കോന്നി: യുവാവിനെ നടുറോഡിൽ ആക്രമിച്ച കേസിൽ പ്രതി അറസ്റ്റിൽ. അരുവാപ്പുലം കൊക്കാത്തോട് സ്വദേശിയായ പുത്തൻവീട് അറബിൽലാൻഡ് വീട്ടിൽ നിസ്സാം എന്നു വിളിക്കുന്ന നിഹാസ്സ് നാസർ (20) ആണ് അറസ്റ്റിലായത്. കഴിഞ്ഞ ഞായറാഴ്ച വൈകുന്നേരം 6.15 മണിയോടെയായിരുന്നു സംഭവം. രണ്ടു ബൈക്കുകളിലായെത്തിയ പ്രതികൾ പുളിഞ്ചാണി ജംഗ്ഷനിൽ നിൽക്കുകയായിരുന്ന യുവാവിനെ വളയുകയും അസഭ്യം പറഞ്ഞുകൊണ്ട് ആക്രമിക്കുകയുമായിരുന്നു.
ഇരുമ്പ് സ്ക്വയർ ട്യൂബ് കൊണ്ട് അടിയേറ്റ് യുവാവിന്റെ വലതു കൈയ്യുടെ മുട്ടിന്റെ അസ്ഥി ഒടിഞ്ഞു. പ്രതികളിലൊരാൾ യുവാവിന്റെ ഭാര്യാസഹോദരനെ മുമ്പ് ദേഹോപദ്രവം ഏല്പിച്ചതിനെപ്പറ്റി ചോദിച്ചതിലുളള വിരോധം ആണ് സംഘം ചേർന്ന് ആക്രമിക്കാനിടയാക്കിയത് .
കൃത്യത്തെ തുടർന്ന് പ്രതികളെല്ലാം ഒളിവിൽപ്പോകുകയായിരുന്നു. കേസിലെ നാലാം പ്രതിയെ കോന്നി പോലീസ് സബ് ഇൻസ്പെക്ടർ ഷൈജു.എസിന്റെ നേതൃത്വത്തിൽ എ.എസ്.ഐ അഭിലാഷ്, എസ്.സി.പി.ഒ രഞ്ജിത്ത്കുമാർ എന്നിവരടങ്ങിയ സംഘം കുമ്മണ്ണൂർ നിന്നും പിടികൂടുകയായിരുന്നു. മറ്റു പ്രതികളെല്ലാം ഒളിവിലാണ്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.