കയ്പമംഗലം: വഴിയമ്പലം പെട്രോൾ പമ്പിൽ തൊഴിലാളിയെ ആക്രമിച്ച് പണം കവർന്ന കേസിൽ ഒരാൾകൂടി അറസ്റ്റിൽ. ചെന്ത്രാപ്പിന്നി ചക്കുഞ്ഞി കോളനിയിലെ ചക്കനാത്ത് വൈഷ്ണവ് എന്ന ഇച്ചാമുവിനെയാണ് (24) കയ്പമംഗലം എസ്.ഐ കെ.ജെ. ജിനേഷും സംഘവും അറസ്റ്റ് ചെയ്തത്.
മേയ് അഞ്ചിന് പുലർച്ച മോട്ടോർ സൈക്കിളിൽ എത്തിയ രണ്ടംഗസംഘം 625 രൂപക്ക് പെട്രോൾ അടിച്ച ശേഷം പണം കൊടുക്കാതെ കൗണ്ടറിൽ നിന്നിരുന്ന ജോലിക്കാരനിൽനിന്ന് 1200 രൂപ തട്ടിയെടുത്ത് കടന്നുകളയുകയായിരുന്നു. കേസിൽ കൂരിക്കുഴി ആശാരിക്കയറ്റം പണിക്കവീട്ടിൽ ഇജാസ് എന്ന ടുടു (25) നേരത്തെ അറസ്റ്റിലായിരുന്നു. നിരവധി അടിപിടി കേസുകളിൽ പ്രതിയാണ് വൈഷ്ണവ്.
പൊലീസ് സംഘത്തിൽ എസ്.ഐ സുജിത്ത്, എ.എസ്.ഐ ഷാബു, എസ്.പി.സി.ഒ മുഹമ്മദ് റാഫി, സി.പി.ഒ രാഹുൽ എന്നിവരും ഉണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.