മലയോരത്ത്​ കനത്ത മഴയും ചുഴലിക്കാറ്റും; വീടുകൾ തകർന്നു

r r ചൊവ്വാഴ്ച രാവിലെ 10 മണിയോടെ കാരശ്ശേരി പഞ്ചായത്തിലെ മലാംകുന്ന് പ്രദേശത്തുണ്ടായ കനത്ത മഴയിലും ചുഴലിക്കാറ്റിലും ചിരുതയുടെ വീടി​ൻെറ രണ്ടാം നിലയിൽ പാകിയ ഷീറ്റുകൾ പറന്നുപോയി. കുടുംബം ഓടി മാറിയതിനാൽ വൻ അപകടം ഒഴിവായി. മലാംകുന്നിലെതന്നെ ഷക്കീറി​ൻെറ വീടിനു മുകളിലേക്ക് മരം പൊട്ടിവീണ് കേടുപാടുകൾ സംഭവിച്ചു. താഴെ കൂടരഞ്ഞിയിലെ മുതുവാൻ ബായ് ഇസ്മാഇൗലി​ൻെറ നിർമാണം നടന്നു വരുകയായിരുന്ന വീടി​ൻെറ മുകളിൽ പ്ലാവ് പൊട്ടിവീണ് പാരപ്പറ്റും താഴ്ഭാഗത്തെ ഷീറ്റുകളും തകർന്നു. കാറ്റി​ൻെറ ശക്തിയിൽ വളപ്പുകളിലെ വാഴകൃഷികളും ഒടിഞ്ഞിട്ടുണ്ട്. മരം പൊട്ടി വീണ്​ വൈദ്യുതി ബന്ധം പലയിടത്തും തടസ്സപ്പെട്ടു. ചൊവ്വാഴ്ചയുണ്ടായ കാറ്റ് മുക്കം നഗരസഭയിലെ ഭൂരിഭാഗങ്ങളിലും അടിച്ചുവീശി. കാരശ്ശേരി പഞ്ചായത്തിലെ മൈസൂർ മല പ്രദേശങ്ങളിലും കനത്ത മഴയും കാറ്റുമുണ്ടായി. മലവെള്ളപ്പാച്ചിലും ശക്തിപ്പെട്ടതിനാൽ തോടുകളും പുഴകളും നിറഞ്ഞു. ഇരുവഴിഞ്ഞിപ്പുഴയുടെ ജലനിരപ്പും കനത്ത മഴയെ തുടർന്ന് ഉയർന്നിട്ടുണ്ട്.