പത്തനംതിട്ട: കെ-റെയിൽ വിരുദ്ധസമരം ജില്ലയിൽ ബി.ജെ.പി ശക്തമാക്കുന്നു. 21ന് രാവിലെ 10ന് പന്തളം നാനാക് ഓഡിറ്റോറിയത്തിൽ നടക്കുന്ന ജനകീയ കൺവെൻഷൻ ദേശീയ നിർവാഹക സമിതി അംഗം കുമ്മനം രാജശേഖരൻ ഉദ്ഘാടനം ചെയ്യും. ജില്ല പ്രസിഡന്‍റ് വി.എ. സൂരജ് അധ്യക്ഷത വഹിക്കും. പശ്ചിമഘട്ട സംരക്ഷണ സമിതി ചെയർമാൻ ജോൺ പെരുവന്താനം, സംസ്ഥാന പരിസ്ഥിതി അവാർഡ് ജേതാവ് കോട്ടാങ്ങൽ ഗോപിനാഥ പിള്ള എന്നിവർ മുഖ്യപ്രഭാഷണം നടത്തും. 26ന് വൈകീട്ട് മൂന്നിന് ബി.ജെ.പി ജില്ല അധ്യക്ഷ‍ൻെറ നേതൃത്വത്തിൽ കുന്നന്താനത്തുനിന്ന് മല്ലപ്പള്ളിയിലേക്ക് പദയാത്ര നടക്കും. ഉദ്ഘാടനം ബി.ജെ.പി ദേശീയ ഉപാധ്യക്ഷൻ എ.പി. അബ്ദുല്ലക്കുട്ടി നിർവഹിക്കും. കുടിയൊഴിപ്പിക്കപ്പെടുന്നവരുടെ കൂട്ടായ്മയും ഇതോടൊപ്പം സംഘടിപ്പിക്കും. പദ്ധതിയുടെ പേരിൽ സർവതും തട്ടിയെടുക്കാനാണ് സംസ്ഥാന സർക്കാർ നേതൃത്വം കൊടുക്കുന്നതെന്ന് ബി.ജെ.പി ജില്ല ഭാരവാഹികൾ ആരോപിച്ചു. വാർത്തസമ്മേളനത്തിൽ ജില്ല പ്രസിഡന്‍റ് വി.എ. സൂരജ്, ജനറൽ സെക്രട്ടറി പ്രദീപ് അയിരൂർ, ജില്ല വൈസ് പ്രസിഡന്‍റ് കെ. ബിനുമോൻ, കർഷക മോർച്ച ജില്ല പ്രസിഡൻറ് ശ്യം തട്ടയിൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.