പ​രാ‘​ദീ​ന’​ക്കി​ട​ക്ക​യി​ൽ ജി​ല്ല ആ​ശു​പ​ത്രി

പാ​ല​ക്കാ​ട്: ദി​നം​പ്ര​തി ആ​യി​ര​ത്തി​ല​ധി​കം രോ​ഗി​ക​ൾ ചി​കി​ത്സ തേ​ടു​ന്ന പാ​ല​ക്കാ​ട് ജി​ല്ല ആ​ശു​പ​ത്രി സ്ഥ​ല​പ​രി​മി​തി​യി​ൽ വീ​ർ​പ്പു​മു​ട്ടു​ന്നു. ജി​ല്ല​യു​ടെ ദൂ​ര​പ്ര​ദേ​ശ​ങ്ങ​ളി​ൽ​നി​ന്ന​ട​ക്കം സാ​ധാ​ര​ണ​ക്കാ​രാ​യ നി​ര​വ​ധി പേ​രാ​ണ് ഇ​വി​ടേ​ക്ക് ചി​കി​ത്സ തേ​ടി​യെ​ത്തു​ന്ന​ത്. ഇ-​ഹെ​ൽ​ത്ത് സം​വി​ധാ​ന​ത്തി​ലേ​ക്ക് മാ​റി​യ​തോ​ടെ ഓ​ൺ​ലൈ​നാ​യി ഒ.​പി ടി​ക്ക​റ്റെ​ടു​ക്കാ​നു​ള്ള സൗ​ക​ര്യ​മു​ണ്ടെ​ങ്കി​ലും ഇ​പ്പോ​ഴും ആ​ശു​പ​ത്രി​യി​ലെ​ത്തി മ​ണി​ക്കൂ​റു​ക​ളോ​ളം വ​രി നി​ന്ന് ടി​ക്ക​റ്റെ​ടു​ക്കു​ന്ന​വ​ർ ഏ​റെ​യാ​ണ്.

ജി​ല്ല​യി​ലെ പ്ര​ധാ​ന ചി​കി​ത്സ കേ​ന്ദ്ര​മാ​യ ജി​ല്ല ആ​ശു​പ​ത്രി​യി​ൽ 544 പേ​രെ കി​ട​ത്തി​ചി​കി​ത്സി​ക്കു​ന്ന​തി​നു​ള്ള സൗ​ക​ര്യ​മാ​ണു​ണ്ടാ​യി​രു​ന്ന​ത്. എ​ന്നാ​ൽ ആ​റു​നി​ല​കെ​ട്ടി​ട​മൊ​രു​ക്കു​ന്ന​തി​നാ​യി വാ​ർ​ഡു​ക​ൾ പൊ​ളി​ച്ചു​തു​ട​ങ്ങി​യ​തോ​ടെ കി​ട​ത്തി​ച്ചി​കി​ത്സ സൗ​ക​ര്യം കു​റ​ഞ്ഞു. ഒ​രു കി​ട​ക്ക​യി​ൽ ര​ണ്ട് രോ​ഗി​ക​ൾ വ​രെ കി​ട​ക്കു​ന്ന സ്ഥി​തി​യു​മു​ണ്ട്.

ഇ​തി​നു​പു​റ​മേ ഡോ​ക്‌​ട​ർ​മാ​രു​ടെ​യും മ​റ്റ് ജീ​വ​ന​ക്കാ​രു​ടെ​യും കു​റ​വ് ആ​ശു​പ​ത്രി​യി​ലെ​ത്തു​ന്ന​വ​ർ​ക്ക് ദു​രി​തം തീ​ർ​ക്കു​ന്നു​ണ്ട്. ജി​ല്ല ആ​ശു​പ​ത്രി​യി​ൽ നി​ന്നും റ​ഫ​ർ ചെ​യ്യു​ന്ന​വ​ർ​ക്ക് ചി​കി​ത്സ​യ്ക്കാ​യി തൃ​ശൂ​ർ മെ​ഡി​ക്ക​ൽ കോ​ള​ജി​നെ​യോ കോ​യ​മ്പ​ത്തൂ​രി​ലെ ആ​ശു​പ​ത്രി​ക​ളെ​യോ ആ​ശ്ര​യി​ക്കേ​ണ്ട സ്ഥി​തി​യാ​ണ്. അ​ത്യാ​ഹി​ത​വി​ഭാ​ഗ​ത്തി​ൽ​നി​ന്ന​ട​ക്കം രോ​ഗി​ക​ളെ റ​ഫ​ർ ചെ​യ്യേ​ണ്ട സാ​ഹ​ച​ര്യ​മാ​ണ്.

