പൊന്തനാംകുഴി കോളനി മണ്ണിടിച്ചിൽ ഭീഷണിയിൽ

കോ​ന്നി: മ​ഴ ശ​ക്തി​പ്രാ​പി​ക്കു​ന്ന​തോ​ടെ പൊ​ന്ത​നാം​കു​ഴി കോ​ള​നി മ​ണ്ണി​ടി​ച്ചി​ൽ ഭീ​ഷ​ണി​യി​ൽ. റ​വ​ന്യൂ വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ലം സ​ന്ദ​ർ​ശി​ക്കു​ക​യും അ​ടി​യ​ന്ത​ര​ഘ​ട്ട​ത്തി​ൽ ഇ​വി​ടെ​നി​ന്ന്​ 32 കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ക്കാ​ൻ ക്ര​മീ​ക​ര​ണ​ങ്ങ​ൾ പൂ​ർ​ത്തി​യാ​ക്കു​ക​യും ചെ​യ്തി​ട്ടു​ണ്ട്. കോ​ന്നി റി​പ്പ​ബ്ലി​ക്ക​ൻ വൊ​ക്കേ​ഷ​ന​ൽ ഹ​യ​ർ സെ​ക്ക​ൻ​ഡ​റി സ്കൂ​ളി​ലാ​ണ് ഇ​വ​ർ​ക്ക് താ​മ​സി​ക്കാ​നു​ള്ള സൗ​ക​ര്യ​ങ്ങ​ൾ ഒ​രു​ക്കു​ന്ന​ത്. ദു​ര​ന്ത​നി​വാ​ര​ണ വി​ഭാ​ഗം ഡെ​പ്യൂ​ട്ടി ത​ഹ​സി​ൽ​ദാ​ർ വി​ല്ലേ​ജ് ഓ​ഫി​സ​ർ അ​സി​സ്റ്റ​ന്റ് വി​ല്ലേ​ജ് ഓ​ഫി​സ​ർ​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം പ്ര​ദേ​ശ​ത്ത് പ​രി​ശോ​ധ​ന​ക​ൾ ന​ട​ത്തി​യി​രു​ന്നു. മു​മ്പ്​ മ​ണ്ണി​ടി​ച്ചി​ലു​ണ്ടാ​യ സ്ഥ​ല​ത്ത് താ​മ​സി​ക്കു​ന്ന കു​ടും​ബ​ങ്ങ​ൾ​ക്ക് സ​ർ​ക്കാ​ർ പൊ​ന്ത​നാം​കു​ഴി പാ​ക്കേ​ജ് ന​ട​പ്പാ​ക്കി​യി​രു​ന്നു.

കോ​ള​നി​യി​ലെ 32 കു​ടും​ബ​ങ്ങ​ൾ​ക്ക് ഇ​വി​ടെ​നി​ന്നും മാ​റി സ്ഥ​ലം വാ​ങ്ങി​ക്കാ​ൻ 10 ല​ക്ഷം രൂ​പ വീ​തം സ​ർ​ക്കാ​ർ അ​നു​വ​ദി​ച്ചി​രു​ന്നു. ഇ​തി​ൽ 11 കു​ടും​ബം വ​സ്തു വാ​ങ്ങു​ക​യും ഒ​രു കു​ടും​ബം ഇ​വി​ടെ​നി​ന്ന് താ​മ​സം മാ​റു​ക​യും ചെ​യ്തി​ട്ടു​ണ്ട്. കോ​ട്ട​പ്പാ​റ കു​ന്നി​ന്റെ ച​രി​വി​ലെ ത​ട്ടു​പാ​റ​ക​ൾ​ക്ക് മു​ക​ളി​ലു​ള്ള മ​ൺ​പ്ര​ദേ​ശ​ത്താ​ണ് പൊ​ന്ത​നാം​കു​ഴി കോ​ള​നി​യി​ലെ വീ​ടു​ക​ൾ. എ​ല്ലാ മ​ഴ​ക്കാ​ല​ത്തും ഇ​വി​ടെ മ​ണ്ണി​ടി​ച്ചി​ൽ ഭീ​ഷ​ണി നി​ല​നി​ൽ​ക്കു​ക​യാ​ണ്. തു​ട​ർ​ച്ച​യാ​യി മ​ഴ പെ​യ്യു​ന്ന​തി​നാ​ൽ ഇ​വി​ട​ത്തെ സം​ര​ക്ഷ​ണ​ഭി​ത്തി​യും കോ​ള​നി​യി​ലേ​ക്ക് ക​യ​റി​പ്പോ​കു​ന്ന പ​ടി​ക്കെ​ട്ടു​ക​ളും ഇ​ടി​ഞ്ഞി​രി​ക്കു​ക​യാ​ണ്. റോ​ഡി​ന് താ​ഴ്ഭാ​ഗ​ത്തെ വീ​ടു​ക​ൾ​ക്കും ഭീ​ഷ​ണി​യു​ണ്ട്.

