Posted On
date_range Updated On
date_range തണ്ണീർമലയിൽ തീപിടിത്തം
ഉള്ള്യേരി: കന്നൂര് തണ്ണീർമലയിൽ പുൽക്കാടിന് തീപിടിച്ചു. ചൊവ്വാഴ്ച രാവിലെ 10 മണിയോടെയാണ് സംഭവം. കൊയിലാണ്ടിയിൽ നിന്നെത്തിയ അഗ്നിരക്ഷ സേന ഫയർ ബീറ്റർ ഉപയോഗിച്ചും ഫയർ ബ്രേക്ക് ചെയ്തും തീ പൂർണമായും അണച്ചു. നാട്ടുകാരുടെ സഹായത്തോടുകൂടിയാണ് 20 ഏക്കറോളം വരുന്ന പ്രദേശത്തെ തീ പൂർണമായും നിയന്ത്രണവിധേയമാക്കിയത്. സ്വകാര്യ ആവശ്യത്തിന് ആളുകൾ സമയവും കാലാവസ്ഥയും നോക്കാതെ തീയിടുകയും ഇത് പിന്നീട് നിയന്ത്രണത്തിൽ വരാതിരിക്കുകയും ചെയ്യുമെന്നതിനാൽ ഇത്തരം പ്രവൃത്തികൾ വൻ അഗ്നിബാധയിലേക്ക് നയിക്കുമെന്ന് സേന മുന്നറിയിപ്പ് നൽകി. സീനിയർ ഫയർ ആൻഡ് റെസ്ക്യൂ ഓഫിസർ സജിൻ ടി.യുടെ നേതൃത്വത്തിൽ എം. ജാഹിർ, ഇ.എം. നിധിപ്രസാദ്, ഇ.കെ. നിധിൻരാജ്, ഹോം ഗാർഡ് രാംദാസ് വിച്ചിച്ചേരി, പ്രതീഷ് എന്നിവർ തീയണക്കുന്നതിന് നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.