ജനത്തിനാശ്വാസം: അക്കിക്കാവ് ബൈപാസ് റോഡ് ഭാഗികമായി തുറന്നു

പെ​രു​മ്പി​ലാ​വ്: അ​ക്കി​ക്കാ​വ് - കേ​ച്ചേ​രി ബൈ​പാ​സ് നി​ർ​മാ​ണ ഭാ​ഗ​മാ​യി ആ​ഴ്ച​ക​ൾ​ക്ക് മു​മ്പ് പൂ​ർ​ണ​മാ​യും ഗ​താ​ഗ​തം നി​രോ​ധി​ച്ച റോ​ഡ് ഭാ​ഗി​ക​മാ​യി തു​റ​ന്നു ന​ൽ​കി​യ​ത് നാ​ട്ടു​കാ​ർ​ക്ക് ആ​ശ്വാ​സ​മാ​യി. നി​ർ​മാ​ണ​ത്തി​നി​ടെ ക​ന​ത്ത​മ​ഴ പെ​യ്ത​തോ​ടെ മ​ണ്ണൊ​ലി​ച്ച് ഇ​തു​വ​ഴി ഒ​രു സൈ​ക്കി​ൾ പോ​ലും പോ​കാ​നാ​വാ​ത്ത വി​ധ​ത്തി​ൽ ഗ​താ​ഗ​തം പൂ​ർ​ണ​മാ​യി ത​ട​സ്സ​പ്പെ​ട്ടി​രു​ന്നു.

ഇ​തി​നാ​ൽ മൂ​ന്ന് ആ​ഴ്ച​യോ​ളം പ്ര​ദേ​ശ​വാ​സി​ക​ളും വി​ദ്യാ​ർ​ഥി​ക​ളും മൂ​ന്ന് കി​ലോ​മീ​റ്റ​റോ​ളം ചു​റ്റി​ക്ക​റ​ങ്ങി​യാ​ണ് സം​സ്ഥാ​ന പാ​ത​യി​ൽ എ​ത്തി​യി​രു​ന്ന​ത്. ബൈ​പാ​സ് ജ​ങ്ഷ​നി​ൽ നി​ന്ന് 200 മീ​റ്റ​ർ അ​ക​ലെ റോ​ഡി​ന് കു​റു​കെ നി​ർ​മി​ക്കു​ന്ന വ​ലി​യ ക​ലു​ങ്കി​ന്റെ പ​ണി​ക​ൾ തു​ട​ങ്ങി​യ​തോ​ടെ ദീ​ർ​ഘ​ദൂ​ര വാ​ഹ​ന​ങ്ങ​ളും വ​ലി​യ വാ​ഹ​ന​ങ്ങ​ളും ക​ട​ത്തി​വി​ട്ടി​രു​ന്നി​ല്ല.

പ്ര​ദേ​ശ​വാ​സി​ക​ളു​ടെ വാ​ഹ​ന​ങ്ങ​ൾ സ​ഞ്ച​രി​ക്കാ​ൻ ക​ലു​ങ്കി​ന് സ​മീ​പം താ​ൽ​ക്കാ​ലി​ക റോ​ഡ് ആ​ദ്യം നി​ർ​മി​ച്ചി​രു​ന്നെ​ങ്കി​ലും മ​ഴ​യി​ൽ ആ ​പാ​ത മു​ഴു​വ​നാ​യി ഒ​ലി​ച്ചു​പോ​യി. റോ​ഡി​ലൂ​ടെ വെ​ള്ളം കു​ത്തി​യൊ​ഴു​കി​യ​പ്പോ​ൾ മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച് റോ​ഡി​നു കു​റു​കെ കാ​ന നി​ർ​മി​ച്ചു. ഇ​തോ​ടെ ഒ​രു വാ​ഹ​ന​വും പോ​കാ​നാ​വാ​ത്ത വി​ധം ഗ​താ​ഗ​തം ത​ട​യു​ക​യും ചെ​യ്തു.

അ​ക്കി​ക്കാ​വി​ലെ​യും പെ​രു​മ്പി​ലാ​വി​ലെ​യും വി​ദ്യാ​ർ​ഥി​ക​ളാ​ണ് ഇ​തി​നാ​ൽ ദു​രി​ത​ത്തി​ലാ​യ​ത്. സാ​ധാ​ര​ണ ഗ​തി​യി​ൽ ക​ലു​ങ്ക് നി​ർ​മാ​ണ​ത്തി​ന് റോ​ഡ് പൂ​ർ​ണ​മാ​യി ത​ട​സ്സ​പ്പെ​ടു​ത്താ​റി​ല്ല. പ​കു​തി വീ​തം ര​ണ്ട് ത​വ​ണ​യാ​യി​ട്ടാ​ണ് നി​ർ​മാ​ണം ന​ട​ക്കു​ക. ഇ​വി​ടെ ഒ​റ്റ​യ​ടി​ക്ക് നി​ർ​മ്മാ​ണ ജോ​ലി​ക​ൾ ന​ട​ന്ന​താ​ണ് പ്ര​ശ്ന​മാ​യ​ത്.

ഇ​രു​ച​ക്ര​വാ​ഹ​ന​ങ്ങ​ൾ സ​ഞ്ച​രി​ക്കാ​ൻ ചെ​റി​യ റോ​ഡ് നി​ർ​മി​ക്കാ​ത്ത​തി​ൽ പ്ര​തി​ഷേ​ധ​മു​യ​ർ​ന്നി​രു​ന്നു. തു​ട​ർ​ന്ന് യു​ദ്ധ​കാ​ലാ​ടി​സ്ഥാ​ന​ത്തി​ലാ​ണ് ക​ലു​ങ്ക് നി​ർ​മ്മാ​ണം പൂ​ർ​ത്തി​യാ​ക്കി​യ​ത്. ക​ലു​ങ്ക് നി​ർ​മ്മാ​ണ ജോ​ലി​ക​ൾ പൂ​ർ​ത്തി​യാ​യെ​ങ്കി​ലും അ​നു​ബ​ന്ധ റോ​ഡ് പ​ണി പൂ​ർ​ത്തി​യാ​യി​ട്ടി​ല്ല. എ​ന്നാ​ൽ, നാ​ട്ടു​കാ​രു​ടെ ദു​രി​തം മൂ​ല​മാ​ണ് ക​ലു​ങ്കി​ന്റെ ഒ​രു ഭാ​ഗം ഞാ​യ​റാ​ഴ്ച വൈ​കീ​ട്ടോ​ടെ തു​റ​ന്ന​ത്.