ഒറ്റപ്പാലം: കാറിൽ കടത്തിയ 270 കുപ്പി വിദേശ മദ്യവുമായി രണ്ടുപേർ പിടിയിൽ. അമ്പലപ്പാറ ചെറുമുണ്ടശ്ശേരി കാളിയംപറമ്പിൽ ശരത്ത് (28), മേലൂർ മൂച്ചിക്കുണ്ടിൽ പ്രകാശൻ (37) എന്നിവരാണ് ഒറ്റപ്പാലം പൊലീസിന്റെ പിടിയിലായത്.
കോതകുറുശ്ശി-വാണിയംകുളം റോഡിൽ കുണ്ടടിയിൽ നിന്നാണ് മദ്യം പിടികൂടിയത്. കഞ്ചാവ് കേസിലെ പ്രതിയെ കണ്ടെത്താനുള്ള അന്വേഷണമാണ് മദ്യശേഖരം പിടികൂടുന്നതിൽ കൊണ്ടത്തിച്ചത്. കഞ്ചാവ് കേസ് പ്രതി ഇവർക്കൊപ്പമുണ്ടാകുമെന്ന നിഗമനത്തിൽ ശരത്തും പ്രകാശനും സഞ്ചരിച്ച കാർ തടഞ്ഞുനിർത്തുകയായിരുന്നു.
തുടർന്ന് നടന്ന പരിശോധനയിലാണ് 22 പെട്ടികളിലായി ഒരു ലിറ്ററിന്റെ 144 കുപ്പികളും അരലിറ്ററിന്റെ 126 കുപ്പികളും ഉൾപ്പടെ 270 കുപ്പികളിലായി 207 ലിറ്റർ മദ്യമാണ് പിടികൂടിയത്. കാറിലുണ്ടായിരുന്ന അമ്പലപ്പാറ സ്വദേശികളായ ശരത്ത്, പ്രകാശൻ എന്നിവരെ പൊലീസ് പിടികൂടി. മാഹിയിൽനിന്ന് വാങ്ങി നാട്ടിൽ വിൽപനക്കായി കൊണ്ടുവരുന്നതിനിടയിലാണ് ജില്ല ലഹരി വിരുദ്ധ സ്ക്വാഡും ഒറ്റപ്പാലം പൊലീസും ചേർന്ന് ഇവ പിടികൂടിയത്. ഒറ്റപ്പാലം എസ്.ഐ എം. സുനിലിന്റെ നേതൃത്വത്തിലുള്ള പൊലീസ് സംഘമാണ് പരിശോധന നടത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.