കൂടത്തായി കൂട്ടക്കൊല: പ്രതി ആവശ്യപ്പെട്ടപ്രകാരം രണ്ടു തവണ സയനൈഡ് നൽകിയെന്ന് സാക്ഷിമൊഴി

കോ​ഴി​ക്കോ​ട്: കൂ​ട​ത്താ​യി കൂ​ട്ട​ക്കൊ​ല പ​ര​മ്പ​ര​യി​ൽ റോ​യ് തോ​മ​സ് വ​ധ​ക്കേ​സി​ൽ 43ാം സാ​ക്ഷി കു​റ്റ്യാ​ടി മു​തു​വ​ണ്ണാ​ച്ച ഇ​ള​മ്പി​ലാ​ശ്ശേ​രി സ​ത്യ​ന്റെ സാ​ക്ഷി​വി​സ്താ​രം മാ​റാ​ട് പ്ര​ത്യേ​ക അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി എ​സ്.​ആ​ർ. ശ്യാം​ലാ​ൽ മു​മ്പാ​കെ പൂ​ർ​ത്തി​യാ​യി.

ര​ണ്ടു ത​വ​ണ മൂ​ന്നാം പ്ര​തി പ്ര​ജി​കു​മാ​റി​ന് സ​യ​നൈ​ഡ് കൊ​ടു​ത്തി​രു​ന്ന​താ​യി സ്പെ​ഷ​ൽ പ്രോ​സി​ക്യൂ​ട്ട​ർ അ​ഡ്വ. എ​ൻ.​കെ. ഉ​ണ്ണി​കൃ​ഷ്ണ​ൻ, അ​ഡീ​ഷ​ന​ൽ പ​ബ്ലി​ക് പ്രോ​സി​ക്യൂ​ട്ട​ർ ഇ. ​സു​ഭാ​ഷ് എ​ന്നി​വ​രു​​ടെ വി​സ്താ​ര​ത്തി​ൽ സ​ത്യ​ൻ മൊ​ഴി​ന​ൽ​കി.

പ്ര​ജി​കു​മാ​ർ ത​ന്റെ അ​ക​ന്ന ബ​ന്ധു​വാ​ണെ​ന്നും കോ​യ​മ്പ​ത്തൂ​രി​ൽ 30 വ​ർ​ഷം മു​മ്പ് പ്ര​ജി​കു​മാ​ർ സ്വ​ർ​ണ​പ്പ​ണി​ക്ക് വ​ന്ന സ​മ​യ​ത്ത് പ​രി​ച​യ​പ്പെ​ട്ട​താ​ണെ​ന്നും താ​ൻ 30 കൊ​ല്ല​ത്തോ​ള​മാ​യി കോ​യ​മ്പ​ത്തൂ​രി​ൽ സ്വ​ർ​ണ​പ്പ​ണി ചെ​യ്തു​വ​രു​ക​യാ​ണെ​ന്നും മൊ​ഴി ന​ൽ​കി. സ​യ​നൈ​ഡ് വേ​ണ​മെ​ന്ന് പ്ര​തി ആ​വ​ശ്യ​പ്പെ​ട്ട പ്ര​കാ​ര​മാ​ണ് ന​ൽ​കി​യ​ത്.

കോ​യ​മ്പ​ത്തൂ​രി​ലെ ആ​ന​ന്ദ് എ​ന്ന​യാ​ളി​ൽ​നി​ന്ന് വാ​ങ്ങി​യാ​ണ് 250 ഗ്രാം ​വീ​തം സ​യ​നൈ​ഡ് ന​ൽ​കി​യ​ത്. പ്ര​ജി​കു​മാ​ർ ’97 മു​ത​ൽ താ​മ​ര​ശ്ശേ​രി​യി​ൽ സ്വ​ർ​ണ​പ്പ​ണി​യും ആ​ഭ​ര​ണ​ങ്ങ​ളു​ടെ ക​ള​റി​ങ്ങും ന​ട​ത്തി​യി​രു​ന്നു. 2011ലും 2014​ലും ര​ണ്ടു​ത​വ​ണ സ​യ​നൈ​ഡ് വാ​ങ്ങി പ്ര​ജി​കു​മാ​റി​ന് ന​ൽ​കി​യ​താ​ണെ​ന്നാ​ണ് സ​ത്യ​ന്റെ മൊ​ഴി.