പ​ല​പ്പോ​ഴും രാ​ത്രി സ​മ​യ​ങ്ങ​ളി​ൽ അ​ത്യാ​ഹി​ത​വി​ഭാ​ഗ​ത്തി​ലെ​ത്തു​ന്ന​വ​ർ​ക്ക് മ​തി​യാ​യ ചി​കി​ത്സ ല​ഭി​ക്കു​ന്നി​ല്ലെ​ന്നും ആ​രോ​പ​ണ​മു​ണ്ട്. ആ​ശു​പ​ത്രി​യി​ലെ സ്ഥ​ല​പ​രി​മി​തി​ക്ക് പ​രി​ഹാ​ര​മാ​യാ​ണ് പു​തി​യ കെ​ട്ടി​ടം നി​ർ​മി​ക്കു​ന്ന​ത്. അ​ത്യാ​ഹി​ത​വി​ഭാ​ഗ​ത്തി​ന് മാ​ത്ര​മാ​യി നാ​ലു​നി​ല​ക്കെ​ട്ടി​ട​വും ഒ​രു​ക്കു​ന്നു​ണ്ട്. ആ​വ​ശ്യ​ത്തി​ന് വീ​ൽ​ച്ചെ​യ​റും സ്ട്ര​ച്ച​റു​മി​ല്ലാ​ത്ത​തി​നാ​ൽ അ​ത്യാ​ഹി​ത​വി​ഭാ​ഗ​ത്തി​ൽ ചി​കി​ത്സ​ക്കെ​ത്തു​ന്ന​വ​രെ പ​ല​പ്പോ​ഴും ഒ​പ്പ​മു​ള്ള​വ​ർ എ​ടു​ത്തു​കൊ​ണ്ടു​പോ​കേ​ണ്ട സ്ഥി​തി​യാ​ണ്. എ​ക്സ്റേ​യും സ്കാ​നി​ങ്ങു​മെ​ടു​ക്കു​ന്ന​തി​നാ​യും രോ​ഗി​ക​ളെ ചു​മ​ന്നു​കൊ​ണ്ട് പോ​ക​ണ​മെ​ന്ന​തും പ​രി​താ​പ​ക​ര​മാ​ണ്.

ജി​ല്ല ആ​ശു​പ​ത്രി​യി​ലെ 92 ല​ക്ഷം രൂ​പ വി​ല​യു​ള്ള ഡി​ജി​റ്റ​ൽ എ​ക്സ്റേ യ​ന്ത്രം കേ​ടാ​യ​തു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​വും എ​വി​ടെ​യു​മെ​ത്തി​യി​ല്ല. 2021ലാ​ണ് ജി​ല്ല ആ​ശു​പ​ത്രി​യി​ലേ​ക്ക് സ്വ​കാ​ര്യ ക​മ്പ​നി 92.6 ല​ക്ഷം രൂ​പ​യു​ടെ ഡി​ജി​റ്റ​ൽ എ​ക്‌​സ്‌​റേ യ​ന്ത്രം സൗ​ജ​ന്യ​മാ​യി ന​ൽ​കി​യ​ത്. എ​ന്നാ​ൽ പി​ന്നീ​ട് യ​ന്ത്രം കേ​ടാ​വു​ക​യാ​യി​രു​ന്നു. ഇ​തി​നെ​ല്ലാം പു​റ​മേ ക​ന്‍റീ​ൻ സൗ​ക​ര്യ​മി​ല്ലാ​ത്ത​തി​നാ​ൽ വാ​ർ​ഡു​ക​ളി​ൽ ചി​കി​ത്സ​ക്കു​ള്ള​വ​ർ​ക്ക് ല​ഘു​ഭ​ക്ഷ​ണ​ത്തി​നും മ​റ്റു​മാ​യി പു​റ​ത്തെ കാ​ന്‍റീ​നു​ക​ളെ ആ​ശ്ര​യി​ക്കേ​ണ്ട സ്ഥി​തി​യു​മു​ണ്ട്.

പു​തി​യ കെ​ട്ടി​ട നി​ർ​മാ​ണ​ത്തി​ന്റെ ഭാ​ഗ​മാ​യി പ​ഴ​യ കാ​ന്റീ​ൻ പൊ​ളി​ച്ച​തോ​ടെ​യാ​ണ് ഈ ​പ്ര​തി​സ​ന്ധി. നി​ല​വി​ൽ നി​ർ​മാ​ണം ന​ട​ന്നു​കൊ​ണ്ടി​രി​ക്കു​ന്ന കെ​ട്ടി​ട​ത്തി​ന്‍റെ പ​ണി പൂ​ർ​ത്തി​യാ​കു​ന്ന​തോ​ടെ വാ​ർ​ഡു​ക​ളു​ടെ പ്ര​ശ്ന​ത്തി​ന്‍റെ പ​രി​ഹാ​ര​മാ​കു​മെ​ന്നാ​ണ് പ്ര​തീ​ക്ഷ.