വ്യാജ ബോണ്ട് നൽകി കോടികളുടെ തട്ടിപ്പ്; നെ​ല്ലി​ക്കോ​ട് വ​നി​ത സ​ഹ​ക​ര​ണ സം​ഘ​ത്തി​നെ​തി​രെ പ​രാ​തി

കോ​ഴി​ക്കോ​ട്: സ്ഥി​ര​നി​ക്ഷേ​പ​ത്തി​ന് വ്യാ​ജ ബോ​ണ്ട് ന​ൽ​കി കോ​ടി​ക​ളു​ടെ ത​ട്ടി​പ്പ് ന​ട​ന്ന​താ​യി ആ​ക്ഷേ​പം. സി.​പി.​എം നി​യ​ന്ത്ര​ണ​ത്തി​ലു​ള്ള നെ​ല്ലി​ക്കോ​ട് വ​നി​ത സ​ഹ​ക​ര​ണ സം​ഘ​ത്തി​നെ​തി​രെ​യാ​ണ് പ​രാ​തി. നി​ക്ഷേ​പ​ക​ർ പ​രാ​തി ന​ൽ​കി​യി​ട്ട് ദി​വ​സ​ങ്ങ​ളാ​യെ​ങ്കി​ലും പൊ​ലീ​സ് കേ​സെ​ടു​ത്തി​ട്ടി​ല്ല. അ​തി​നി​ടെ, സം​ഭ​വ​ത്തി​ന്റെ നി​ജ​സ്ഥി​തി അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് ബാ​ങ്ക് അ​ധി​കൃ​ത​ർ പൊ​ലീ​സി​ലും സ​ഹ​ക​ര​ണ വ​കു​പ്പി​നും പ​രാ​തി ന​ൽ​കി.

ക​ഴി​ഞ്ഞ ജൂ​ൺ 30ന് ​ഈ സം​ഘ​ത്തി​ലെ ജീ​വ​ന​ക്കാ​ര​ൻ ആ​ത്മ​ഹ​ത്യ ചെ​യ്തി​രു​ന്നു. സാ​മ്പ​ത്തി​ക ത​ട്ടി​പ്പി​നു​ത്ത​ര​വാ​ദി ഇ​യാ​ളാ​ണെ​ന്ന ത​ര​ത്തി​ലാ​ണ് സം​ഘം അ​ധി​കൃ​ത​ർ നി​ക്ഷേ​പ​ക​രോ​ട് പ​റ​ഞ്ഞ​ത​ത്രെ. നി​ക്ഷേ​പ​ത്തി​ന് ജൂ​ലൈ മാ​സ​ത്തെ പ​ലി​ശ ല​ഭി​ക്കാ​താ​യ​പ്പോ​ൾ ചി​ല​ർ സം​ഘ​ത്തി​ൽ അ​ന്വേ​ഷി​ച്ച​പ്പോ​ഴാ​ണ് ത​ട്ടി​പ്പ് പു​റ​ത്താ​യ​ത്. നി​ക്ഷേ​പ​ത്തി​ന് ന​ൽ​കി​യ ബോ​ണ്ടു​ക​ൾ സം​ഘ​ത്തി​ന്റെ​ത​ല്ലെ​ന്നും ഇ​വ​രു​ടെ പേ​രി​ൽ നി​ക്ഷേ​പം വ​ന്നി​ട്ടി​ല്ലെ​ന്നു​മാ​ണ് സം​ഘം ഭാ​ര​വാ​ഹി​ക​ൾ പ​റ​ഞ്ഞ​ത്. ഇ​തി​നു​പി​ന്നാ​ലെ​യാ​ണ് ര​ണ്ടു​പേ​ർ പൊ​ലീ​സി​ൽ പ​രാ​തി ന​ൽ​കി​യ​ത്. ഇ​തി​ലൊ​രാ​ൾ​ക്കു മാ​ത്രം ഒ​രു കോ​ടി​യി​ല​ധി​കം രൂ​പ​യു​ടെ നി​ക്ഷേ​പ​മു​ണ്ട്. ആ​ക്ഷേ​പ​മു​ന്ന​യി​ച്ച​വ​രു​ടെ നി​ക്ഷേ​പ തു​ക മാ​ത്ര​മെ​ടു​ത്താ​ൽ ഒ​ന്ന​ര​ക്കോ​ടി​യി​ല​ധി​കം വ​രും. ലോ​ക്ക​റി​ൽ​നി​ന്ന് സ്വ​ർ​ണം ന​ഷ്ട​മാ​യി​ട്ടു​ണ്ടെ​ന്നും ആ​ക്ഷേ​പ​മു​ണ്ട്.

സം​ഘം അ​റി​യാ​തെ നി​ക്ഷേ​പ തു​ക​ക്ക് വ്യാ​ജ ബോ​ണ്ട് ന​ൽ​കി ജീ​വ​ന​ക്കാ​ര​ൻ പ​ണം ത​ട്ടി​യ​താ​ണെ​ങ്കി​ൽ ജൂ​ൺ മാ​സം​വ​രെ ത​ങ്ങ​ൾ​ക്ക് പ​ലി​ശ ല​ഭി​ച്ച​തെ​ങ്ങ​നെ​യാ​ണെ​ന്ന് നി​ക്ഷേ​പ​ക​ർ ചോ​ദി​ക്കു​ന്നു. മാ​ത്ര​വു​മ​ല്ല, നി​ക്ഷേ​പ തു​ക ജീ​വ​ന​ക്കാ​ര​ന്റെ കൈ​വ​ശം ന​ൽ​കി​യ​ത് ബാ​ങ്കി​ൽ മ​റ്റു​ള്ള​വ​രു​ടെ​യും സാ​ന്നി​ധ്യ​ത്തി​ലാ​ണെ​ന്നും ഇ​വ​ർ വ്യ​ക്ത​മാ​ക്കു​ന്നു.

ത​ട്ടി​പ്പി​ന്റെ ഉ​ത്ത​ര​വാ​ദി​ത്തം മ​രി​ച്ച ജീ​വ​ന​ക്കാ​ര​ന്റെ ത​ല​യി​ലി​ട്ട് കൈ​യൊ​ഴി​യാ​നാ​ണ് സം​ഘം ശ്ര​മി​ക്കു​ന്ന​തെ​ന്ന് ആ​രോ​പ​ണ​മു​ണ്ട്. സം​ഘ​ത്തി​ന്റെ ബോ​ണ്ട​ല്ല നി​ക്ഷേ​പ​ക​രു​ടെ കൈ​യി​ലു​ള്ള​തെ​ന്നും ആ​രോ​പ​ണം ശ്ര​ദ്ധ​യി​ൽ​​പെ​ട്ട​പ്പോ​ൾ ത​ന്നെ പൊ​ലീ​സി​ലും സ​ഹ​ക​ര​ണ വ​കു​പ്പി​ലും പ​രാ​തി ന​ൽ​കി​യി​ട്ടു​ണ്ടെ​ന്നും അ​ന്വേ​ഷ​ണം പൂ​ർ​ത്തി​യാ​യാ​ൽ മാ​ത്ര​മേ എ​ന്തെ​ങ്കി​ലും പ​റ​യാ​നാ​കൂ എ​ന്നും സം​ഘം സെ​ക്ര​ട്ട​റി ര​ജി​ല പ​റ​ഞ്ഞു.