കോടിമത രണ്ടാംപാലം; ഏഴുവർഷത്തിനൊടുവിൽ നിർമാണത്തിന്​ തുടക്കം

കോ​ട്ട​യം: പാ​തി​വ​ഴി​യി​ൽ നി​ല​ച്ച കോ​ടി​മ​ത ര​ണ്ടാം​പാ​ല​ത്തി​ന്‍റെ നി​ർ​മാ​ണ​ജോ​ലി​ക​ൾ പു​നഃ​രാ​രം​ഭി​ച്ചു. ന​ഗ​ര​ഭാ​ഗ​ത്തേ​ക്കു​ള്ള​ അ​പ്രോ​ച്ച്​ റോ​ഡി​നാ​യി ഏ​റ്റെ​ടു​ത്ത സ്ഥ​ലം മ​ണ്ണി​ട്ട്​ ഉ​യ​ർ​ത്തു​ന്ന ജോ​ലി​ക​ൾ​ക്കാ​ണ്​ തു​ട​ക്ക​മാ​കു​ന്ന​ത്. ഇ​തി​നാ​യി ഈ ​ഭാ​ഗ​ത്തെ കു​റ്റി​ക്കാ​ടു​ക​ൾ അ​ട​ക്ക​മു​ള്ള​വ ജെ.​സി.​ബി ഉ​പ​യോ​ഗി​ച്ച്​ വൃ​ത്തി​യാ​ക്കി. പാ​ല​ത്തി​ന​ടു​ത്തേ​ക്ക്​ എ​ത്താ​ൻ ത​ട​സ്സ​മാ​യി​രു​ന്ന മ​ര​ങ്ങ​ളും നീ​ക്കി. കൂ​ന്നു​കൂ​ടി കി​ട​ന്ന മ​ണ്ണ്​ നി​ര​പ്പാ​ക്കി​യി​ട്ടു​മു​ണ്ട്. അ​പ്രോ​ച്ച്​ റോ​ഡി​നാ​വ​ശ്യ​മാ​യ മ​ണ്ണ്​ പാ​ല​ത്തി​ന​ടു​ത്തേ​ക്ക്​ എ​ത്തി​ക്കാ​നാ​യി പാ​ത​യും സ​ജ്ജ​മാ​ക്കി​യി​ട്ടു​ണ്ട്. മ​ഴ മാ​റി​നി​ന്നാ​ൽ അ​ടു​ത്ത​ദി​വ​സം ത​ന്നെ കോ​ട്ട​യം ന​ഗ​ര​ഭാ​ഗ​ത്തേ​ക്കു​ള്ള അ​പ്രോ​ച്ച്​ റോ​ഡി​നാ​യി​ മ​ണ്ണ​ടി​ക്കു​ന്ന ജോ​ലി​ക​ൾ ആ​രം​ഭി​ക്കും.

ഏ​ഴു വ​ർ​ഷ​മാ​യി മു​ട​ങ്ങി​ക്കി​ട​ക്കു​ന്ന നി​ർ​മാ​ണ​ജോ​ലി​ക​ൾ​ക്കാ​ണ്​ ക​ഴി​ഞ്ഞ​ദി​വ​സം തു​ട​ക്ക​മാ​യ​ത്. നി​ർ​മാ​ണം പൂ​ർ​ത്തി​യാ​ക്കാ​നാ​യി 6.50 കോ​ടി​യാ​ണ്​ വീ​ണ്ടും അ​നു​വ​ദി​ച്ച​ത്. ഇ​തോ​ടെ മൊ​ത്തം നി​ർ​മാ​ണ​ചെ​ല​വ്​ 17 കോ​ടി​യാ​യി. എം.​സി റോ​ഡ് വി​ക​സ​ന​ത്തോ​ടൊ​പ്പം പാ​ല​വും പൂ​ർ​ത്തി​യാ​ക്കാ​നാ​യി​രു​ന്നു ശ്ര​മം. എ​ന്നാ​ൽ, പാ​ല​ത്തി​ന്​ താ​ഴെ താ​മ​സി​ച്ചി​രു​ന്ന ര​ണ്ട് കു​ടും​ബ​ത്തെ മാ​റ്റി താ​മ​സി​പ്പി​ക്കാ​നു​ള്ള ശ്ര​മം വി​ജ​യി​ച്ചി​ല്ല. കെ.​എ​സ്.​ടി.​പി നി​ശ്ച​യി​ച്ച ന​ഷ്ട​പ​രി​ഹാ​ര​ത്തു​ക കു​റ​വാ​യ​തി​നാ​ൽ കു​ടും​ബ​ങ്ങ​ൾ എ​തി​ർ​ത്തു.

