ചെന്ത്രാപ്പിന്നി: എടത്തിരുത്തി പഞ്ചായത്ത് കുടുംബശ്രീയുടെയും ജെൻഡർ റിസോഴ്സ് സെന്ററിന്റെയും സംയുക്താഭിമുഖ്യത്തിൽ വനിത ദിനത്തോടനുബന്ധിച്ച് സ്ത്രീപക്ഷ നവകേരള കാമ്പയിന്റെ ഭാഗമായി പുസ്തക പ്രകാശനവും വനിതകളെ ആദരിക്കലും സെൽഫ് ഡിഫൻസ് ക്ലാസും സംഘടിപ്പിച്ചു. എടത്തിരുത്തി പഞ്ചായത്ത് പ്രസിഡന്റ് ടി.കെ. ചന്ദ്രബാബു ഉദ്ഘാടനം ചെയ്തു. സി.ഡി.എസ് ചെയർപേഴ്സൺ ശ്രീദേവി ദിനേഷ് അധ്യക്ഷത വഹിച്ചു. ജില്ല പഞ്ചായത്തംഗം മഞ്ജുള അരുണൻ പുസ്തക പ്രകാശനം നടത്തി. പഞ്ചായത്ത് വൈസ് പ്രസിഡന്റ് ശ്രീദേവി ദിനേശ് വനിതകളെ ആദരിച്ചു. ജിജി ക്ലാസ് നയിച്ചു. സി.ഡി.എസ് വൈസ് ചെയർപേഴ്സൺ സുബൈദ അബ്ദുൽ ജബ്ബാർ, പഞ്ചായത്തംഗം ഹേന രമേശ്, നിഷിഷ വിപിൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.