ഉള്ളുലച്ച്​ ജിജോ: വിവാഹനാളിൽ യുവാവിന്​ അന്ത്യയാത്ര

കോ​ട്ട​യം: ക​ല്യാ​ണ​ത്തി​ര​ക്കും ക​ളി​ചി​രി​യും നി​റ​യേ​ണ്ടി​യി​രു​ന്ന ക​ട​പ്ലാ​മ​റ്റം ഇ​ല​ക്കാ​ട്​ പ​ള്ളി​മു​റ്റ​ത്തേ​ക്ക്​ എ​ത്തി​യ​ത് ജി​ജോ​യു​ടെ ചേ​ത​ന​യ​റ്റ ശ​രീ​രം.

പ​ങ്കാ​ളി​യു​ടെ കൈ​പി​ടി​ച്ച്​ പു​തു​ജീ​വി​ത​ത്തി​ലേ​ക്ക്​ ​ക​ട​ക്കു​ന്ന​ സ്വ​പ്ന​സാ​ക്ഷാ​ത്കാ​ര​ത്തി​ന്​ മ​ണി​ക്കൂ​റു​ക​ൾ​ക്ക്​ മു​മ്പാ​ണ്​​ ​ വാ​ഹ​നാ​പ​ക​ട​ത്തി​ൽ യു​വാ​വി​ന്​ ദാ​രു​ണാ​ന്ത്യം സം​ഭ​വി​ച്ച​ത്. ​

ബു​ധ​നാ​ഴ്ച രാ​ത്രി കാ​ളി​കാ​വ് പ​ള്ളി​ക്കു​സ​മീ​പം വാ​നും ബൈ​ക്കും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ലാ​ണ്​ ക​ട​പ്ലാ​മ​റ്റം വ​യ​ലാ നെ​ല്ലി​ക്കു​ന്ന്​ ഭാ​ഗ​ത്ത്​ കൊ​ച്ചു​പാ​റ​യി​ല്‍ ജി​ജോ ജി​ന്‍സ​ൺ​ (21) മ​രി​ച്ച​ത്. ഇ​ല​ക്കാ​ട്​ പ​ള്ളി​യി​ൽ വ്യാ​ഴാ​ഴ്ച രാ​വി​ലെ 10നാ​യി​രു​ന്നു​​ വി​വാ​ഹം നി​ശ്ച​യി​ച്ചി​രു​ന്ന​ത്. മ​ര​ണ​വാ​ർ​ത്ത​യ​റി​ഞ്ഞ്​ പ്ര​തി​ശ്രു​ത​വ​ധു ബോ​ധ​ര​ഹി​ത​യാ​യി.

കു​ടും​ബ​വും സു​ഹൃ​ത്തു​ക്ക​ളും ബ​ന്ധു​ക്ക​ളും ചേ​ർ​ന്ന്​ പ​ള്ളി​യി​ലേ​ക്ക്​ അ​നു​ഗ​മി​ക്കേ​ണ്ടി​യി​രു​ന്ന ന​വ​വ​ര​നെ സെ​മി​ത്തേ​രി ക​ല്ല​റ​യി​ലേ​ക്ക്​ എ​ത്തി​ച്ച​ത്​ ഏ​വ​രെ​യും ക​ണ്ണീ​രി​ലാ​ഴ്ത്തി. അ​മ്മ​യും സ​ഹോ​ദ​രി​മാ​രും പ്ര​തി​ശ്രു​ത​വ​ധു​വും ഹൃ​ദ​യം​പൊ​ട്ടു​ന്ന വേ​ദ​ന​യി​ലാ​ണ് അ​ന്ത്യ​ചും​ബ​നം ന​ൽ​കി ജി​ജോ​യെ യാ​ത്ര​യാ​ക്കി​യ​ത്.

വി​വാ​ഹ ഒ​രു​ക്ക​ങ്ങ​ളു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ക്ക് പോ​യി​വ​രു​ന്ന​തി​നി​ടെ ജി​ജോ സ​ഞ്ച​രി​ച്ച ബൈ​ക്കി​ല്‍ എ​തി​രെ​വ​ന്ന ട്രാ​വ​ല​ർ ഇ​ടി​ക്കു​ക​യാ​യി​രു​ന്നു. ഒ​പ്പ​മു​ണ്ടാ​യി​രു​ന്ന സു​ഹൃ​ത്ത് അ​ജി​ത്തി​ന് ഗു​രു​ത​ര പ​രി​ക്കേ​റ്റു.​ ഇ​ടി​യു​ടെ ആ​ഘാ​ത​ത്തി​ൽ റോ​ഡി​ൽ തെ​റി​ച്ചു​വീ​ണ യു​വാ​ക്ക​ളെ ഉ​ട​ൻ മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജി​ജോ​യെ ര​ക്ഷി​ക്കാ​നാ​യി​ല്ല.

ഗു​രു​ത​ര പ​രി​ക്കേ​റ്റ അ​ജി​ത്ത് ചി​കി​ത്സ​യി​ലാ​ണ്. ഇ​രു​വ​രും ഒ​രു​മി​ച്ച്​ ഫ്ലി​പ്​​കാ​ർ​ട്ടി​ലാ​ണ്​ ജോ​ലി​ചെ​യ്തി​രു​ന്ന​ത്. ജി​ജോ​യും പ്ര​തി​ശ്രു​ത വ​ധു​വും ഏ​റെ​നാ​ളാ​യി പ്ര​ണ​യ​ത്തി​ലാ​യി​രു​ന്നു. തു​ട​ർ​ന്ന്​ ഇ​വ​രു​ടെ വി​വാ​ഹം ര​ജി​സ്റ്റ​ർ ചെ​യ്തി​രു​ന്നു. ര​ണ്ടു​വ​ർ​ഷ​മാ​യി മാ​താ​വ്​ നി​ഷ​യു​ടെ വീ​ട്ടി​ലാ​ണ്​ ജി​ജോ​യും കു​ടും​ബ​വും താ​മ​സി​ച്ചി​രു​ന്ന​ത്.

വീ​ട്ടി​ലെ ​സം​സ്കാ​ര​ശു​ശ്രൂ​ഷ​ക​ൾ​ക്ക്​ ശേ​ഷം വ്യാ​ഴാ​ഴ്ച വൈ​കീ​ട്ട്​​ നാ​ലി​ന്​ ഇ​ല​ക്കാ​ട് സെ​ന്‍റ്​ മേ​രീ​സ് പ​ള്ളി സെ​മി​ത്തേ​രി​യി​ൽ സം​സ്കാ​രം ന​ട​ത്തി. സ​ഹോ​ദ​രി​മാ​ര്‍: ദി​യ, ജീ​ന.