ആയഞ്ചേരി: കോവിഡ് രോഗവ്യാപനം ആശങ്കയുണ്ടാക്കിയ ആയഞ്ചേരി, തിരുവള്ളൂർ പഞ്ചായത്തുകളിൽ തിങ്കളാഴ്ച ആൻറിജൻ പരിശോധന നടത്തി. ആയഞ്ചേരിയിൽ 108 പേർക്കാണ് പരിശോധന നടത്തിയത്. ഇതിൽ ആരോഗ്യ പ്രവർത്തകർ, പൊലീസ് ഉദ്യോഗസ്ഥർ, വ്യാപാരികൾ എന്നിവരുൾപ്പെടുന്നു. പരിശോധിച്ച എല്ലാവരുടെയും പരിശോധന ഫലം നെഗറ്റിവായത് ആയഞ്ചേരിക്ക് ആശ്വാസമായി. അതേസമയം, തൊട്ടടുത്ത തിരുവള്ളൂർ പഞ്ചായത്തിൽ ആൻറിജൻ പരിശോധനയിൽ 17 പേർക്ക് രോഗം സ്ഥിരീകരിച്ചു. പഞ്ചായത്തിലെ 207 പേർക്കാണ് കോവിഡ് പരിശോധന നടത്തിയത്. ഉറവിടമറിയാത്ത കേസുകൾ വർധിക്കുന്നതാണ് തിരുവള്ളൂരിൽ ആശങ്കയേറ്റുന്നത്. നേരത്തേ രണ്ട് നഴ്സുമാർക്കടക്കം രോഗം ബാധിച്ചത് ഉറവിടം വ്യക്തമല്ല. ബിവറേജ് ജീവനക്കാരൻെറയും ഉറവിടം കണ്ടെത്താനായിട്ടില്ല. ഇത് കണ്ടുപിടിക്കാനുള്ള ശ്രമങ്ങൾ തുടരുകയാണ്. തിങ്കളാഴ്ച രോഗം സ്ഥിരീകരിച്ച 17 പേർ അടക്കം പഞ്ചായത്തിലെ ആകെ രോഗികളുടെ എണ്ണം 33 ആയി. നേരത്തേ രോഗം സ്ഥിരീകരിച്ച 16 പേരുമായി സമ്പർക്കം പുലർത്തിയ 207 പേരുടെ പരിശോധനയാണ് തിങ്കളാഴ്ച നടത്തിയത്. സമ്പർക്ക സാധ്യതയുള്ളതിനാൽ ജനങ്ങൾ ജാഗ്രത പാലിക്കണമെന്ന് ആരോഗ്യ വകുപ്പ് നിർദേശിച്ചു. കോവിഡ് സ്ഥിരീകരിച്ച വ്യക്തിയുമായി സമ്പർക്കം നടന്നു എന്ന് സംശയിക്കുന്നവർ എത്രയുംവേഗം നിരീക്ഷണത്തിൽ പോകണം. ബന്ധപ്പെട്ട ആളുകളുടെ സമ്പർക്കപ്പട്ടിക ആരോഗ്യവകുപ്പ് തയാറാക്കുന്നുണ്ട്. കോവിഡ് കേസുകൾ വർധിക്കുന്ന സാഹചര്യത്തിൽ പഞ്ചായത്ത് പരിധിയിലെ ആളുകൾ അതി ജാഗ്രത പാലിക്കണം. ആരോഗ്യ വകുപ്പിൻെറയും അധികൃതരുടെയും ആർ.ആർ.ടിയുടെയും നിർദേശങ്ങൾ പാലിക്കണം. അനാവശ്യമായി പുറത്തിറങ്ങരുതെന്നും പഞ്ചായത്ത് അധികാരികൾ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.