വ്യാപാരി മുഹമ്മദ് ആട്ടൂരിന്‍റെ തിരോധാനം: ഇരുട്ടിൽ തപ്പി പൊലീസ്

കോ​ഴി​ക്കോ​ട്: റി​യ​ൽ എ​സ്‌​റ്റേ​റ്റ് വ്യാ​പാ​രി മു​ഹ​മ്മ​ദ് ആ​ട്ടൂ​രി​ന്റെ തി​രോ​ധാ​ന​ത്തി​ലെ ദു​രൂ​ഹ​ത തു​ട​രു​ന്നു. മു​ഹ​മ്മ​ദി​നെ കാ​ണാ​താ​യി​ട്ട് ഒ​മ്പ​തു​മാ​സം പി​ന്നി​ട്ടി​ട്ടും കാ​ര്യ​മാ​യ തെ​ളി​വു​ക​ളൊ​ന്നും ല​ഭി​ക്കാ​തെ അ​ന്വേ​ഷ​ണ​സം​ഘം ഇ​രു​ട്ടി​ൽ ത​പ്പു​ക​യാ​ണ്. അ​തി​നി​ടെ, ഉ​ദ്യോ​ഗ​സ്ഥ​രെ തെ​റ്റി​ദ്ധ​രി​പ്പി​ച്ച് അ​ന്വേ​ഷ​ണം അ​ട്ടി​മ​റി​ക്കാ​ൻ ശ്ര​മ​ങ്ങ​ളു​ണ്ടാ​യെ​ന്ന ആ​ക്ഷേ​പ​വും ഉ​യ​ർ​ന്നു. ബാ​ലു​ശ്ശേ​രി എ​ര​മം​ഗ​ലം സ്വ​ദേ​ശി​യാ​യ ആ​ട്ടൂ​ർ ഹൗ​സി​ൽ മു​ഹ​മ്മ​ദ് ആ​ട്ടൂ​രി​നെ (മാ​മി -56) ക​ഴി​ഞ്ഞ ആ​ഗ​സ്റ്റ് 21നാ​ണ് കാ​ണാ​താ​യ​ത്. ന​ട​ക്കാ​വ് പൊ​ലീ​സ് ഇ​ൻ​സ്​​പെ​ക്ട​റാ​യി​രു​ന്ന പി.​കെ. ജി​ജീ​ഷാ​ണ് തി​രോ​ധാ​ന​ത്തി​ൽ കേ​സെ​ടു​ത്ത് അ​ന്വേ​ഷ​ണം ആ​രം​ഭി​ച്ച​ത്. മാ​സ​ങ്ങ​ൾ​നീ​ണ്ട അ​​ന്വേ​ഷ​ണ​ത്തി​നി​ടെ സു​ഹൃ​ത്തു​ക​ൾ, ബി​സി​ന​സ് പ​ങ്കാ​ളി​ക​ൾ, കു​ടും​ബാം​ഗ​ങ്ങ​ൾ അ​ട​ക്ക​മു​ള്ള​വ​രി​ൽ​നി​ന്ന് മൊ​ഴി​യെ​ടു​ത്തി​ട്ടും കാ​ര്യ​മാ​യ സൂ​ച​ന​ക​ളൊ​ന്നും ല​ഭി​ച്ചി​ല്ല. അ​ന്വേ​ഷ​ണം ലോ​ക്ക​ൽ​ പൊ​ലീ​സി​ൽ​നി​ന്ന്​ മാ​റ്റി ക്രൈം​ബ്രാ​ഞ്ചി​നെ ഏ​ൽ​പി​ക്ക​ണ​മെ​ന്ന ആ​വ​ശ്യ​വും ഉ​യ​ർ​ന്നി​ട്ടു​ണ്ട്. ഇ​തു​സം​ബ​ന്ധി​ച്ച്​ ബ​ന്ധു​ക്ക​ളും ആ​ക്ഷ​ൻ ക​മ്മി​റ്റി​യും ഉ​ട​​നെ മു​ഖ്യ​മ​ന്ത്രി​യെ ഉ​ൾ​പ്പെ​ടെ ക​ണ്ട്​ നി​വേ​ദ​നം ന​ൽ​കും.

