ക​ലി​യാ ..ക​ലി​യാ...കൂ​യ് ച​ക്കേം മാ​ങ്ങേം, തേ​ങ്ങേം താ; കൃഷി ഓർമ പുതുക്കി കലിയൻ

കൊ​യി​ലാ​ണ്ടി: തി​മി​ർ​ത്തു​പെ​യ്യു​ന്ന മ​ഴ​യു​ടെ അ​ക​മ്പ​ടി​യോ​ടെ ക​ലി​യ​ൻ ക​ട​ന്നു​വ​രു​ന്നു, കാ​ർ​ഷി​ക​സം​സ്​​കൃ​തി​യു​ടെ ഓ​ർ​മ പു​തു​ക്കി. കൃ​ഷി​യെ ആ​ശ്ര​യി​ച്ചു​ക​ഴി​ഞ്ഞ ഒ​രു കാ​ല​ത്തി​െൻറ ഓ​ർ​മ​പു​തു​ക്ക​ലാ​ണ് ക​ലി​യ​ൻ.

പ​ഴ​യ കാ​ല പ്രൗ​ഢി​യി​ല്ലെ​ങ്കി​ലും വ​ട​ക്കെ മ​ല​ബാ​റി​ൽ ഇ​ന്നും പ്രാ​ധാ​ന്യ​പൂ​ർ​വം ക​ലി​യ​ൻ ആ​ഘോ​ഷി​ക്കു​ന്നു. നി​ല​വി​ള​ക്കും പാ​ത്ര​ത്തി​ൽ വെ​ള്ള​വും ക​ത്തി​ച്ച ചൂ​ട്ടു​മാ​യി 'ക​ലി​യാ ....ക​ലി​യാ... കൂ​യ്' ച​ക്കേം മാ​ങ്ങേം, തേ​ങ്ങേം താ ​എ​ന്ന് ആ​ർ​ത്തു​വി​ളി​ച്ച് മൂ​ന്നു പ്രാ​വ​ശ്യം വീ​ടു​ചു​റ്റു​ന്നു. അ​തി​നു​ശേ​ഷം വാ​ഴ​പ്പോ​ള കൊ​ണ്ട്​ രൂ​പം ന​ൽ​കി​യ വീ​ട്ടി​ൽ വി​ഭ​വ​ങ്ങ​ളൊ​രു​ക്കി പ​റ​മ്പി​െൻറ തെ​ക്കു​ഭാ​ഗ​ത്തെ പ്ലാ​വി​ൻ ചു​വ​ട്ടി​ൽ വെ​ച്ച് ഒ​രി​ക്ക​ൽ കൂ​ടി ക​ലി​യ​നെ വി​ളി​ക്കും. അ​ട, ചോ​റ്, ക​ഞ്ഞി, ച​ക്ക​പ്പു​ഴ​ക്ക്, മാ​ങ്ങ, പ​പ്പ​ടം... തു​ട​ങ്ങി​യ​വ​യാ​ണ് വി​ഭ​വ​ങ്ങ​ൾ. ക​ർ​ക്കി​ട​ക ത​ലേ​ന്ന് സ​ന്ധ്യ​യോ​ടെ​യാ​ണ് ച​ട​ങ്ങ്. വാ​ഴ​ത്ത​ട്ട​ക്കൊ​ണ്ട് ക​ല​പ്പ, നു​കം, ഏ​ണി, കോ​ണി, പ്ലാ​വി​ല കൊ​ണ്ട് കാ​ള എ​ന്നി​വ​യും നി​ർ​മി​ക്കും.

