റോഡ്​ നവീകരണത്തിന്​ യാചനസമരം

പാനൂർ: 12 വർഷമായി തകർന്നുകിടക്കുന്ന റോഡ് നന്നാക്കണമെന്ന് ആവശ്യപ്പെട്ട് നാട്ടുകാർ യാചനസമരം നടത്തുന്നു. പാനൂർ ഗ്രാമപഞ്ചായത്തിലെ ആയുർവേദ ആശുപത്രിക്ക് സമീപത്തുള്ള 39ാം വാർഡിലെ റോഡാണ് പൊട്ടി​െപ്പാളിഞ്ഞ് വെള്ളക്കെട്ടായി മാറിയത്. തുടർച്ചയായി നഗരസഭയിലും വാർഡ് സഭയിലും ആവശ്യപ്പെട്ടിട്ടും ഒരു ഫലവുമില്ലെന്ന് നാട്ടുകാർ പറയുന്നു. നാലുവർഷമായി വാർഡ് ലിസ്​റ്റിൽ ഒന്നാമതായി വന്ന റോഡാണിത്. ഇരുപതോളം കുടുംബങ്ങൾ ഈ റോഡിനിരുവശത്തുമായി താമസിക്കുന്നു. കണ്ണംവെള്ളി, കാട്ടിമുക്ക് പ്രദേശത്തുള്ള നൂറു കണക്കിന് ആളുകൾക്ക് ആയുർവേദാശുപത്രിയിൽ എത്തിച്ചേരാനുള്ള റോഡാണിത്. കഴിഞ്ഞദിവസം കുട്ടികൾ കുഴിയിൽ താഴ്ന്നുപോകുന്ന അവസ്ഥയുമുണ്ടായി. ജൂലൈ 27 മുതൽ പ്രദേശവാസികൾ യാചനസമരത്തിനുള്ള ഒരുക്കത്തിലാണ്.