പുതിയ ക്രിമിനൽ നിയമം; സുവോമോട്ടോയിൽ സർവത്ര ആശയക്കുഴപ്പം

കോ​ട്ട​യം: പു​തി​യ ക്രി​മി​ന​ൽ നി​യ​മം പ്രാ​ബ​ല്യ​ത്തി​ൽ വ​ന്ന​തോ​ടെ സ​ർ​വ​ത്ര ആ​ശ​യ​ക്കു​ഴ​പ്പ​ത്തി​ലാ​യി പൊ​ലീ​സ്​ ഉ​ദ്യോ​ഗ​സ്ഥ​ർ. ജി​ല്ല​യി​ൽ ചി​ങ്ങ​വ​നം സ്​​റ്റേ​ഷ​നി​ലാ​ണ്​ പു​തി​യ നി​യ​മ​മ​നു​സ​രി​ച്ച്​ ആ​ദ്യ​കേ​സെ​ടു​ത്ത​ത്. മ​ദ്യ​പി​ച്ച്​ ബൈ​​ക്കോ​ടി​ച്ച​തി​ന്​ തി​ങ്ക​ളാ​ഴ്ച വെ​ളു​പ്പി​നാ​ണ്​ ആ​ദ്യ​കേ​സ്​ ര​ജി​സ്റ്റ​ർ ചെ​യ്ത​ത്. എ​ന്നാ​ൽ, പു​തി​യ നി​യ​മ​ത്തെ എ​ങ്ങ​നെ കൈ​കാ​ര്യം ചെ​യ്യ​ണ​മെ​ന്ന്​ ആ​ർ​ക്കും പി​ടി​യി​ല്ല. നി​യ​മ​ത്തെ​ക്കു​റി​ച്ച്​ ഉ​ദ്യോ​ഗ​സ്ഥ​ർ​ക്ക്​ മൂ​ന്നു​ദി​വ​സ​ത്തെ പ​രി​ശീ​ല​നം ന​ൽ​കി​യി​രു​ന്നെ​ങ്കി​ലും പ്രാ​യോ​ഗി​ക ബു​ദ്ധി​മു​ട്ട്​ എ​ങ്ങ​നെ മ​റി​ക​ട​ക്കു​മെ​ന്ന​താ​ണ്​ വി​ഷ​യം. നേ​ര​ത്തേ മ​ദ്യ​പി​ച്ച്​ വാ​ഹ​ന​മോ​ടി​ച്ച്​ പി​ടി​കൂ​ടി​യാ​ൽ അ​യാ​ളെ ജാ​മ്യ​ത്തി​ൽ വി​ടു​ക​യും വാ​ഹ​നം ലൈ​സ​ൻ​സു​ള്ള മ​റ്റൊ​രാ​ൾ വ​ശം കൊ​ടു​ത്തു​വി​ടു​ക​യു​മാ​ണ്​ ചെ​യ്തി​രു​ന്ന​ത്.

അ​ല്ലെ​ങ്കി​ൽ ഉ​ട​മ​ക്ക്​ ത​ന്നെ പി​റ്റേ​ന്ന്​ വി​ട്ടു​ന​ൽ​കും. പു​തി​യ നി​യ​മ​നു​സ​രി​ച്ച്​ സു​വോ​മോ​ട്ടോ കേ​സു​ക​ൾ (സ്വ​മേ​ധ​യാ എ​ടു​ക്കു​ന്ന കേ​സ്​ ) ര​ജി​സ്റ്റ​ർ ചെ​യ്യു​മ്പോ​ൾ വി​ഡി​യോ പ​ക​ർ​ത്ത​ണം. മ​ഹ​സ​ർ എ​ഴു​തു​ന്ന​തി​ന്​ സി​വി​ൽ സാ​ക്ഷി ഒ​പ്പി​ടു​ക​യും വേ​ണം. സാ​ധാ​ര​ണ​ഗ​തി​യി​ൽ സി​വി​ൽ സാ​ക്ഷി​ക​ളെ കി​ട്ടാ​ൻ ബു​ദ്ധി​മു​ട്ടാ​ണെ​ന്ന് പൊ​ലീ​സു​കാ​ർ പ​റ​യു​ന്നു. ​എ​ടു​ക്കു​ന്ന എ​ല്ലാ കേ​സു​ക​ൾ​ക്കും മ​ഹ​സ​ർ ഒ​പ്പി​ടാ​ൻ പൊ​തു​ജ​നം ത​യാ​റാ​കു​ക​യു​മി​ല്ല. മാ​ത്ര​മ​ല്ല, വി​ഡി​യോ പ​ക​ർ​ത്ത​ലും പൊ​ലീ​സു​കാ​ർ​ക്ക്​ അ​പ്രാ​യോ​ഗി​ക​മാ​ണ്. ഒ​രു വി​ഡി​യോ മാ​ത്ര​മാ​ണെ​ങ്കി​ൽ എ​ടു​ക്കാ​മെ​ന്നു ക​രു​താം.

