മാള പള്ളിപ്പുറത്ത്​ പൈപ്പ്​ പൊട്ടി കുടിവെള്ളം പാഴാകുന്നു

മാള: ജലനിധി പൈപ്പ് പൊട്ടി കുടിവെള്ളം പാഴാകുന്നു. മാള പള്ളിപ്പുറം മില്ലേനിയം റോഡിലാണ്​ പൈപ്പ്​ പൊട്ടിയത്​. പൈപ്പിൽ വെള്ളം വന്നാൽ റോഡ് തോടാവും. വെള്ളം അഞ്ഞൂറ് മീറ്റർ ദൂരം റോഡിലൂടെയും പിന്നീട്​ സ്വകാര്യ വ്യക്തിയുടെ പറമ്പിലൂടെയും ഒഴുകുകയാണ്​. പൈപ്പ് പൊട്ടിയിട്ട്​ ദിവസങ്ങൾ കഴിഞ്ഞതായി പ്രദേശവാസികൾ പറയുന്നു. കടുത്ത വേനലിലും ആയിരകണക്കിന് ലിറ്റർ വെള്ളം പാഴായി പോകുന്നുണ്ട്​. നിരവധി തവണ വിളിച്ച് പരാതി പറഞ്ഞെങ്കിലും ജലനിധി അധികൃതർ തിരിഞ്ഞ് നോക്കിയിട്ടില്ലെന്നും ഇപ്പോൾ വിളിച്ചാൽ ഫോണും എടുക്കുന്നില്ലെന്ന് നാട്ടുകാർ പറയുന്നു. ഫോട്ടോ: മാള പള്ളിപ്പുറത്ത് പൈപ്പ് പൊട്ടി കുടിവെള്ളം പാഴാവുന്നു TCM- MLA-Kudivellam - Pazhavunnu