ത​രി​ശു​പാ​ട​ങ്ങ​ൾ താ​വ​ള​മാ​ക്കി പ​ന്നി​ക​ൾ; കൃ​ഷി നാ​ശം പ​തി​വ്

വ​ട​വ​ന്നൂ​ർ: ത​രി​ശി​ട്ട നെ​ൽ​പാ​ട​ത്തി​ലെ കു​റ്റി​ക്കാ​ട്ടി​ലു​ള്ള പ​ന്നി​ക​ൾ ര​ണ്ടേ​ക്ക​ർ ഞാ​റ്റ​ടി ന​ശി​ച്ചു. ഊ​ട്ട​റ, മേ​ന​ങ്ക​ത്ത് പാ​ട​ശേ​ഖ​ര സ​മി​തി​യി​ലാ​ണ് ര​ണ്ട് പ്ര​ദേ​ശ​ങ്ങ​ളി​ലാ​യി 15 ഏ​ക്ക​റി​ല​ധി​കം ഇ​രു​പൂ​വ​ൽ നെ​ൽ​പാ​ടം ആ​റ് വ​ർ​ഷ​ത്തി​ല​ധി​ക​മാ​യി ത​രി​ശി​ട്ട​തി​നാ​ൽ കാ​ടു​മൂ​ടി പ​ന്നി​ക​ളു​ടെ വാ​സ​സ്ഥ​ല​മാ​യി മാ​റി​യ​ത്. ഈ ​പ്ര​ദേ​ശ​ങ്ങ​ളി​ൽ നി​ന്നാ​ണ് പ​ന്നി​ക​ൾ നെ​ൽ​പാ​ട​ങ്ങ​ളി​ലെ​ത്തി കൃ​ഷി ന​ശി​പ്പി​ക്കു​ന്ന​ത്. ത​രി​ശി​ട്ട നെ​ൽ​പ്പാ​ട​ങ്ങ​ളി​ലെ കു​റ്റി​ക്കാ​ട്ടു​ക​ളി​ൽ വ​ള​രു​ന്ന പ​ന്നി​ക​ൾ രാ​ത്രി​യെ​ത്തി കൃ​ഷി ന​ശി​പ്പി​ക്കു​ക​യാ​ണ്.

മൂ​ന്ന് ദി​വ​സ​മാ​യി ആ​ർ. ര​വീ​ന്ദ്ര​ന്റെ ര​ണ്ടാം വി​ള​ക്ക് ത​യാ​റാ​ക്കി​യ ഞാ​റ്റ​ടി​ക​ൾ പ​ന്നി​ക​ൾ ക​യ​റി ന​ശി​പ്പി​ച്ചു. ഇ​തു​മൂ​ലം ഇ​രു​പ​തി​നാ​യി​ര​ത്തി​ല​ധി​കം രൂ​പ​യു​ടെ ന​ഷ്ട​മാ​ണ് ഉ​ണ്ടാ​യ​ത്. അ​മ്പ​തി​ല​ധി​കം കാ​ട്ടു​പ​ന്നി​ക​ളാ​ണ് ത​രി​ശി​ട്ട നെ​ൽ​പ്പാ​ട​ങ്ങ​ളി​ൽ വ​ള​ർ​ന്ന കു​ട്ടി​ക്കാ​ട്ടി​ൽ ഉ​ള്ള​ത്. കാ​ട്ടു​പ​ന്നി​ക​ളെ ഓ​ടി​ക്കാ​നോ വേ​ട്ട​യാ​ടാ​നോ സ​ർ​ക്കാ​ർ നി​യോ​ഗി​ച്ച അം​ഗീ​കാ​ര​മു​ള്ള ഏ​ജ​ൻ​സി​ക​ൾ എ​ത്താ​ത്ത​തും പ​ന്നി​ശ​ല്യം വ​ർ​ധി​ക്കാ​ൻ കാ​ര​ണ​മാ​യ​താ​യി മേ​ന​ങ്ക​ത്ത് പാ​ട​ശേ​ഖ​ര​സ​മി​തി ഭാ​ര​വാ​ഹി​യാ​യ എ​സ്. കി​ഷോ​ർ കു​മാ​ർ പ​റ​ഞ്ഞു.

ത​രി​ശി​ട്ട നെ​ൽ​പാ​ട​ങ്ങ​ൾ റി​യ​ൽ എ​സ്റ്റേ​റ്റു​കാ​ർ പ്ലോ​ട്ടു​ക​ളാ​ക്കി തി​രി​ച്ച് വേ​ലി​കെ​ട്ടി​യ​തി​നാ​ൽ മ​റ്റു ക​ർ​ഷ​ക​ർ​ക്ക് കാ​ടു​മൂ​ടി​യ പ്ര​ദേ​ശം വെ​ട്ടി​ത്തെ​ളി​ക്കാ​ൻ സാ​ധി​ക്കാ​ത്ത​താ​യി നാ​ട്ടു​കാ​ർ പ​റ​ഞ്ഞു. എ​ന്നാ​ൽ, കൃ​ഷി​വ​കു​പ്പും ത​ദ്ദേ​ശ​സ്വ​യം​ഭ​ര​ണ വ​കു​പ്പും സം​യു​ക്ത​മാ​യി ത​രി​ശു പാ​ട​ങ്ങ​ളി​ലെ കു​റ്റി​ക്കാ​ടു​ക​ൾ വെ​ട്ടി പാ​ട്ട​ത്തി​ന് ന​ൽ​കി കൃ​ഷി​യോ​ഗ്യ​മാ​ക്കാ​മെ​ന്നി​രി​ക്കെ ഇ​വ​യൊ​ന്നും ന​ട​ത്താ​ൻ ബ​ന്ധ​പ്പെ​ട്ട​വ​ർ ത​യാ​റാ​കു​ന്നി​ല്ല എ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.