മനക്കൊടി-പുള്ള് ടൂറിസം മേഖല വീണ്ടും ഉണർവിലേക്ക്

കാ​ഞ്ഞാ​ണി: വെ​ള്ളം ക​യ​റി​യ​തി​നെ തു​ട​ർ​ന്ന് അ​ട​ച്ചി​ട്ടി​രു​ന്ന തൃ​ശൂ​രി​ലെ വി​നോ​ദ സ​ഞ്ചാ​ര കേ​ന്ദ്ര​മാ​യ മ​ന​ക്കൊ​ടി-​പുള്ള്​ മേ​ഖ​ല വീ​ണ്ടും ഉ​ണ​ർ​ന്നു. വെ​ള്ളം ഒ​ഴി​ഞ്ഞ​തോ​ടെ കൊ​ട്ട​വ​ഞ്ചി അ​ട​ക്ക​മു​ള്ള സ​ർ​വീസു​ക​ൾ പു​ന​രാ​രം​ഭി​ച്ചു. വ​ഞ്ചി സ​ർ​വി​സ് ന​ട​ത്തു​ന്ന കെ.​എ​ൽ.​ഡി.​സി ക​നാ​ലി​ൽ അ​ര​ക്കിലോ​മീ​റ്റ​ർ ദൂ​രം അ​ര​ല​ക്ഷ​ത്തി​ല​ധി​കം സ്വ​ന്തം കൈ​യി​ൽ നി​ന്ന് ചെ​ല​വ​ഴി​ച്ച് കു​ള​വാ​ഴ​യും മ​റ്റും നീ​ക്കം ചെ​യ്ത് വി​നോ​ദ സ​ഞ്ചാ​രി​ക​ൾ​ക്കാ​യി സൗ​ക​ര്യം ഒ​രു​ക്കി​യി​രി​ക്കു​ന്ന​ത് പു​ള്ളി​ലെ വ​ഞ്ചി​ക്കാ​ര​ൻ ഷാ​ജി​യാ​ണ്. പ്ര​കൃ​തി​ര​മ​ണീ​യ​മാ​ണ് മ​ന​ക്കൊ​ടി-​പു​ള്ള് പാ​ട​ശേ​ഖ​രം. ത​ട്ടു​ക​ട​യി​ലെ ഭ​ക്ഷ​ണ വൈ​വി​ധ്യ​ങ്ങ​ൾ ആ​സ്വ​ദി​ക്കാ​നും ശാ​ന്ത​മാ​യ അ​ന്ത​രീ​ക്ഷ​ത്തി​ൽ സ​മ​യം പ​ങ്കി​ടാ​നും ആ​ളു​ക​ൾ സു​ഹൃ​ത്തു​ക്ക​ളു​മാ​യും കു​ടും​ബ​വു​മാ​യും ഒ​ഴു​കി​യെ​ത്തു​ന്ന ഇ​ടം.