എ​ന്നാ​ൽ, സം​സ്ഥാ​ന​ത്ത്​ ഏ​റ്റ​വു​മ​ധി​കം സു​വോ​മോ​ട്ടോ കേ​സു​ക​ൾ ര​ജി​സ്റ്റ​ർ ചെ​യ്യു​ന്ന ജി​ല്ല​യാ​ണ്​ കോ​ട്ട​യം. കു​റ​ഞ്ഞ​ത്​ 100 കേ​സെ​ങ്കി​ലും ഒ​രു ദി​വ​സം ഉ​ണ്ടാ​കും. ഇ​​ത്ര​യും കേ​സു​ക​ളി​ൽ വി​ഡി​യോ എ​ങ്ങ​നെ എ​ടു​ക്കു​മെ​ന്ന​തും ഇ​തെ​ങ്ങ​നെ​ കോ​ട​തി​യി​ലെ​ത്തി​ക്കു​മെ​ന്ന​തും ചോ​ദ്യ​ചി​ഹ്ന​മാ​ണ്. ഇ​ത്ര​യും വി​ഡി​യോ​ക​ൾ പെ​ൻ ഡ്രൈ​വി​ലാ​ക്കു​ക എ​ന്ന​ത്​ എ​ളു​പ്പ​മ​ല്ല. പെ​ൻ ഡ്രൈ​വി​നു​ള്ള ഫ​ണ്ട്​ എ​വി​​ടെ​നി​ന്നു​മെ​ന്നും വ്യ​ക്ത​മ​ല്ല. മ​ഹ​സ​റും വി​ഡി​യോ​യും കോ​ട​തി​ക്ക്​ മെ​യി​ൽ ചെ​യ്യാ​നും വ്യ​വ​സ്ഥ​യി​ല്ല. ഈ ​അ​വ്യ​ക്ത​ക​ൾ മൂ​ലം പ​ല സ്​​റ്റേ​ഷ​നു​ക​ളും സു​വോ​മോ​ട്ടോ കേ​സു​ക​ൾ പി​ടി​ക്കാ​തെ ത​ല​യൂ​രു​ക​യാ​ണ്. എ​ടു​ത്ത സ്​​റ്റേ​ഷ​നു​ക​ളി​ൽ ത​ന്നെ പു​തി​യ വ്യ​വ​സ്ഥ​ക​ൾ അ​തേ​പ​ടി പാ​ലി​ക്കാ​നു​മാ​യി​ട്ടി​ല്ല.

കോട്ടയത്ത്​ ആദ്യ കേസ് ചിങ്ങവനത്തും ക്രൈം കേസ് ഗാന്ധിനഗറിലും

കോ​ട്ട​യം: രാ​ജ്യ​ത്ത് പു​തു​താ​യി നി​ല​വി​ൽ​വ​ന്ന ഭാ​ര​തീ​യ ന്യാ​യ​സം​ഹി​ത പ്ര​കാ​ര​മു​ള്ള ജി​ല്ല​യി​ലെ ആ​ദ്യ​ത്തെ എ​ഫ്.​ഐ.​ആ​ർ ചി​ങ്ങ​വ​നം പൊ​ലീ​സ് സ്​​റ്റേ​ഷ​നി​ൽ ര​ജി​സ്റ്റ​ർ ചെ​യ്തു. തി​ങ്ക​ളാ​ഴ്ച പു​ല​ർ​ച്ച 4.02നാ​ണ് കേ​സ് ര​ജി​സ്റ്റ​ർ ചെ​യ്ത​ത്. അ​ശ്ര​ദ്ധ​മാ​യും മ​നു​ഷ്യ​ജീ​വ​ന് അ​പ​ക​ടം വ​രു​ത്തു​ന്ന രീ​തി​യി​ലും ഇ​രു​ച​ക്ര​വാ​ഹ​നം ഓ​ടി​ച്ച​തി​ന് ചി​ങ്ങ​വ​നം പൊ​ലീ​സ് സ്വ​മേ​ധ​യാ കേ​സ് ര​ജി​സ്റ്റ​ർ ചെ​യ്യു​ക​യാ​യി​രു​ന്നു. ഭാ​ര​തീ​യ ന്യാ​യ​സം​ഹി​ത-2023​ലെ വ​കു​പ്പ് 281 (പ​ഴ​യ ഐ.​പി.​സി 279), മോ​ട്ടോ​ർ വെ​ഹി​ക്കി​ൾ ആ​ക്ട് 1988ലെ ​വ​കു​പ്പ് 185 എ​ന്നി​വ ചു​മ​ത്തി​യാ​ണ് എ​ഫ്.​ഐ.​ആ​ർ ര​ജി​സ്റ്റ​ർ ചെ​യ്ത​ത്. പു​തു​താ​യി നി​ല​വി​ൽ​വ​ന്ന ഭാ​ര​തീ​യ നാ​ഗ​രി​ക സു​ര​ക്ഷാ​സം​ഹി​ത​യി​ലെ വ​കു​പ്പ് 173 പ്ര​കാ​ര​മാ​ണ് എ​ഫ്.​ഐ.​ആ​ർ ത​യാ​റാ​ക്കി​യ​ത്. ജി​ല്ല​യി​ലെ ആ​ദ്യ​ത്തെ ക്രൈം ​കേ​സ് ഗാ​ന്ധി​ന​ഗ​ർ സ്​​റ്റേ​ഷ​നി​ൽ 11.57 ന് ​ര​ജി​സ്റ്റ​ർ ചെ​യ്തു. 71കാ​രി​യാ​യ വ​യോ​ധി​ക​യു​ടെ അ​സ്വാ​ഭാ​വി​ക മ​ര​ണ​ത്തി​നാ​ണ് കേ​സ് ര​ജി​സ്റ്റ​ർ ചെ​യ്ത​ത്.