റെയിൽവേ സ്റ്റേഷനിൽനിന്നുള്ള കെ.എസ്.ആർ.ടി.സി രാത്രി ബസ് തടഞ്ഞ് ഓട്ടോ തൊഴിലാളികൾ

കോ​ഴി​ക്കോ​ട്: കോ​ഴി​ക്കോ​ട് റെ​യി​ൽ​വേ സ്റ്റേ​ഷ​നി​ൽ​നി​ന്ന് രാ​ത്രി 11.10ന് ​പു​റ​പ്പെ​ടു​ന്ന ബാ​ലു​ശ്ശേ​രി- താ​മ​ര​ശ്ശേ​രി കെ.​എ​സ്.​ആ​ർ.​ടി.​സി ബ​സി​നെ​തി​രെ പ്ര​തി​ഷേ​ധ​വു​മാ​യി ഓ​ട്ടോ തൊ​ഴി​ലാ​ളി​ക​ൾ. ബു​ധ​നാ​ഴ്ച രാ​ത്രി സ​ർ​വി​സി​നാ​യി എ​ത്തി​യ ബ​സ് റെ​യി​ൽ​വേ സ്റ്റേ​ഷ​നു മു​ന്നി​ൽ നി​ർ​ത്തി​യി​ടാ​ൻ ക​ഴി​യി​ല്ലെ​ന്നു പ​റ​ഞ്ഞ് ഓ​ട്ടോ തൊ​ഴി​ലാ​ളി​ക​ൾ സം​ഘം ചേ​ർ​ന്ന് ത​ട​യാ​ൻ ശ്ര​മി​ക്കു​ക​യാ​യി​രു​ന്നു. ത​ങ്ങ​ളു​ടെ ഓ​ട്ടം കു​റ​ഞ്ഞു​പോ​കുമെ​ന്ന ആശങ്കയി​ലാ​ണ് തൊ​ഴി​ലാ​ളി​ക​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​തെ​ന്നാ​ണ് വി​വ​രം.

തി​രു​വ​ന​ന്ത​പു​രം-​ക​ണ്ണൂ​ർ ജ​ൻശ​താ​ബ്ദി ട്രെ​യി​ൻ എ​ത്തി യാ​ത്ര​ക്കാ​ർ ക​യ​റി​യ​തി​നു ശേ​ഷ​മാ​ണ് ബ​സ് റെ​യി​ൽ​വേ സ്റ്റേ​ഷ​നി​ൽ​നി​ന്ന് പു​റ​പ്പെ​ടു​ക. ട്രെ​യി​ൻ വൈ​കി​യാ​ൽ എ​ത്തു​ന്ന​തു​വ​രെ കാ​ത്തി​രി​ക്കും. ബു​ധ​നാ​ഴ്ച സ​ർ​വി​സി​നെ​ത്തി​യ ബ​സ് റെ​യി​ൽ​വേ സ്റ്റേ​ഷ​നു മു​ന്നി​ൽ റോ​ഡി​ന്‍റെ ഒ​രു​വ​ശ​ത്താ​യി നി​ർ​ത്തി​യി​ട്ടി​രു​ന്നു. ഇ​തി​നി​ടെ ഓ​ട്ടോ ഡ്രൈ​വ​ർ​മാ​ർ സം​ഘ​ടി​ച്ചെ​ത്തി ഗ​താ​ഗ​തം ത​ട​സ്സ​പ്പെ​ടു​മെ​ന്നും ബ​സ് അ​വി​ടെ​നി​ന്ന് മാ​റ്റ​ണ​മെ​ന്നും പ​റ​ഞ്ഞ് ജീ​വ​ന​ക്കാ​രു​മാ​യി വാ​ക്തർ​ക്ക​മു​ണ്ടാ​ക്കി. തു​ട​ർ​ന്ന് പൊ​ലീ​സ് ഇ​ട​പെ​ട്ടു.

ജ​ൻശ​താ​ബ്ദി​യി​ൽ വ​ന്നി​റ​ങ്ങു​ന്ന യാ​ത്ര​ക്കാ​ർ​ക്ക് തു​ട​ർ​യാ​ത്ര​ക്ക് സൗ​ക​ര്യം ഇ​ല്ലെ​ന്നും അ​ടി​യ​ന്ത​ര പ​രി​ഹാ​രം കാ​ണ​ണ​മെ​ന്നും ആ​വ​ശ്യ​പ്പെ​ട്ട് മു​ഖ്യ​മ​ന്ത്രി​യു​ടെ ന​വ​കേ​ര​ള യാ​ത്ര​യി​ൽ പ​രാ​തി ല​ഭി​ച്ച​തി​നെ​ത്തു​ട​ർ​ന്നാ​ണ് താ​മ​ര​ശ്ശേ​രി ഡി​പ്പോ​യി​ൽ​നി​ന്ന് ബാ​ലു​ശ്ശേ​രി വ​ഴി ബ​സ് സ​ർ​വി​സ് ആ​രം​ഭി​ച്ച​ത്.