തൃ​പ്ര​യാ​ർ നി​ന്ന് തൃ​ശൂ​രി​ലേ​ക്ക് എ​ളു​പ്പ വ​ഴി എ​ന്ന​തി​നാ​ൽ ഈ ​റൂ​ട്ടി​ലൂ​ടെ സ​ഞ്ച​രി​ക്കു​ന്ന​വ​രും അ​ന​വ​ധി. വെ​ള്ളം ക​യ​റി റോ​ഡ് അ​ട​ച്ച​തി​നെ തു​ട​ർ​ന്ന് ര​ണ്ടു മാ​സ​മാ​യി ഇ​വി​ടെ വി​നോ​ദ സ​ഞ്ചാ​രി​ക​ൾ എ​ത്തി​യി​രു​ന്നി​ല്ല. റോ​ഡി​ലെ വെ​ള്ളം ഇ​റ​ങ്ങി​യെ​ങ്കി​ലും കെ.​എ​ൽ.​ഡി.​സി യു​ടെ ക​നാ​ലി​ൽ ച​ണ്ടി​യും കു​ള​വാ​ഴ​യും എ​ന്നി​വ നീ​ക്കം ചെ​യ്തി​രു​ന്നി​ല്ല. ഇ​തോ​ടെ കൊ​ട്ട സ​ർ​വി​സി​നെ ബാ​ധി​ച്ചി​രു​ന്നു. ഇ​തോ​ടെ​യാ​ണ് ഇ​വ നീ​ക്കം ചെ​യ്ത​ത്. ത​ട്ടു​ക​ട​ക​ൾ തു​റ​ന്ന​തോ​ടെ സ​ഞ്ചാ​രി​ക​ളും എ​ത്തി​ത്തു​ട​ങ്ങി. ആ​ഴ്ച​ക​ൾ​ക്ക് മു​ൻ​പ് സ​മീ​പ​ത്തു​ള്ള പാ​ട​ശേ​ഖ​ര​ത്ത് കു​ളി​ക്കാ​ൻ ഇ​റ​ങ്ങി​യ വി​ദ്യാ​ർ​ഥി​ക​ളി​ൽ ഒ​രാ​ൾ മ​രി​ച്ചി​രു​ന്നു. ബാ​ക്കി മൂ​ന്നു പേ​രെ ര​ക്ഷ​പ്പെ​ടു​ത്തി​യ​ത് ഷാ​ജി​യു​ടെ കൊ​ട്ട​വ​ഞ്ചി​ക​ൾ എ​ടു​ത്ത് ഉ​പ​യോ​ഗി​ച്ചാ​ണ്. നി​യ​മാ​നു​സൃ​ത​മാ​യ അം​ഗീ​കാ​ര​ത്തോ​ടു​കൂ​ടി​യാ​ണ് ഇ​വി​ടെ കൊ​ട്ട​വ​ഞ്ചി​ക​ൾ സ​ർ​വി​സ് ന​ട​ത്തു​ന്ന​ത്.

ആ​റ് കൊ​ട്ട​വ​ഞ്ചി, നാ​ല് പെ​ഡ​ൽ ബോ​ട്ട്, ര​ണ്ട് ക​യാ​ക്കി​ങ് എ​ന്നി​വ ഇ​വി​ട​ത്തെ ജ​ല​വി​നോ​ദ​ങ്ങ​ളാ​ണ്. 10 പേ​ർ ഇ​തു​മാ​യി ബ​ന്ധ​പ്പെ​ട്ട് ഇ​വി​ടെ ജോ​ലി​യും ചെ​യ്യു​ന്നു​ണ്ട്. ലൈ​ഫ് ജാ​ക്ക​റ്റു​ക​ളും ലൈ​ഫ് ഗാ​ർ​ഡു​മാ​രെ​യും വി​നോ​ദ​സ​ഞ്ചാ​രി​ക​ളു​ടെ സു​ര​ക്ഷ​ക്കാ​യി ഒ​രു​ക്കി​യി​ട്ടു​ണ്ട്. തി​ക​ച്ചും ടൂ​റി​സം മാ​ന​ദ​ണ്ഡ​ങ്ങ​ൾ പാ​ലി​ച്ചാ​ണ് ഇ​വി​ടു​ത്തെ പ്ര​വ​ർ​ത്ത​ന​ങ്ങ​ൾ. സ​മീ​പ​ത്തു ത​ന്നെ ഭ​ക്ഷ​ണ വൈ​വി​ധ്യ​ങ്ങ​ൾ ന​ൽ​കു​ന്ന ഏ​ഴ് ത​ട്ടു​ക​ട​ക​ളും ഉ​ണ്ട്. സാ​യ​ന്ത​ന​ങ്ങ​ളി​ൽ ഇ​ളം കാ​റ്റേ​റ്റ് ഓ​ള​പ്പ​ര​പ്പു​ക​ളി​ൽ സ​ഞ്ച​രി​ച്ച് വ​യ​റു നി​റ​യെ വ്യ​ത്യ​സ്ത വി​ഭ​വ​ങ്ങ​ൾ സേ​വി​ച്ച് മ​ട​ങ്ങു​ക​യാ​ണ് ഓ​രോ സ​ഞ്ചാ​രി​യും ഇ​വി​ടെ.