എ​ന്നാ​ൽ, 2013ലും 2014​ലു​മാ​ണ് സ​യ​നൈ​ഡ് ന​ൽ​കി​യ​തെ​ന്ന് കേ​സ് ഡ​യ​റി​യി​ലു​ള്ള മൊ​ഴി​യി​ൽ പ​റ​ഞ്ഞ​കാ​ര്യം ​പ്ര​തി​ഭാ​ഗം അ​ഭി​ഭാ​ഷ​ക​രാ​യ അ​ഡ്വ. ഷ​ഹീ​ർ സി​ങ്, അ​ഡ്വ. പി. ​കു​മാ​ര​ൻ​കു​ട്ടി, എം. ​രാ​ജേ​ഷ്കു​മാ​ർ എ​ന്നി​വ​ർ എ​തി​ർ​വി​സ്താ​ര​ത്തി​ൽ ഉ​ന്ന​യി​ച്ചു. 2011ൽ ​കൊ​ല ന​ട​ന്ന​താ​യാ​ണ് കേ​സ്.

മൂ​ന്നാം പ്ര​തി ​ ന​ൽ​കി​യ സ​യ​നൈ​ഡ് ര​ണ്ടാം പ്ര​തി എം.​എ​സ്. മാ​ത്യു ഒ​ന്നാം പ്ര​തി ജോ​ളി​ക്ക് ന​ൽ​കി​യെ​ന്നും അ​ത് കൊ​ല​ക്കു​പ​യോ​ഗി​ച്ചെ​ന്നു​മാ​ണ് കേ​സ്. സാ​ക്ഷി​യു​ടെ ബ​ന്ധു​ക്ക​ൾ പൊ​ലീ​സു​കാ​രാ​ണെ​ന്നും അ​വ​രു​ടെ​യും മേ​ലു​ദ്യോ​ഗ​സ്ഥ​രു​ടെ​യും നി​ർ​ബ​ന്ധ​ത്തി​ന് വ​ഴ​ങ്ങി പൊ​ലീ​സ് ത​യാ​റാ​ക്കി​യ തി​ര​ക്ക​ഥ​ക്ക​നു​സ​രി​ച്ച് മൊ​ഴി പ​റ​യു​ക​യാ​ണെ​ന്നും പ്ര​തി​ഭാ​ഗം വാ​ദി​ച്ചു.

ആ​ന​ന്ദ് എ​ന്ന​യാ​ൾ സാ​ക്ഷി​ക്ക് സ​യ​നൈ​ഡ് കൊ​ടു​ത്തു​വെ​ന്ന് പ​റ​യു​ന്നു​വെ​ങ്കി​ലും അ​ങ്ങ​നെ​യൊ​രാ​ളി​ല്ലെ​ന്നു​മാ​ണ് പ്ര​തി​ഭാ​ഗം വാ​ദം. ആ​ന​ന്ദ് ന​ൽ​കി​യ സ​യ​നൈ​ഡ് പ്ര​ജി​കു​മാ​റി​ന് ന​ൽ​കു​മ്പോ​ൾ തു​റ​ന്നു നോ​ക്കി​യി​ട്ടി​ല്ലെ​ന്നും എ​തി​ർ​വി​സ്താ​ര​ത്തി​ൽ സാ​ക്ഷി​മൊ​ഴി ന​ൽ​കി.

പ്ര​തി​യെ അ​റ​സ്റ്റ് ചെ​യ്ത​ത​റി​ഞ്ഞ് മൂ​ന്നാം പ്ര​തി പ്ര​ജി​കു​മാ​റി​ന്റെ സ​ഹോ​ദ​ര​നാ​യ പ്ര​കാ​ശ​നെ ഫോ​ണി​ൽ വി​ളി​ച്ച​പ്പോ​ൾ ര​ണ്ടാം പ്ര​തി ച​തി​ച്ച​താ​ണെ​ന്ന് പ​റ​ഞ്ഞ​താ​യും സ​ത്യ​ൻ മൊ​ഴി​ന​ൽ​കി. സാ​ക്ഷി​വി​സ്താ​രം ബു​ധ​നാ​ഴ്ച തു​ട​രും.