ഇ​ക്ക​ഴി​ഞ്ഞ 17ന് ​ആ​രം​ഭി​ച്ച സ​ർ​വി​സി​ന് വ​ൻ സ്വീ​കാ​ര്യ​ത​യാ​ണ് ല​ഭി​ച്ചു​കൊ​ണ്ടി​രി​ക്കു​ന്ന​ത്. ആ​ദ്യ ദി​വ​സം 700 രൂ​പ​യി​ൽ താ​ഴെ​യാ​യി​രു​ന്നു ക​ല​ക്ഷ​നെ​ങ്കി​ൽ ബു​ധ​നാ​ഴ്ച അ​ത് 2000ത്തി​നു മു​ക​ളി​ലാ​യി. ക​ക്കോ​ടി, ബാ​ലു​ശ്ശേ​രി, പൂ​നൂ​ർ ഭാ​ഗ​ത്തേ​ക്കു​ള്ള യാ​ത്ര​ക്കാ​ർ​ക്ക് ഏ​റെ ഉ​പ​കാ​ര​പ്ര​ദ​മാ​കു​ന്ന സ​ർ​വി​സാ​ണി​ത്.

യാ​ത്ര​ക്കാ​ർ വാ​ട്സ്ആ​പ് ഗ്രൂ​പ്പു​ണ്ടാ​ക്കി കൃ​ത്യ​മാ​യ സ​മ​യം പ​ങ്കു​വെ​ക്കു​ന്ന​ത​ട​ക്ക​മു​ള്ള സം​വി​ധാ​ന​ങ്ങ​ളു​മാ​യി മു​ന്നോ​ട്ടു പോ​കുന്ന​തി​നി​ടെ​യാ​ണ് ഓ​ട്ടോ തൊ​ഴി​ലാ​ളി​ക​ൾ പ്ര​തി​ഷേ​ധ​വു​മാ​യി രം​ഗ​ത്തെ​ത്തി​യ​ത്. ബ​സ് ഓ​ട്ടോ സ്റ്റാ​ൻ​ഡി​ന് സ​മീ​പ​ത്തെ​ങ്ങും പാ​ർ​ക്ക് ചെ​യ്യ​രു​തെ​ന്നും ട്രെ​യി​ൻ വ​രു​ന്ന​തു​വ​രെ കാ​ത്തി​രി​ക്ക​രു​തെ​ന്നു​മാ​ണ് ഓ​ട്ടോ​ക്കാ​രു​ടെ ആ​വ​ശ്യം.

എ​ന്നാ​ൽ, ഓ​ട്ടോ​ക്കാ​രു​ടെ ന​ട​പ​ടി​ക്കെ​തി​രെ യാ​ത്ര​ക്കാ​രി​ൽ വ്യാ​പ​ക പ്ര​തി​ഷേ​ധം ഉ​യ​ർ​ന്നി​ട്ടു​ണ്ട്. രാ​ത്രി റെ​യി​ൽ​വേ സ്റ്റേ​ഷ​നി​ൽ​നി​ന്ന് കെ.​എ​സ്.​ആ​ർ.​ടി.​സി, മൊ​ഫ്യൂ​സി​ൽ ബ​സ് സ്റ്റാ​ൻ​ഡു​ക​ളി​ലേ​ക്കു​ള്ള യാ​ത്ര​ക്കാ​ർ​ക്കും ഈ ​സ​ർ​വി​സ് ഏ​റെ ഉ​പ​കാ​ര​പ്ര​ദ​മാ​ണ്. രാ​ത്രി​യി​ൽ മീ​റ്റ​ർ ചാ​ർ​ജി​ന്‍റെ ര​ണ്ടി​ര​ട്ടി​യും അ​തി​ൽ അ​ധി​ക​വു​മാ​ണ് ഓ​ട്ടോ​ക്കാ​ർ യാ​ത്ര​ക്കാ​രി​ൽ​നി​ന്ന് ഈ​ടാ​ക്കു​ന്ന​ത്.