മാധ്യമം ഹെൽത്ത് കെയർ പദ്ധതിയിലേക്ക് ധർമ്മഗിരി ഐഡിയൽ ഗ്ലോബൽ ഹയർ സെക്കൻഡറി സ്കൂൾ വിദ്യാർഥികൾ സ്വരൂപ്പിച്ച തുക പ്രിൻസിപ്പൽ നിഷാദ് പുല്ലമ്പലവനിൽനിന്ന് ‘മാധ്യമം’ ഏരിയ കോഓഡിനേറ്റർ പ്രഫ. എ. ഹംസ ഏറ്റുവാങ്ങുന്നു
വേങ്ങര: സമൂഹത്തിൽ മാരക രോഗങ്ങളാൽ കഷ്ടപ്പെടുന്നവർക്ക് സാന്ത്വനമേകാൻ ‘മാധ്യമം’ തുടക്കം കുറിച്ച ഹെൽത്ത് കെയർ പദ്ധതിയിലേക്ക് വേങ്ങര ധർമ്മഗിരി ഐഡിയൽ ഗ്ലോബൽ സ്കൂൾ വിദ്യാർഥികൾ സമാഹരിച്ച തുക കൈമാറി.
സ്കൂളിൽ നടന്ന പ്രത്യേക പരിപാടിയിൽ പ്രിൻസിപ്പൽ നിഷാദ് പുല്ലമ്പലവനിൽനിന്ന് ‘മാധ്യമം’ എരിയ കോഓഡിനേറ്റർ പ്രഫ. എ. ഹംസ തുക ഏറ്റുവാങ്ങി. 81,424 രൂപയാണ് വിദ്യാർഥികൾ സമാഹരിച്ചത്.
കൂടുതൽ സംഖ്യ കണ്ടെത്തിയ വിദ്യാർഥികളായ ഐന തെക്കേവീട്ടിൽ, ഹംദ ഫാത്തിമ, ഫാത്തിമ റിദ പുൽപ്പാടൻ, ഐറിൻ സകരിയ, മുഹമ്മദ് റിഷിൻ പുൽപ്പാടൻ, നീഷ് ഇനായ, ഹംദ ഫാത്തിമ, സിയാൻ മുഹമ്മദ് ഇക്ബാൽ, നിദ, അസ്ലൻ ബിൻ ജലാലുദ്ധീൻ, എമിൻ നൂഹ്, സാദ് ഇബ്നു ജാവിദ്, റസ് വ ലാക്കൽ, ദുആ ജലാലുദ്ദീൻ എന്നിവർക്കും സ്കൂൾ ബെസ്റ്റ് മെന്റർ ഫാത്തിമ നിദക്കും ‘മാധ്യമം’ ഉപഹാരം നൽകി.
കണ്ണമംഗലം ഗ്രാമപഞ്ചായത്ത് പ്രസിഡന്റ് സമീറ പുളിക്കൽ, വാർഡ് അംഗങ്ങളായ യു. സക്കീന, എം.വി. ഗൗരി, ടി.കെ. കുഞ്ഞാലൻ കുട്ടി, ഹയർ സെക്കൻഡറി സ്കൂൾ പ്രിൻസിപ്പൽ ഇ.വി. അബ്ദുസ്സലാം, ജമാഅത്തെ ഇസ്ലാമി എ.ആർ നഗർ ഏരിയ പ്രസിഡന്റ് പി.ഇ. ഖമറുദ്ദീൻ, ട്രസ്റ്റ് സെക്രട്ടറി സകരിയ പനക്കൽ, പി.ടി.എ പ്രസിഡന്റ് സകറിയ പുള്ളാട്ട്, സ്കൂൾ മാനേജർ പി.പി. അബ്ദു റഹ്മാൻ, ട്രസ്റ്റ് അംഗം ഖാലിദ്, ഇ.കെ. ശബീബ്, പ്രോഗ്രാം കൺവീനർമാരായ ഹന്നത്ത്, മുഹമ്മദ് ഷഫീഖ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.