കോട്ടപ്പടി ഡെയ്​ലി മാർക്കറ്റ്​ തുറന്നത്​ അധികൃതർ അടപ്പിച്ചു

മലപ്പുറം: കോവിഡ്​ പശ്ചാത്തലത്തിൽ കോട്ടപ്പടി ഡെയ്​ലി മാർക്കറ്റിൽ കടകൾ തുറക്കാനുള്ള ശ്രമം പൊലീസും നഗരസഭ അധികൃതരും തടഞ്ഞു. ബുധനാഴ്​ച രാവിലെ 10.30യാണ്​ സംഭവം. കോവിഡ്​ കേസുകൾ വർധിക്കുന്ന സാഹചര്യത്തിൽ ഡെയ്​ലി മാർക്കറ്റ്​ ഇനി ഒരറിയിപ്പ്​ ഉണ്ടാകുന്നത്​ വരെ അടച്ചിടുമെന്ന് കഴിഞ്ഞ ദിവസം​ സെക്രട്ടറി അറിയിച്ചിരുന്നു. ഇതിന്​ വിരുദ്ധമായി കടകൾ തുറക്കാനായിരുന്നു ശ്രമം. ഒരു ഭാഗം മാത്രം അടച്ചിടുന്നത്​ ശരിയല്ലെന്നായിരുന്നു ഇവരുടെ വാദം. 14 ദിവസ​ത്തെ ക്വാറൻറീൻ കാലാവധി പൂർത്തിയായതിന്​ ശേഷമായിരുന്നു കടകൾ തുറക്കാൻ എത്തിയതെന്നുമാണ്​ ഇവർ ഉന്നയിച്ചത്​. തുടർന്ന്​ അധികൃതർ വ്യാപാരികളുമായി ചർച്ച നടത്തി. ഒരാഴ്​ചത്തേക്ക്​ കൂടി നിയന്ത്രണം തുടരാമെന്ന്​ ബാക്കി കാര്യങ്ങൾ പിന്നീട്​ ചർച്ച നടത്താമെന്നും അധികൃതർ അറിയിച്ചു. ഇതോടെ വ്യാപാരികൾ മടങ്ങുകയായിരുന്നു. ആരോഗ്യ വകുപ്പി​ൻെറ നേതൃത്വത്തില്‍ നടത്തിയ ആൻറിജന്‍ പരിശോധനയില്‍ മാര്‍ക്കറ്റിലെ മത്സ്യ തൊഴിലാളിക്ക് രോഗം സ്ഥിരീകരിച്ചതോടെ ജൂലൈ 22 മുതലാണ്​ മാര്‍ക്കറ്റ് അടച്ചിടാന്‍ നഗരസഭ തീരുമാനിച്ചത്. തുടര്‍ന്ന് നിയന്ത്രണങ്ങള്‍ പാലിച്ച് ജൂലൈ 28ന് ഡെയ്‌ലി മാര്‍ക്കറ്റിലെ എ, സി ബ്ലോക്കുകളിലെ വ്യാപാര സ്ഥാപനങ്ങള്‍ തുറക്കാന്‍ നഗരസഭ അനുമതി നല്‍കിയിരുന്നു. എന്നാല്‍ മത്സ്യ, മാംസ, പച്ചക്കറി കടകള്‍ വില്‍ക്കുന്ന കടകള്‍ തുറക്കാന്‍ അനുമതി നല്‍കിയിരുന്നില്ല. ഈ സ്ഥിതി തുടരുന്നതിനിടെ കഴിഞ്ഞ ദിവസം നഗരസഭ ഡെയ്‌ലി മാര്‍ക്കറ്റ് അനിശ്ചിതകാലത്തേക്ക് കൂടി നീക്കി ഉത്തരവിറക്കി. ഇതിനിടെയാണ് വ്യാപാരികള്‍ കടകള്‍ തുറക്കാന്‍ മുന്നോട്ട് വന്നത്. ഫോ​േട്ടാ: mmma1 ---------------------- സ്​ഫോടക വസ്​തുക്കൾ പിടികൂടി മലപ്പുറം: മേല്‍മുറി 27ല്‍ അനധികൃതമായി പ്രവര്‍ത്തിക്കുന്ന കരിങ്കല്‍ ക്വാറിയില്‍ പൊലീസ് നടത്തിയ പരിശോധനയില്‍ സ്‌ഫോടക വസ്തുകള്‍ പിടികൂടി. ജലാറ്റിന്‍ സ്​റ്റിക്കുകളും ഡിറ്റണേറ്ററുകളുമാണ് പിടികൂടിയത്. ബുധനാഴ്​ച ഉച്ചക്ക് രണ്ടിനാണ്​ സംഭവം. മലപ്പുറം ഇൻസ്​പെക്​ടർ പ്രേംജിത്തി​ൻെറ നേതൃത്വത്തില്‍ നടത്തിയ പരിശോധനയിലാണ് പിടികൂടിയത്. നേരത്തെ രണ്ട് തവണ പ്രദേശത്തെ ക്വാറികളില്‍ പരിശോധന നടത്തി സ്‌ഫോടക വസ്തുകള്‍ പിടികൂടിയിരുന്നു. ഇതോടെ മലപ്പുറം സ്​റ്റേഷനില്‍ രജിസ്​റ്റര്‍ ചെയ്ത കേസുകളുടെ എണ്ണം മൂന്നായി.