ഡി.​സി.​സി ഓ​ഫി​സി​ൽ പെ​രു​മ്പാ​മ്പി​ൻ കു​ഞ്ഞു​ങ്ങ​ൾ

പ​ത്ത​നം​തി​ട്ട: ഡി.​സി.​സി ഓ​ഫി​സി​ന്‍റെ താ​ഴ​ത്തെ നി​ല​യി​ലെ ഹാ​ളി​ൽ പെ​രു​മ്പാ​മ്പി​ന്‍റെ കു​ഞ്ഞു​ങ്ങ​ളെ ക​ണ്ടെ​ത്തി. വ്യാ​ഴാ​ഴ്ച ഉ​ച്ച​ക​ഴി​ഞ്ഞ് ക​ർ​ഷ​ക കോ​ൺ​ഗ്ര​സ് യോ​ഗം ന​ട​ക്കു​ന്ന​തി​നി​ടെ​യാ​ണ് പാ​മ്പി​ൻ കു​ഞ്ഞു​ങ്ങ​ളെ ക​ണ്ട​ത്. യോ​ഗം ക​ഴി​ഞ്ഞ ഉ​ട​ൻ വ​ന​പാ​ല​ക​രെ വി​ളി​ച്ചു​വ​രു​ത്തി ഇ​വ​യെ പി​ടി​കൂ​ടു​ക​യാ​യി​രു​ന്നു. ഇ​രു​മ്പു​വ​ല​ക​ൾ​ക്കു​ള്ളി​ലൂ​ടെ അ​ക​ത്തു​ക​ട​ന്ന പാ​മ്പു​ക​ൾ മു​ക​ൾ ഭാ​ഗ​ത്താ​യി ത​ങ്ങു​ക​യാ​യി​രു​ന്നു.

കോ​ന്നി​യി​ൽ​നി​ന്നെ​ത്തി​യ വ​ന​പാ​ല​ക സം​ഘം ഇ​വ​യെ പി​ടി​കൂ​ടി. ഒ​രാ​ഴ്ച മു​മ്പാ​ണ് ഡി.​സി.​സി ഓ​ഫി​സ് ന​വീ​ക​രി​ച്ച് ഉ​ദ്ഘാ​ട​നം ചെ​യ്ത​ത്. ഓ​ഫി​സും പ്ര​ധാ​ന കോ​ൺ​ഫ​റ​ൻ​സ് ഹാ​ളും ന​വീ​ക​രി​ച്ച് ഉ​ദ്ഘാ​ട​നം ചെ​യ്ത​പ്പോ​ഴും താ​ഴ​ത്തെ നി​ല​യി​ലെ ഹാ​ൾ ശ്ര​ദ്ധി​ച്ചി​രു​ന്നി​ല്ല. ഇ​തി​നു പി​ന്നി​ലാ​യി കാ​ട് വ​ള​ർ​ന്നു​നി​ൽ​ക്കു​ക​യാ​ണ്. കു​ഞ്ഞു​ങ്ങ​ളെ ക​ണ്ട സാ​ഹ​ച​ര്യ​ത്തി​ൽ പെ​രു​മ്പാ​മ്പ്​ സ​മീ​പ പ്ര​ദേ​ശ​ത്ത്​ കാ​ണാ​മെ​ന്ന നി​ഗ​മ​ന​ത്തി​ലാ​ണ് വ​ന​പാ​ല​ക​ർ.