എ​ങ്ങു​മെ​ത്താ​തെ ഇ​ത​ര സം​സ്ഥാ​ന തൊ​ഴി​ലാ​ളി വി​വ​ര​ശേ​ഖ​ര​ണം

പു​തു​ന​ഗ​രം: ഇ​ത​ര സം​സ്ഥാ​ന തൊ​ഴി​ലാ​ളി​ക​ളു​ടെ വി​വ​ര​ശേ​ഖ​ര​ണം എ​ങ്ങു​മെ​ത്തി​യി​ല്ല. അ​നാ​സ്ഥ തു​ട​ർ​ന്ന് വ​കു​പ്പു​ക​ൾ. ത​മി​ഴ്നാ​ട്, ബീ​ഹാ​ർ, ഒ​ഡി​ഷ, പ​ശ്ചി​മ ബം​ഗാ​ൾ, ഛത്തി​സ്ഗ​ഢ് തു​ട​ങ്ങി​യ സം​സ്ഥാ​ന​ങ്ങ​ളി​ൽ നി​ന്നു​ള്ള അ​ഥി​തി തൊ​ഴി​ലാ​ളി​ക​ൾ ജി​ല്ല​യി​ലെ കി​ഴ​ക്ക​ൻ പ്ര​ദേ​ശ​ത്ത് മാ​ത്രം ആ​റാ​യി​ര​ത്തി​ല​ധി​ക​മു​ണ്ട്. ജി​ല്ല​യി​ൽ ഇ​തി​ന്റെ ആ​റി​ര​ട്ടി വ​രു​മെ​ന്നാ​ണ് അ​നൗ​ദ്യോ​ഗി​ക ക​ണ​ക്ക്. നി​ല​വി​ൽ ഇ​ഷ്ടി​ക​ക്ക​ള​ങ്ങ​ളി​ലാ​ണ് കൂ​ടു​ത​ൽ അ​ഥി​തി തൊ​ഴി​ലാ​ളി​ക​ൾ. ക​ടു​ത്ത​ചൂ​ടി​ലും ഇ​വ​ർ വി​ശ്ര​മി​ക്കാ​തെ തൊ​ഴി​ലെ​ടു​ക്കു​ന്ന കാ​ഴ്ച് ദ​യ​നീ​യ​മാ​ണ്. എ​ത്ര അ​ഥി​തി തൊ​ഴി​ലാ​ളി​ക​ൾ ചി​റ്റൂ​ർ, ആ​ല​ത്തൂ​ർ, പാ​ല​ക്കാ​ട് താ​ലൂ​ക്കു​ക​ളി​ൽ ഉ​ണ്ടെ​ന്ന് ചോ​ദി​ച്ചാ​ൽ തൊ​ഴി​ൽ വ​കു​പ്പി​ന്റെ പ​ക്ക​ലും കൃ​ത്യ​മാ​യ ക​ണ​ക്കി​ല്ല. കോ​വി​ഡ് സ​മ​യ​ത്ത് 18,500 തൊ​ഴി​ലാ​ളി​ക​ളെ​യാ​ണ് തൊ​ഴി​ൽ വ​കു​പ്പ് സ്വ​ന്തം നാ​ട്ടി​ലേ​ക്ക് ജി​ല്ല​യി​ൽ​നി​ന്നും ക​യ​റ്റി​വി​ട്ട​ത്. കോ​വി​ഡ് ക​ഴി​ഞ്ഞ​തു​മു​ത​ൽ നൂ​റി​ല​ധി​കം അ​ഥി​തി തൊ​ഴി​ലാ​ളി​ക​ളാ​ണ് തി​രി​ച്ചു​വ​ന്ന​ത്.

ആ​ധാ​ർ ഉ​ൾ​പ്പെ​ടെ തി​രി​ച്ച​റി​യ​ൽ രേ​ഖ​ക​ൾ പൊ​ലീ​സ്, തൊ​ഴി​ൽ വ​കു​പ്പു​ക​ൾ ശേ​ഖ​രി​ക്ക​ണ​മെ​ന്ന് പ​ല​ത​വ​ണ നി​ർ​ദേ​ശ​ങ്ങ​ൾ ഉ​ണ്ടാ​യി​ട്ടു​ണ്ടെ​ങ്കി​ലും കാ​ര്യ​ക്ഷ​മ​മാ​യി ന​ട​പ്പാ​ക്കു​ന്നി​ല്ല. ഇ​ത​ര സം​സ്ഥാ​ന​ങ്ങ​ളി​ലെ തൊ​ഴി​ലാ​ളി​ക​ൾ നാ​ട്ടി​ൽ എ​ത്തി​യാ​ൽ ജി​ല്ല തൊ​ഴി​ൽ വ​കു​പ്പി​നോ ലോ​ക്ക​ൽ പൊ​ലീ​സ് സ്റ്റേ​ഷ​നി​ലോ വി​ശ​ദ​മാ​യ വി​വ​ര​ങ്ങ​ളും തി​രി​ച്ച​റി​യ​ൽ രേ​ഖ​ക​ളും ക​രാ​റു​കാ​രും തൊ​ഴി​ലു​ട​മ​ക​ളും ന​ൽ​ക​ണ​മെ​ന്ന നി​യ​മം ഉ​ണ്ടെ​ങ്കി​ലും ഇ​ത് പാ​ലി​ക്കാ​ത്ത​വ​ർ​ക്കെ​തി​രെ ന​ട​പ​ടി​യും ക​ട​ലാ​സി​ലാ​ണ്. ഇ​ത​ര സം​സ്ഥാ​ന തൊ​ഴി​ലാ​ളി​ക​ളി​ൽ ചി​ല​ർ അ​പ​ക​ട​ങ്ങ​ളി​ൽ മാ​ര​ക പ​രു​ക്കു​ക​ളോ മ​ര​ണ​ങ്ങ​ളോ സം​ഭ​വി​ച്ചാ​ൽ എ​ത്ര​യും​വേ​ഗം നാ​ട്ടി​ലേ​ക്ക് എ​ത്തി​ക്കാ​ൻ ശ്ര​മി​ക്കു​ന്ന പ്ര​വ​ണ​ത​യും ഉ​ണ്ട്. അ​പ​ക​ട​ങ്ങ​ളി​ൽ മ​രി​ക്കു​ന്ന ഇ​ത​ര സം​സ്ഥാ​ന തൊ​ഴി​ലാ​ളി​ക​ൾ​ക്ക് ഇ​ൻ​ഷു​റ​ൻ​സ് പ​രി​ര​ക്ഷ​യോ ന​ഷ്ട പ​രി​ഹാ​ര തു​ക​യോ ന​ൽ​കാ​തെ മൃ​ത​ദേ​ഹം നാ​ട്ടി​ലെ​ത്തി​ക്കാ​ൻ സ്വ​കാ​ര്യ ഏ​ജ​ൻ​സി​ക​ൾ ത​യാ​റാ​കു​മ്പോ​ൾ തൊ​ഴി​ൽ വ​കു​പ്പും പൊ​ലീ​സും മൗ​നം പാ​ലി​ക്കു​ന്ന​ത് ജി​ല്ല​യി​ൽ ചി​ല പ്ര​ദേ​ശ​ങ്ങ​ളി​ൽ തു​ട​രു​ക​യാ​ണ്.