ഇ​തി​ൽ ത​ട്ടി നി​ർ​മാ​ണം നീ​ണ്ടു. ക​ല​ക്​​ട​ർ​മാ​ര​ട​ക്കം ഇ​ട​പെ​ട്ടി​ട്ടും പ്ര​ശ്ന​പ​രി​ഹാ​ര​മാ​കാ​തി​രു​ന്ന​തോ​ടെ 2017 മേ​യി​ൽ നി​ർ​മാ​ണം പൂ​ർ​ണ​മാ​യും നി​ല​ച്ചു. ഇ​തി​നി​ടെ എം.​സി. റോ​ഡ്​ ന​വീ​ക​ര​ണം കെ.​എ​സ്.​ടി.​പി പൂ​ർ​ത്തി​യാ​ക്കി പൊ​തു​മ​രാ​മ​ത്ത്​ വ​കു​പ്പി​ന്​ കൈ​മാ​റി​യ​തോ​ടെ പ​കു​തി നി​ർ​മി​ച്ച പാ​ലം നോ​ക്കു​കു​ത്തി​യാ​യി. ഇ​തി​ൽ പ്ര​തി​ഷേ​ധം ശ​ക്ത​മാ​യ​തോ​ടെ കോ​ട്ട​യം ന​ഗ​ര​സ​ഭ ഒ​രു കു​ടും​ബ​ത്തി​ന്​ ലൈ​ഫ് പ​ദ്ധ​തി​വ​ഴി സ്ഥ​ല​വും വീ​ടും ല​ഭ്യ​മാ​ക്കി ഇ​വ​രെ മാ​റ്റി​പാ​ർ​പ്പി​ച്ചു. ര​ണ്ടാ​മ​ത്തെ കു​ടും​ബ​ത്തെ മാ​റ്റി താ​മ​സി​പ്പി​ക്കു​ന്ന​ത് വീ​ണ്ടും വൈ​കി. 2021 ഫെ​ബ്രു​വ​രി​യി​ൽ സ​ന്ന​ദ്ധ സം​ഘ​ട​ന താ​ൽ​പ​ര്യ​മെ​ടു​ത്ത് സ്ഥ​ല​വും വീ​ടും ല​ഭ്യ​മാ​ക്കി​യ​തോ​ടെ ഇ​വ​ർ മാ​റി. ഇ​തി​നി​ടെ, നി​ർ​മാ​ണ​ത്തി​ൽ​നി​ന്ന്​ വി​ടു​ത​ൽ ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട്​ ക​രാ​റു​കാ​ര​ൻ സ​ർ​ക്കാ​റി​ന്​ ക​ത്ത്​ ന​ൽ​കി​യ​ത്​ മ​റ്റൊ​രു ക​ട​മ്പ​യാ​യി. ക​രാ​റു​മാ​യി ബ​ന്ധ​പ്പെ​ട്ട കാ​ര​ണ​ത്താ​ല​ല്ലാ​തെ നി​ർ​മാ​ണം ത​ട​സ്സ​പ്പെ​ട്ട സാ​ഹ​ച​ര്യ​ത്തി​ൽ നി​ർ​മാ​ണ​ത്തി​നാ​യി ചെ​ല​വ​ഴി​ച്ച തു​ക പൂ​ർ​ണ​മാ​യി ന​ൽ​ക​ണ​മെ​ന്നാ​യി​രു​ന്നു ക​രാ​റു​കാ​ര​ന്‍റെ ആ​വ​ശ്യം. പാ​ലം നി​ർ​മാ​ണം ആ​രം​ഭി​ച്ച​കാ​ല​ത്തെ അ​പേ​ക്ഷി​ച്ച്​ സാ​മ​ഗ്രി​ക​ൾ​ക്ക്​ വ​ലി​യ​തോ​തി​ൽ വി​ല ഉ​യ​ർ​ന്ന​തി​നാ​ൽ നി​ർ​മാ​ണം പു​ന​രാ​രം​ഭി​ക്കാ​ൻ ക​ഴി​യി​ല്ലെ​ന്നും അ​റി​യി​ച്ചു. ഈ ​ആ​വ​ശ്യം ഉ​ന്ന​യി​ച്ച്​ കോ​ട​തി​യി​ൽ കേ​സ് ഫ​യ​ൽ ചെ​യ്യു​ക​യും ചെ​യ്തു. അ​ടു​ത്തി​ടെ മ​ന്ത്രി മു​ഹ​മ്മ​ദ് റി​യാ​സും തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ എം.​എ​ൽ.​എ​യും ന​ട​ത്തി​യ ച​ർ​ച്ച​യി​ൽ സ്ഥ​ലം ഏ​റ്റെ​ടു​ത്ത് എ​സ്റ്റി​മേ​റ്റ് പു​തു​ക്കു​ക​യാ​യി​രു​ന്നു. ഇ​തി​ന്‍റെ ഭാ​ഗ​മാ​യി ക​രാ​റു​കാ​ര​നു​മാ​യി ച​ർ​ച്ച ന​ട​ത്തി ഒ​ത്തു​തീ​ർ​പ്പി​ലെ​ത്തു​ക​യും ഇ​യാ​ൾ കേ​സ്​ പി​ൻ​വ​ലി​ക്കു​ക​യും ചെ​യ്തു. ഇ​തി​ന്‍റെ തു​ട​ർ​ച്ച​യാ​യി ക്ഷ​ണി​ച്ച പു​തി​യ ടെ​ൻ​ഡ​റി​ൽ പ​ഴ​​യ ക​രാ​റു​കാ​ര​ൻ ത​ന്നെ ജോ​ലി ഏ​റ്റെ​ടു​ത്തു.

