വെള്ളറട: പെരുങ്കടവിള ഗ്രാമപഞ്ചായത്തിലെ പാല്ക്കുളങ്ങര വാർഡിലെ പ്രത്യേക ഗ്രാമസഭ യോഗം പഞ്ചായത്ത് സാംസ്കാരിക നിലയത്തില് പ്രസിഡന്റ് എസ്. സുരേന്ദ്രന്റെ അധ്യക്ഷതയില് ചേര്ന്നു. ലൈഫ് ഭവന പദ്ധതി ലിസ്റ്റ് അംഗീകരിക്കല്, തൊഴിലുറപ്പ് പദ്ധതി, പാഥേയം പട്ടിക അംഗീകരിക്കല്, ബാലസൗഹൃദ പഞ്ചായത്ത്, വയോജന ക്ലബ് രൂപവത്കരിക്കല് തുടങ്ങിയ വിഷയങ്ങള് ചര്ച്ച ചെയ്തു. ഗ്രാമസഭക്ക് മുന്നോടിയായി വിവിധ ഇനം കായിക മത്സരങ്ങള് സംഘടിപ്പിച്ചു. ഹരിതകർമസേന പഴയ സാരികള് ഉപയോഗിച്ച് നിര്മിക്കുന്ന ചവിട്ടുമെത്തകളുടെ വിതരണ ഉദ്ഘാടനം പ്രസിഡന്റ് എസ്. സുരേന്ദ്രന് നിർവഹിച്ചു. മത്സരവിജയികള്ക്ക് സമ്മാനങ്ങള് വിതരണം ചെയ്തു. വികസന സ്റ്റാന്ഡിങ് കമ്മിറ്റി ചെയർമാര് കാനക്കോട് ബാലരാജ്, പഞ്ചായത്ത് അംഗങ്ങളായ കാക്കണം മധു, കെ.എസ്. ജയചന്ദ്രന്, സെക്രട്ടറി ഹരിന് ബോസ്, കോഓഡിനേറ്റര് സന്ധ്യ, ജസ്റ്റിന്, നന്ദകുമാര് തുടങ്ങിയവര് പങ്കെടുത്തു. ചിത്രം. പെരുങ്കടവിള ഗ്രാമപഞ്ചായത്തിൽ ഹരിതകർമസേന പഴയ സാരികള് ഉപയോഗിച്ച് നിർമിച്ച ചവിട്ടുമെത്തകളുടെ വിതരണ ഉദ്ഘാടനം പ്രസിഡന്റ് എസ്. സുരേന്ദ്രന് നിർവഹിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.