കണ്ടെയ്ൻമെൻറ്​ സോണ്‍: പുറത്തിറങ്ങിയ വയോജനങ്ങള്‍ക്ക് നോട്ടീസ്

കണ്ടെയ്ൻമൻെറ്​ സോണ്‍: പുറത്തിറങ്ങിയ വയോജനങ്ങള്‍ക്ക് നോട്ടീസ് -----അഴിയൂരില്‍ 65വയസ്സ്​ കഴിഞ്ഞ് തനിച്ച് കഴിയുന്നവര്‍ക്ക് ഭക്ഷ്യവസ്തുക്കള്‍ വീട്ടിലത്തെിക്കും വടകര: പൂര്‍ണമായും കണ്ടെയ്ൻമൻെറ്​ സോണായ അഴിയൂര്‍ പഞ്ചായത്തില്‍ വീട്ടില്‍ നിന്ന് പുറത്തിറങ്ങിയ വയോജനങ്ങളായ 23 പേര്‍ക്ക് നോട്ടീസ് നല്‍കി. ഇതിനിടെ, 65 വയസ്സ്​ കഴിഞ്ഞ ഒറ്റപ്പെട്ടു കഴിയുന്നവര്‍ക്ക് അധ്യാപകര്‍ ഭക്ഷ്യവസ്തുക്കള്‍ വീട്ടിലത്തെിക്കും. പഞ്ചായത്തിന് അകത്തെ ദേശീയപാത ഒഴികെയുള്ള റോഡുകളില്‍ വാഹന ഗതാഗതം നിരോധിച്ചു. അധ്യാപകരുടെയും പൊലീസി​ൻെറയും സംയുക്ത പരിശോധനയിലാണ് 65 കഴിഞ്ഞവര്‍ക്ക് നോട്ടീസ് നല്‍കിയത്​. ബന്ധുക്കളെ വിവരം അറിയിച്ചു. വീണ്ടും പുറത്തിറങ്ങിയാല്‍ പകര്‍ച്ചവ്യാധി നിയന്ത്രണ നിയമം 2020 പ്രകാരം നടപടി സ്വീകരിക്കാനാണ് തീരുമാനം. പൊലീസും അധ്യാപകരും മൂന്ന് സ്ക്വാഡായാണ് പരിശോധന നടത്തിയത്. ഓട്ടോറിക്ഷകള്‍ സ്​റ്റാൻഡില്‍ നിർത്തിയിടാന്‍ പാടില്ല. കച്ചവട സ്ഥാപനങ്ങളില്‍ ജോലി ചെയ്യുന്ന 65 കഴിഞ്ഞ മൂന്നു പേരെ വീട്ടിലേക്ക് തിരിച്ചയച്ചു. വീട്ടില്‍ തനിച്ച് കഴിയുന്ന 65 കഴിഞ്ഞവര്‍ക്ക് ഭക്ഷ്യവസ്തുക്കള്‍ വാങ്ങാന്‍ ഫോണ്‍: 9747407224, 9447384394 നമ്പറില്‍ ബന്ധപ്പെടാം. ആയുര്‍വേദ ആശുപത്രിയില്‍ ടെലിമെഡിസിന്‍ നടപ്പാക്കുന്നതിനായി വീട്ടിലിരുന്ന് ഡോക്ടറെ വിളിച്ച് പരിശോധന നടത്താം(ഫോണ്‍: 9497304593). അനാവശ്യമായി യാത്ര ചെയ്താല്‍ നടപടി സ്വീകരിക്കും. കോഴി കടകള്‍ കര്‍ശന നിയന്ത്രണത്തോടെ തുറക്കാം. പ്രത്യേക രജിസ്​റ്റര്‍ സൂക്ഷിച്ചു കോഴിയിറച്ചി വാങ്ങുന്നവരുടെ വിവരശേഖരിക്കും. എല്ലാദിവസവും കോവിഡ് ഡ്യൂട്ടിയിലുള്ള അധ്യാപകര്‍ ഈ പുസ്തകം പരിശോധിക്കും. സ്ഥലപരിശോധന നടത്തിയ അധ്യാപകരുടെ അവലോകനയോഗം പഞ്ചായത്തില്‍ നടന്നു. പഞ്ചായത്ത് പ്രസിഡൻറ്​ വി.പി. ജയന്‍, സെക്രട്ടറി ടി. ഷാഹുല്‍ ഹമീദ് അധ്യാപകരായ വി.പി. രാഹുല്‍ ശിവ, സജേഷ് കുമാര്‍, സി.കെ. സാജിദ്, കെ. ദീപു രാജ്, കെ.പി. പ്രീജിത്ത് കുമാര്‍, സലീഷ് കുമാര്‍, പഞ്ചായത്ത് സ്​റ്റാഫ് സി.എച്ച്. മുജീബ് റഹ്മാന്‍, സന്നദ്ധ പ്രവര്‍ത്തകരായ ശംസുദ്ദീന്‍, സുബൈര്‍ പാലക്കൂല്‍ എന്നിവര്‍ സംബന്ധിച്ചു. കഴിഞ്ഞ ദിവസം കോവിഡ് 19 പോസിറ്റിവായ വ്യക്തിയുടെ സമ്പര്‍ക്ക പട്ടികയിലുള്ള 80 പേരുടെ ആൻറിജന്‍ ടെസ്​റ്റ്​ ശനിയാഴ്ച നടക്കും.