മുക്കം: തിരുവമ്പാടി മണ്ഡലത്തിലെ വിദ്യാഭ്യാസ പുരോഗതി ലക്ഷ്യമിട്ട് ആരംഭിച്ച 'ഉയരെ' പദ്ധതിയുടെ ഭാഗമായി മിടുക്കരായ വിദ്യാർഥികളെ കണ്ടെത്തി സൗജന്യ മെഡിക്കൽ/എൻജിനീയറിങ് പരീക്ഷാ പരിശീലന കോഴ്സ് 'അപ് ലിഫ്റ്റ് 2022' പരിപാടി മാർച്ച് ഏഴിന് ആരംഭിക്കുമെന്ന് ലിന്റോ ജോസഫ് വാർത്ത സമ്മേളനത്തിൽ അറിയിച്ചു. എൻട്രൻസ് കോച്ചിങ് രംഗത്തെ ടാർഗറ്റ് ഗ്രൂപ്പുമായി സഹകരിച്ച് സ്കൂളുകളിൽ നടത്തുന്ന പരീക്ഷയിലൂടെ വിദ്യാർഥികളെ കണ്ടെത്തിയാണ് പ്രവേശനം. ഐ.ഐ.ടി, എയിംസ്, എൻ.ഐ.ടി തുടങ്ങി രാജ്യത്തെ ഉന്നത വിദ്യാഭ്യാസ സ്ഥാപനങ്ങളിലേക്ക് മലയോര മേഖലയിൽനിന്നുള്ള വിദ്യാർഥികളെ എത്തിക്കുകയാണ് ലക്ഷ്യം. പദ്ധതിയുടെ ഭാഗമായി നിയോജകമണ്ഡലം, പഞ്ചായത്ത്, സ്കൂൾ തല വിദ്യാഭ്യാസ സമിതികൾ ഏപ്രിൽ-മെയ് മാസങ്ങളിൽ രൂപവത്കരിച്ചിരുന്നു. മാതൃക സ്പെഷൽ സ്കൂളുകൾ , തൊഴിൽ പരിചയം എന്നിവയ്ക്കായി തണൽ എന്ന പേരിലും മണ്ഡലത്തിൽ സമ്പൂർണ ഹോം ലൈബ്രറി ലക്ഷ്യമിട്ട് സാഹിത്യോത്സവവും ഗോത്ര വിദ്യാർഥികൾക്കായി കരുതൽ തുടങ്ങിയവയും നടപ്പാക്കുമെന്ന് എം.എൽ.എ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.