2019 ഒ​ക്ടോ​ബ​ർ 21നു ​ഉ​ണ്ടാ​യ ശ​ക്ത​മാ​യ മ​ഴ​യി​ലാ​ണ് ഇ​വി​ടെ മ​ണ്ണി​ടി​ച്ചി​ലു​ണ്ടാ​യി വീ​ടു​ക​ളു​ടെ നി​ല​നി​ൽ​പ് ഭീ​ഷ​ണി​യി​ലാ​യ​ത്. സ്ഥ​ലം വാ​ങ്ങാ​നു​ള്ള ഫ​ണ്ട് ല​ഭി​ക്കാ​തെ താ​ലൂ​ക്ക് ഓ​ഫി​സി​ൽ അ​പേ​ക്ഷ ന​ൽ​കി കാ​ത്തി​രി​ക്കു​ന്ന പ​ല കു​ടും​ബ​ങ്ങ​ളും ഇ​വി​ടെ​യു​ണ്ട്. ജി​ല്ല ദു​ര​ന്ത​നി​വാ​ര​ണ അ​തോ​റി​റ്റി​യു​ടെ നി​ർ​ദേ​ശം അ​നു​സ​രി​ച്ച് പ്ര​ദേ​ശ​ത്ത് ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റും സെ​ക്ര​ട്ട​റി​യും അ​ട​ങ്ങു​ന്ന സം​ഘ​വും സ​ന്ദ​ർ​ശ​നം ന​ട​ത്തി​യി​രു​ന്നു.

കോ​ന്നി ഗ്രാ​മ​പ​ഞ്ചാ​യ​ത്തി​ലെ 15, 16 വാ​ർ​ഡു​ക​ൾ ഉ​ൾ​പ്പെ​ടു​ന്ന ഇ​വി​ടെ മു​മ്പു​ണ്ടാ​യ മ​ണ്ണി​ടി​ച്ചി​ലി​ൽ നി​ര​വ​ധി വീ​ടു​ക​ൾ​ക്ക്‌ കേ​ടു​പാ​ടു​ക​ൾ സം​ഭ​വി​ക്കു​ക​യും തു​ട​ർ​ന്ന് ക​ല​ക്ട​റും ജി​യോ​ള​ജി വ​കു​പ്പ് ഉ​ദ്യോ​ഗ​സ്ഥ​രും അ​ട​ങ്ങു​ന്ന സം​ഘം സ്ഥ​ലം സ​ന്ദ​ർ​ശി​ച്ച് സ്ഥി​തി​ഗ​തി​ക​ൾ വി​ല​യി​രു​ത്തു​ക​യും ചെ​യ്തി​രു​ന്നു. തു​ട​ർ​ന്ന് ന​ട​ന്ന പ​രി​ശോ​ധ​ന​ക​ളു​ടെ അ​ടി​സ്ഥാ​ന​ത്തി​ൽ ഭൂ​മി വാ​സ​യോ​ഗ്യ​മ​ല്ലെ​ന്ന് ക​ണ്ടെ​ത്തു​ക​യും ചെ​യ്തി​രു​ന്നു. തു​ട​ർ​ന്നാ​ണ് സ​ർ​ക്കാ​ർ പൊ​ന്ത​നാം​കു​ഴി പു​ന​ര​ധി​വാ​സ പാ​ക്കേ​ജ് ന​ട​പ്പാ​ക്കാ​ൻ തീ​രു​മാ​നി​ച്ച​ത്.