അ​ന്വേ​ഷ​ണ​ത്തി​ന്‍റെ തു​ട​ക്ക​ത്തി​ൽ കേ​സ്​ വ​ഴി​തി​രി​ച്ചു​വി​ടാ​നു​ള്ള ആ​സൂ​ത്രി​ത ശ്ര​മ​മു​ണ്ടാ​യ​താ​യി ബ​ന്ധു​ക്ക​ൾ ആ​രോ​പി​ക്കു​ന്നു. മാ​മി​യെ​ക്കു​റി​ച്ച്​ അ​പ​വാ​ദ പ്ര​ചാ​ര​ണം ന​ട​ത്തി പ്ര​ശ്ന​ത്തി​ൽ ഇ​ട​പെ​ടു​ന്ന​തി​ൽ​നി​ന്ന്​ മ​റ്റു​ള്ള​വ​രെ അ​ക​റ്റാ​നാ​ണ്​ ശ്ര​മ​മു​ണ്ടാ​യ​ത്. തി​രോ​ധാ​ന​ത്തി​ന്റെ ത​ലേ​ദി​വ​സം ഇ​ത​ര സം​സ്ഥാ​ന​ക്കാ​രാ​യ ര​ണ്ടു​പേ​ർ കോ​ഴി​ക്കോ​ട് ക​ട​പ്പു​റ​ത്ത്​ മാ​മി​യു​മാ​യി കൂ​ടി​ക്കാ​ഴ്ച ന​ട​ത്തി​യെ​ന്നും ഇ​വ​രാ​ണോ തി​രോ​ധാ​ന​ത്തി​ന് പി​ന്നി​​ലെ​ന്ന് സം​ശ​യ​മു​ണ്ടെ​ന്നും മൊ​ഴി​ക​ളു​ണ്ടാ​യി​രു​ന്നു. തു​ട​ർ​ന്ന് ഈ ​വ​ഴി​ക്കെ​ല്ലാം പൊ​ലീ​സ് അ​ന്വേ​ഷ​ണം ന​ട​ത്തി​യെ​ങ്കി​ലും തെ​ളി​വു​ക​ളൊ​ന്നും ല​ഭി​ച്ചി​ല്ല. മാ​മി​യു​മാ​യി വ​ള​രെ അ​ടു​പ്പ​മു​ള്ള ചി​ല​ർ പൊ​ലീ​സി​ന്‍റെ നി​രീ​ക്ഷ​ണ​ത്തി​ലു​ണ്ടെ​ങ്കി​ലും അ​ന്വേ​ഷ​ണ സം​ഘ​ത്തി​ന്​ ഇ​വ​രു​ടെ പ​ങ്കി​നെ​ക്കു​റി​ച്ച്​ വ്യ​ക്ത​ത കൈ​വ​ന്നി​ട്ടി​ല്ല. അ​തി​നി​ടെ, ചോ​ദ്യം​ചെ​യ്യ​ലി​ൽ​നി​ന്ന്​ ര​ക്ഷ​പ്പെ​ടാ​ൻ മാ​മി​യു​മാ​യി അ​ടു​പ്പ​മു​ള്ള ചി​ല​ർ കോ​ട​തി​യെ സ​മീ​പി​ച്ച​ത്​ ദു​രൂ​ഹ​ത വ​ർ​ധി​പ്പി​ച്ചു. സി​റ്റി പൊ​ലീ​സ് മേ​ധാ​വി രാ​ജ്പാ​ൽ മീ​ണ​യു​ടെ കീ​ഴി​ൽ ഡി.​സി.​പി അ​നൂ​ജ് പ​ലി​വാ​ളി​ന്റെ മേ​ൽ​നോ​ട്ട​ത്തി​ലാ​ണ് അ​ന്വേ​ഷ​ണം. തെ​ര​​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ ഉ​ദ്യോ​ഗ​സ്ഥ​രി​ൽ പ​ല​രും സ്ഥ​ലം മാ​റി​പ്പോ​യ​ത് അ​ന്വേ​ഷ​ണ​ത്തെ മ​ന്ദ​ഗ​തി​യി​ലാ​ക്കി​യി​ട്ടു​ണ്ട്.