പാലത്തിന്​ 128 മീ​റ്റ​ർ നീ​ള​ം, 12 മീ​റ്റ​ർ വീ​തി​

128 മീ​റ്റ​ർ നീ​ള​ത്തി​ലും 12 മീ​റ്റ​ർ വീ​തി​യി​ലു​മാ​ണ് പാ​ലം നി​ർ​മി​ക്കു​ന്ന​ത്. ആ​കെ എ​ട്ട് സ്പാ​നു​ക​ളാ​ണു​ണ്ടാ​കു​ക. ച​ങ്ങ​നാ​​ശ്ശേ​രി ഭാ​ഗ​ത്തേ​ക്ക്​ ഒ​രു സ്​​പാ​ൻ കൂ​ടി നി​ർ​മി​ക്കാ​നു​ണ്ട്. ഇ​ത്​ നി​ർ​മ്മി​ച്ച് റോ​ഡു​മാ​യി ബ​ന്ധി​പ്പി​ക്കും. എം.​സി. റോ​ഡ് ന​വീ​ക​ര​ണ​ഭാ​ഗ​മാ​യാ​ണ്​ കോ​ടി​മ​ത​യി​ൽ നി​ല​വി​ലെ പാ​ല​ത്തി​നൊ​പ്പം ര​ണ്ടാ​മ​ത്തേ​ത്​ നി​ർ​മി​ക്കാ​ൻ ന​ട​പ​ടി തു​ട​ങ്ങി​യ​ത്. 18 മാ​സം നി​ർ​മാ​ണ കാ​ലാ​വ​ധി നി​ശ്ച​യി​ച്ച്​ 2015 ആ​ഗ​സ്റ്റി​ൽ പു​തി​യ പാ​ല​ത്തി​ന്‍റെ ജോ​ലി​ക​ൾ ആ​രം​ഭി​ച്ചു. കെ.​എ​സ്.​ടി.​പി​ക്കാ​യി​രു​ന്നു നി​ർ​മാ​ണ​ച്ചു​മ​ത​ല.