കുട്ടിയെ തട്ടിക്കൊണ്ടുപോകാൻ ശ്രമം; ദമ്പതിമാർ പിടിയിൽ

കോ​ഴി​ക്കോ​ട്: ഏ​ഴു വ​യ​സ്സു​കാ​​ര​നെ ത​ട്ടി​ക്കൊ​ണ്ടു​പോ​കാ​ൻ ശ്ര​മി​ച്ചു​വെ​ന്ന പ​രാ​തി​യി​ൽ അ​ന്ത​ർ സം​സ്ഥാ​ന​ക്കാ​രാ​യ ദ​മ്പ​തി​മാ​രെ പി​ടി​കൂ​ടി. മം​ഗ​ളു​രൂ സ്വ​ദേ​ശി​ക​ളാ​യ ശ്രീ​നി​വാ​സ​ൻ, ഭാ​ര്യ ല​ക്ഷ്മി എ​ന്നി​വ​രെ​യാ​ണ് വെ​ള്ള​യി​ൽ പൊ​ലീ​സ് അ​റ​സ്റ്റു​ചെ​യ്ത​ത്. ഇ​രു​വ​ർ​ക്കു​മെ​തി​രെ കേ​സെ​ടു​ത്തു.

ഏ​ഴു വ​യ​സ്സു​കാ​ര​നൊ​പ്പം ക​ളി​ക്കു​ക​യാ​യി​രു​ന്ന മ​റ്റു കു​ട്ടി​ക​ൾ ചേ​ർ​ന്നാ​ണ് ഇ​രു​വ​രെ​യും പി​ന്തു​ട​ർ​ന്ന് പി​ടി​കൂ​ടി പൊ​ലീ​സി​ൽ ഏ​ൽ​പി​ച്ച​ത്. പു​തി​യ​ക​ട​വി​ൽ ഇ​ന്ന​ലെ പ​ക​ൽ 12 ഓ​ടെ​യാ​യി​രു​ന്നു സം​ഭ​വം. ഉ​മ്മ​യു​ടെ വീ​ട്ടി​ൽ അ​വ​ധി ആ​ഘോ​ഷി​ക്കാ​നെ​ത്തി​യ ബേ​പ്പൂ​ർ സ്വ​ദേ​ശി​യാ​യ കു​ട്ടി​യെ​യാ​ണ് ക​ട​ത്തി​ക്കൊ​ണ്ടു​പോ​കാ​ൻ ശ്ര​മം ന​ട​ന്ന​ത്.

പു​തി​യ​ക​ട​വി​ലെ മൂ​പ്പ​ന്റെ​പ​റ​മ്പി​ൽ ക​ളി​ക്കു​ക​യാ​യി​രു​ന്നു പ​ത്തം​ഗ സം​ഘം. അ​വി​ടെ​നി​ന്ന് പു​റ​ത്തേ​ക്കി​റ​ങ്ങി​യ​പ്പോ​ൾ പ്ലാ​സ്റ്റി​ക്കും മ​റ്റും പെ​റു​ക്കു​ന്ന ദ​മ്പ​തി​ക​ൾ ഏ​ഴു വ​യ​സ്സു​കാ​രെ പൊ​ക്കി​യെ​ടു​ത്ത് ചാ​ക്കി​ൽ ക​യ​റ്റാ​ൻ നോ​ക്കു​ക​യാ​യി​രു​ന്നു​വെ​ന്ന് കു​ട്ടി പൊ​ലീ​സി​ൽ പ​രാ​തി​പ്പെ​ട്ടു.

ബ​ഹ​ളം വെ​ച്ച​തോ​ടെ കു​ട്ടി​യെ ഉ​പേ​ക്ഷി​ച്ച് ഇ​രു​വ​രും ബീ​ച്ച് ഭാ​ഗ​ത്തേ​ക്ക് ഓ​ടി​യെ​ന്നും പി​ന്നാ​ലെ ഓ​ടി​യ ത​ങ്ങ​ൾ ഒ​രു കി​ലോ​മീ​റ്റ​റോ​ളം ഇ​വ​രെ പി​ന്തു​ട​ർ​ന്നു​വെ​ന്നും കൂ​ടെ​യു​ണ്ടാ​യി​രു​ന്ന കു​ട്ടി​ക​ൾ പ​റ​ഞ്ഞു. ബീ​ച്ചി​ലെ ല​യ​ൺ​സ് പാ​ർ​ക്ക് പ​രി​സ​ര​ത്തു​വെ​ച്ചാ​ണ് നാ​ട്ടു​കാ​രു​ടെ സ​ഹാ​യ​ത്തോ​ടെ ഇ​വ​രെ ത​ട​ഞ്ഞു​വെ​ച്ച് അ​വി​ടെ​യു​ള്ള പൊ​ലീ​സു​കാ​ര​നെ ഏ​ൽ​പി​ച്ച​ത്.

പി​ന്നീ​ട് വെ​ള്ള​യി​ൽ പൊ​ലീ​സ് എ​ത്തി ക​സ്റ്റ​ഡി​യി​ലെ​ടു​ത്തു. മു​ഹ​മ്മ​ദ് നി​ഷാ​ദ്, മി​ഥി​ലാ​ജ്, ഹി​നാ​ൻ, ന​ബീ​ൽ, മു​ഹ​മ്മ​ദ് ഷി​നാ​ൻ, ബാ​ദു​ഷ, റം​ഷീ​ദ്, അ​ജ്മ​ൽ, സൈ​നു​ൽ ആ​ബി​ദ് എ​ന്നീ കു​ട്ടി​ക​ളാ​ണ് ദ​മ്പ​തി​ക​ളെ പി​ന്തു​ട​ർ​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ റി​മാ​ൻ​ഡ് ചെ​യ്തു.