കു​ട്ടി​ക​ൾ തി​മി​ർ​ത്താ​ടു​ന്ന വൈ​കു​ന്നേ​രം കൂ​ടി​യാ​യി​രു​ന്നു ഇ​ത്. ക​ലി​യ​ൻ വി​ളി​യി​ൽ അ​വ​ർ നാ​ടി​നെ മു​ഖ​രി​ത​മാ​ക്കും. ഇ​തി​നു​ശേ​ഷം ചേ​ട്ട​യെ അ​ക​റ്റി ശീ​പോ​തി​യെ വീ​ട്ടി​ലേ​ക്കു ക്ഷ​ണി​ക്കും. പൊ​ട്ടി​യ ക​ല​വും കു​റ്റി​ച്ചൂ​ലു​മൊ​ക്കെ​യാ​യി ചേ​ട്ട​യെ അ​ക​ല​ത്തെ കു​റ്റി​ക്കാ​ട്ടി​ൽ നി​ക്ഷേ​പി​ക്കും. തു​ട​ർ​ന്ന് വീ​ടും പ​രി​സ​ര​വും ശു​ചി​യാ​ക്കും.

ക​ർ​ക്കി​ട​കം ഒ​ന്നു മു​ത​ൽ പൂ​മു​ഖ​ത്ത് ശ്രീ ​ഭ​ഗ​വ​തി​ക്ക് നി​ല​വി​ള​ക്കു​വെ​ച്ച് ഭ​സ്മ​മു​ള്ള പാ​ത്ര​ത്തി​ൽ തു​മ്പ​യും തു​ള​സി​ക്ക​തി​രു​മി​ട്ട് വെ​ള്ളം​വെ​ക്കും. ക​ർ​ക്കി​ട​കം മൂ​ന്നു വ​രെ തു​ട​രും.

ഇ​തോ​ടെ ദേ​വി​യു​ടെ കൃ​പ​യാ​ൽ വീ​ട്ടി​ൽ ഐ​ശ്വ​ര്യം ഉ​ണ്ടാ​കു​മെ​ന്നാ​ണ് സ​ങ്ക​ൽ​പം. കാ​ർ​ഷി​ക സ​മൂ​ഹ​ത്തി​െൻറ ആ​ചാ​ര​മാ​ണി​ത്. ക​ർ​ക്കി​ട​ക​ത്തി​െൻറ ദു​ർ​ഘ​ടം മാ​റ്റി കൃ​ഷി​യെ സ​മ്പ​ന്ന​മാ​ക്കു​ക​യു​മാ​ണ് ല​ക്ഷ്യം. ക​ലി​യ​െൻറ നി​റ​വി​ൽ പ​ത്താ​യം നി​റ​യു​മെ​ന്ന സ​ങ്ക​ൽ​പം.

ക​ർ​ക്കി​ട​കം ക​ഴി​ഞ്ഞു വ​രു​ന്ന ചി​ങ്ങ​ത്തി​ൽ മി​ക​ച്ച വി​ള​വി​നാ​യി ക​ർ​ഷ​ക​രു​ടെ പ്ര​തീ​ക്ഷാ​നി​ർ​ഭ​ര​മാ​യ കാ​ത്തി​രി​പ്പു​കൂ​ടി​യാ​ണി​ത്. സ​മീ​പ​കാ​ല​ത്ത് പൊ​തു ആ​ഘോ​ഷ​മാ​ക്കി​യും ഇ​തു ന​ട​ന്നി​രു​ന്നു. കൊ​റോ​ണ​ക്കാ​ലം പൊ​തു ആ​ഘോ​ഷ​ത്തി​െൻറ തി​ര​ശ്ശീ​ല വീ​ഴ്ത്തി. ചി​ല​യി​ട​ങ്ങ​ളി​ൽ മ​ഴ ഉ​ത്സ​വ​മാ​യും ആ​ഘോ​ഷി​ച്ചു.

എ​ങ്കി​ലും ഐ​ശ്വ​ര്യ​സ​മ്പൂ​ർ​ണ​മാ​യ കാ​ർ​ഷി​ക കാ​ല​ത്തി​െൻറ ഓ​ർ​മ പു​തു​ക്കി ക​ലി​യ​ൻ ഒ​രി​ക്ക​ൽ കൂ​ടി ക​ട​ന്നു​വ​രു​ന്നു.