വാഹനാപകടത്തിൽ വയോധികൻ മരിച്ചു

കുണ്ടറ: റോഡ് മുറിച്ച് കടക്കുകയായിരുന്ന ബാർബർ ഷോപ് ഉടമ വാഹനം തട്ടി മരിച്ചു. പെരിനാട് കുഴിയം സുനിതാ ഭവനിൽ വേണുഗോപാലൻ നായർ (64) ആണ് മരിച്ചത്. ബുധനാഴ്ച രാത്രി എട്ടോടെ ചെറുമൂട് ജങ്​ഷനിലായിരുന്നു അപകടം. ചെറുമൂട് ജങ്​ഷനിൽ ബാർബർ ഷോപ്പ് നടത്തിവരുകയായിരുന്ന വേണുഗോപാലൻ നായർ കട അടച്ച ശേഷം വീട്ടിലേക്ക് പോകുന്ന വഴി റോഡ് മുറിച്ച് കടക്കുമ്പോൾ ടെമ്പോ ട്രാവലർ വന്ന് ഇടിക്കുകയായിരുന്നു. ഉടൻ തന്നെ കുണ്ടറയിലെ സ്വകാര്യ ആശുപത്രിയിൽ എത്തിച്ചെങ്കിലും മരിച്ചു. ഭാര്യ: ശാരദയമ്മ. മക്കൾ: സുനിൽകുമാർ, സനൽ കുമാർ, സുനിത. മരുമക്കൾ: ബിന്ദു, അഞ്ജലി, ശ്രീകണ്ഠൻ.