കുട്ടിക്കൊമ്പൻ മണി മ​ണി​ക​ണ്​ഠന്‍റെ കുറുമ്പിൽ ഉണർന്ന്​ കോന്നി ആനത്താവളം

കോ​ന്നി: ആ​ന​ക്കു​ട്ടി​ക​ളു​ടെ അ​സാ​ന്നി​ധ്യ​വും പ്ര​ധാ​ന ആ​ക​ർ​ഷ​ണ​മാ​യി​രു​ന്ന കോ​ന്നി സു​രേ​ന്ദ്ര​നെ കും​കി പ​രി​ശീ​ല​ന​ത്തി​ന് കൊ​ണ്ടു​പോ​യ​തി​നാ​ലും മൂ​ക​മാ​യി​രു​ന്ന കോ​ന്നി ആ​ന​ത്താ​വ​ളം കു​ട്ടി​ക്കൊ​മ്പ​ൻ മ​ണി​ക​ണ്​ഠന്‍റെ വ​ര​വോ​ടെ ഉ​ത്സ​വ​ല​ഹ​രി​യി​ൽ. 10 വ​ർ​ഷ​ത്തി​നു​ശേ​ഷം ല​ഭി​ക്കു​ന്ന ര​ണ്ടു മാ​സ​മു​ള്ള കു​ട്ടി​ക്കൊ​മ്പ​ൻ എ​ന്ന പ്ര​ത്യേ​ക​ത​യും മ​ണി​ക​ണ്ഠ​നു​ണ്ട്. ബു​ധ​നാ​ഴ്​​ച പു​ല​ർ​ച്ച ആ​റോ​ടെ​യാ​ണ് മ​ണി​ക​ണ്ഠ​നെ കോ​ന്നി ആ​ന​ത്താ​വ​ള​ത്തി​ൽ എ​ത്തി​ക്കു​ന്ന​ത്.

നി​ല​മ്പൂ​രി​ലെ ഫോ​റ​സ്​​റ്റ്​ വാ​ച്ച​ർ​മാ​രാ​യ രാ​ജ​നും സു​ബ്ര​ഹ്‌​മ​ണ്യ​നും ആ​ന​ക്കു​ട്ടി​ക്ക് ഒ​പ്പ​മു​ണ്ടാ​യി​രു​ന്നു. വാ​ച്ച​ർ​മാ​രി​ൽ രാ​ജ​നോ​ടാ​ണ് മ​ണി​ക​ണ്ഠ​ന് കൂ​ടു​ത​ൽ ഇ​ഷ്​​ടം. കോ​ന്നി ആ​ന​ത്താ​വ​ള​ത്തി​ലെ പാ​പ്പാ​ൻ ഷം​സു​വി​നൊ​പ്പം കൊ​ച്ചു​കു​ഞ്ഞി​നെ​പ്പോ​ലെ മ​ണി​ക​ണ്ഠ​ൻ കു​റു​മ്പു​കാ​ട്ടി​യ​തും സ​ന്ദ​ർ​ശ​ക​രി​ൽ കൗ​തു​ക​മു​ണ​ർ​ത്തി.

നി​ല​മ്പൂ​രി​ൽ​നി​ന്ന്​ മ​ണി​ക്കൂ​റു​ക​ളോ​ളം യാ​ത്ര ചെ​യ്ത​തി​നാ​ലാ​വാം ന​ല്ല വി​ശ​പ്പു​ണ്ടാ​യി​രു​ന്നു കു​ട്ടി​ക്കൊ​മ്പ​ന്. ലാ​ക്ടോ​ജി​ൻ അ​ട​ങ്ങി​യ പോ​ഷ​ക​സ​മൃ​ദ്ധ​മാ​യ പാ​ൽ മ​തി​വ​രു​വോ​ളം പാ​പ്പാ​ന്മാ​ർ ന​ൽ​കി. ഇ​ട​ക്ക് കു​സൃ​തി​കാ​ട്ടി​യ കു​ട്ടി​ക്കൊ​മ്പ​ൻ ക​മ്പ​ക​ത്ത​ടി​യി​ൽ തീ​ർ​ത്ത ആ​ന​ക്കൂ​ടി​െൻറ അ​ഴി​ക​ൾ​ക്കി​ട​യി​ലൂ​ടെ പു​റ​ത്തു​ചാ​ടാ​നും ശ്ര​മം ന​ട​ത്തി.

ആ​ന​ത്താ​വ​ള​ത്തി​ൽ എ​ത്തി​യ കു​ഞ്ഞ് അ​തി​ഥി​യെ കാ​ണാ​ൻ സ​ന്ദ​ർ​ശ​ക​രു​ടെ തി​ര​ക്ക് വ​ർ​ധി​ച്ച​തോ​ടെ ആ​ന​ക്കു​ട്ടി​ക്ക് ഉ​റ​ങ്ങാ​ൻ ക​ഴി​യാ​തെ വ​ന്ന​തി​നാ​ൽ മ​ണി​ക​ണ്ഠ​നെ അ​ധി​കൃ​ത​ർ ഉ​ച്ച​യോ​ടെ പ്ര​ത്യേ​ക മു​റി​യി​ലേ​ക്ക് മാ​റ്റി. ശൈ​ശ​വ​ത്തി​ൽ ത​ന്നെ അ​മ്മ​യെ വി​ട്ടു​പി​രി​ഞ്ഞ മ​ണി​ക​ണ്ഠ​ൻ ഇ​നി കോ​ന്നി​യു​ടെ മ​ണ്ണി​ൽ ത​ല​യെ​ടു​പ്പോ​ടെ വ​ള​രും.

കോ​ന്നി ആ​ന​ത്താ​വ​ള​ത്തി​ലെ പ്ര​ധാ​ന ആ​ക​ർ​ഷ​ണ​മാ​യി​രു​ന്ന സു​രേ​ന്ദ്ര​നെ കും​കി പ​രി​ശീ​ല​ന​ത്തി​നാ​യി കൊ​ണ്ടു​പോ​യ​തി​നു​ശേ​ഷം വ​ന്ന ആ​ന​ക്കു​ട്ടി എ​ന്ന നി​ല​യി​ൽ ജൂ​നി​യ​ർ സു​രേ​ന്ദ്ര​നാ​യി മ​ണി​ക​ണ്ഠ​ൻ വ​ള​രു​മെ​ന്നും കോ​ന്നി ഫോ​റ​സ്​​റ്റ്​ റേ​ഞ്ച് ഓ​ഫി​സ​ർ ജോ​ജി ജ​യിം​സ് പ​റ​ഞ്ഞു.