ന്ന്‌ ഒ​ഴി​വാ​ക്കി. അ​വ​ശേ​ഷി​ച്ച​തി​ൽ ഒ​മേ​ഗ എ​ക്കോ ടെ​ക് 1975 രൂ​പ​യും ഗ്രീ​ൻ വി​ല്ലേ​ജ് 2010 രൂ​പ​യും ക്വാ​ട്ട്‌ ചെ​യ്തു. 25 രൂ​പ കു​റ​ച്ച് ബി​ന്നു​ക​ൾ ന​ൽ​കാ​ൻ ഒ​മേ​ഗ എ​ക്കോ ടെ​ക് സ​ന്ന​ദ്ധ​ത അ​റി​യി​ച്ച​തി​ന്റെ അ​ടി​സ്ഥാ​ന​ത്തി​ലാ​ണ് ക​രാ​റി​ൽ ഏ​ർ​പ്പെ​ടാ​ൻ ആ​രോ​ഗ്യ സ​മി​തി തീ​രു​മാ​നി​ച്ച​ത്‌. കി​ച്ച​ൺ ബി​ന്നി​ന്റെ വി​ഷ​യം മ​റ്റൊ​രു കൗ​ൺ​സി​ലി​ൽ ച​ർ​ച്ച ചെ​യ്യ​ണ​മെ​ന്ന ആ​വ​ശ്യം നി​രാ​ക​രി​ക്ക​പ്പെ​ട്ട​തി​നെ തു​ട​ർ​ന്ന്‌ ബി.​ജെ.​പി അം​ഗ​ങ്ങ​ൾ കൗ​ൺ​സി​ൽ ബ​ഹി​ഷ്‌​ക​രി​ച്ചു.

തെ​രു​വു​നാ​യ ശ​ല്യ​ത്തി​ന്‌ ശാ​ശ്വ​ത പ​രി​ഹാ​രം വേ​ണ​മെ​ന്ന ആ​വ​ശ്യ​വും പൊ​തു​ശൗ​ചാ​ല​യ​ങ്ങ​ളും റോ​ഡു​ക​ളും വൃ​ത്തി​യാ​ക്കു​ന്ന വി​ഷ​യ​വു​മെ​ല്ലാം കൗ​ൺ​സി​ലി​ൽ ച​ർ​ച്ച​യാ​യി. 150 പൊ​തു​ശൗ​ചാ​ല​യ​ങ്ങ​ൾ വൃ​ത്തി​യാ​ക്കി പൊ​തു​ജ​ന​ങ്ങ​ൾ​ക്കാ​യി തു​റ​ന്നു​കൊ​ടു​ക്കു​ന്ന പ​ദ്ധ​തി​ക്ക് തു​ട​ക്ക​മി​ട്ട​താ​യി മേ​യ​ർ ആ​ര്യ രാ​ജേ​ന്ദ്ര​ൻ അ​റി​യി​ച്ചു.

ന​ഗ​ര​സ​ഭ പ​രി​ധി​യി​ല്‍ ഉ​ള്‍പ്പെ​ട്ട ഗു​ണ​ഭോ​ക്താ​ക്ക​ള്‍ക്ക് വി​വി​ധ സാ​മൂ​ഹ്യ സു​ര​ക്ഷ പെ​ന്‍ഷ​ന്‍ ഇ​ന​ത്തി​ല്‍ 490 പേ​ര്‍ക്ക് അ​നു​വ​ദി​ക്കു​ന്ന​തി​നും തി​രു​വ​ന​ന്ത​പു​രം ന​ഗ​ര​സ​ഭ സ്കൂ​ള്‍ കു​ട്ടി​ക​ള്‍ക്ക് സൗ​ജ​ന്യ​മാ​യി കാ​യി​ക പ​രി​ശീ​ല​നം ന​ല്‍കു​ന്ന​തി​നാ​യി 108 കു​ട്ടി​ക​ള്‍ക്ക് നീ​ന്ത​ല്‍ പ​രി​ശീ​ല​നം, 40 കു​ട്ടി​ക​ള്‍ക്ക് ക​ള​രി, 35 പെ​ണ്‍കു​ട്ടി​ക​ള്‍ക്ക് ഫു​ട്ബോ​ള്‍, 79 ആ​ണ്‍കു​ട്ടി​ക​ള്‍ക്ക് ഫു​ട്ബോ​ള്‍, 40 കു​ട്ടി​ക​ള്‍ക്ക് വോ​ളി​ബാ​ള്‍, 27 കു​ട്ടി​ക​ള്‍ക്ക് ബാ​സ്ക​റ്റ് ബോ​ള്‍, 32 കു​ട്ടി​ക​ള്‍ക്ക് ഹാ​ന്‍ഡ് ബോ​ള്‍ എ​ന്നി​വ​യി​ല്‍ പ​രി​ശീ​ല​ന​വും, സ്പോ​ര്‍ട്സ് കി​റ്റും ന​ല്‍കാ​നും തീ​രു​മാ​ന​മാ​യി.