സൂപ്പർ മാർക്കറ്റി​െൻറ ഷട്ടർ തകർത്ത് മോഷണം

സൂപ്പർ മാർക്കറ്റി​ൻെറ ഷട്ടർ തകർത്ത് മോഷണം കടലുണ്ടി: റെയിൽവേ ഗേറ്റിനു സമീപം അപ്കോ സ്ക്വയറിൽ പ്രവർത്തിക്കുന്ന കോയാസ് സൂപ്പർ മാർക്കറ്റ് ഷട്ടറി​ൻെറ പൂട്ടുതകർത്ത് മോഷണം. ജനറേറ്ററും വിൽപനക്കുവെച്ച വീട്ടുപകരണങ്ങളുമാണ് വെള്ളിയാഴ്ച കടയടച്ച് പോയ ശേഷം മോഷ്​ടിക്കപ്പെട്ടത്. ശനിയാഴ്ച രാവിലെ ഉടമ കട തുറക്കാൻ വന്നപ്പോഴാണ് മോഷണവിവരം അറിഞ്ഞത്. പരാതി നൽകിയതിനെ തുടർന്ന് ബേപ്പൂർ പൊലീസ് എത്തി തെളിവ് ശേഖരിച്ചു. കോവിഡ് പശ്ചാത്തലത്തിൽ കണ്ടെയ്ൻമൻെറ്​ മേഖലയായതിനാൽ സന്ധ്യക്കു മുമ്പുതന്നെ റോഡുകളെല്ലാം വിജനമാകും. ഇത് സാമൂഹികദ്രോഹികളും മോഷ്​ടാക്കളും പ്രയോജനപ്പെടുത്തുകയാണെന്നും നിർത്തലാക്കിയ കടലുണ്ടി പൊലീസ് ഔട്ട്പോസ്​റ്റ്​ എത്രയും പെട്ടെന്ന് പുനഃസ്ഥാപിക്കണമെന്നും വ്യാപാരി വ്യവസായി ഏകോപന സമിതി ഭാരവാഹികൾ ആവശ്യപ്പെട്ടു.