വെനീസിന്റെ ഹൃദയം കീഴടക്കി 11കാരി എല്ലോറ മിഥുൻ

ചെ​റു​തു​രു​ത്തി: ഇ​റ്റ​ലി​യി​ലെ വെ​നീ​സ് ന​ഗ​ര​ത്തി​ന്റെ ഹൃ​ദ​യം കീ​ഴ​ട​ക്കി ചെ​റു​തു​രു​ത്തി​യു​ടെ അ​ഭി​മാ​ന കൃ​ഷ്ണ​ൻ. ക​ഥ​ക​ളി​യി​ൽ അ​പൂ​ർ​വ സൗ​ഭാ​ഗ്യ​ത്തി​ന്റെ ഉ​ട​മ​യാ​യി​രി​ക്കു​ക​യാ​ണ് ചെ​റു​തു​രു​ത്തി പു​തു​ശ്ശേ​രി എ​സ്.​എ​ൻ.​ടി.​ടി.​എ സ്‌​കൂ​ൾ ആ​റാം ക്ലാ​സ് വി​ദ്യാ​ർ​ഥി​നി എ​ല്ലോ​റ മി​ഥു​ൻ. ശ്രീ​കൃ​ഷ്‌​ണ വേ​ഷ​ത്തി​ൽ എ​ല്ലോ​റ നി​റ​ഞ്ഞാ​ടി​യ​പ്പോ​ൾ പ്രൗ​ഢ​ഗം​ഭീ​ര​മാ​യ സ​ദ​സ്സ് ഒ​ന്ന​ട​ങ്കം എ​ഴു​ന്നേ​റ്റ് നി​ന്ന് കൈ​യ​ടി​ച്ചു. ഈ ​കൂ​ട്ട​ത്തി​ൽ സ്വ​ന്തം മാ​താ​വ്, മു​ത്ത​ച്ഛ​ൻ, മു​ത്ത​ശ്ശി എ​ന്നി​വ​രും ഉ​ൾ​പ്പെ​ട്ട​ത് 11കാ​രി എ​ല്ലോ​റ മി​ഥു​ന് അ​ഭി​മാ​ന നി​മി​ഷ​മാ​യി. ഒ​രു കു​ടും​ബ​ത്തി​ലെ നാ​ലു പേ​ർ വി​ദേ​ശ​ത്ത് ഒ​രേ വേ​ദി​യി​ൽ സം​ഗ​മി​ച്ച​തും അ​പൂ​ർ​വ​ത​യാ​യി. ക്രി​സ്ത്യ​ൻ സ​മു​ദാ​യ​ത്തി​ൽ​നി​ന്ന് ആ​ദ്യ​മാ​യി ക​ഥ​ക​ളി രം​ഗ​ത്തെ​ത്തി​യ ക​ലാ​മ​ണ്ഡ​ലം ജോ​ണി​ന്റെ നേ​തൃ​ത്വ​ത്തി​ലു​ള്ള ക​ഥ​ക​ളി സം​ഘ​മാ​ണ് വെ​നീ​സി​ലെ അ​ല​ക്കീ​നോ ഇ​റാ​ന്തേ മു​പ്പ​താ​മ​ത് ഇ​ന്റ​ർ​നാ​ഷ​ന​ൽ ഫെ​സ്റ്റി​വ​ലി​ൽ ദു​ര്യോ​ധ​ന​വ​ധ​ത്തി​ലെ ശ്രീ​കൃ​ഷ്ണ​ന്റെ വേ​ഷം കെ​ട്ടി​യാ​ടി​യ​ത്. എ​ല്ലോ​റ​യു​ടെ മാ​താ​വ് ഡോ. ​റൂ​ബി കെ. ​ജോ​ൺ ദ്രൗ​പ​തി​യാ​യും മു​ത്ത​ച്ഛ​ൻ ക​ലാ​മ​ണ്ഡ​ലം ജോ​ൺ രൗ​ദ്ര​ഭീ​മ​നാ​യും വേ​ദി​യി​ലെ​ത്തി. ക​ഥ​ക​ളി​യി​ലെ ആ​ദ്യ പെ​ൺ ചു​ട്ടി ക​ലാ​കാ​രി​യാ​യ മു​ത്ത​ശ്ശി ക​ലാ​മ​ണ്ഡ​ലം മേ​രി ജോ​ൺ ചു​ട്ടി കു​ത്തി​യ​ണ് അ​ര​ങ്ങേ​റ്റം കു​റി​ച്ച​ത്.

ഫെ​സ്റ്റി​വ​ലി​ൽ ഏ​റ്റ​വും ന​ല്ല ക​ലാ​കാ​ര​ന്മാ​ർ​ക്ക് ന​ൽ​കു​ന്ന അ​വാ​ർ​ഡ് ഇ​ന്ത്യ​യെ പ്ര​തി​നി​ധീ​ക​രി​ച്ച് ക​ലാ​മ​ണ്ഡ​ലം ജോ​ണി​ന് ന​ൽ​കി​യ​ത് ആ​ഹ്ലാ​ദ നി​മി​ഷ​വും കാ​ണാ​നും എ​ല്ലോ​റ​ക്ക് സാ​ധി​ച്ചു. പി​താ​വ് മി​ഥു​ൻ പൂ​ർ​ണ പി​ന്തു​ണ​യാ​ണ് മ​ക​ൾ​ക്കും സ​ഹ​ധ​ർ​മി​ണി ഡോ. ​റൂ​ബി കെ. ​ജോ​ണി​നും ന​ൽ​കു​ന്ന​ത്. ക​ഥ​ക​ളി സം​ഘ​ത്തി​ൽ കോ​ട്ട​ക്ക​ൽ ദേ​വ​ദാ​സ്, ക​ലാ​മ​ണ്ഡ​ലം രാ​ജ​നാ​രാ​യ​ണ​ൻ, അ​ജേ​ഷ് പ്ര​ഭാ​ക​ർ, സു​ധീ​ഷ്, ക​ലാ​മ​ണ്ഡ​ലം രാ​ജേ​ഷ് തു​ട​ങ്ങി​യ​വ​രും ജോ​ണി​നൊ​പ്പം ഉ​ണ്ടാ​യി​രു​ന്നു.