പാലാ നഗരസഭ; എൽ.ഡി.എഫ് പിന്തുണയിൽ വൈസ് ചെയർമാനായി കോൺഗ്രസ് വിമതൻ

പാലാ: പാലാ നഗരസഭ വൈസ് ചെയർമാൻ തെരഞ്ഞെടുപ്പിൽ എൽ.ഡി.എഫ് പിന്തുണയോടെ കോൺഗ്രസ് വിമതന് വിജയം. തെരഞ്ഞെടുപ്പിൽ 14 പേരുടെ പിന്തുണ നേടി ബിജു മാത്യൂസ് വൈസ് ചെയർമാനായി തിരഞ്ഞെടുക്കപ്പെട്ടു. യു.ഡി.എഫ് സ്ഥാനാർഥിയായി മത്സരിച്ച കോൺഗ്രസ് പാർലമെന്‍ററി പാർട്ടി നേതാവ് സെബാസ്റ്റ്യൻ പനയ്ക്കലിന് 11 വോട്ട് ലഭിച്ചു. നഗരസഭയിലെ ആകെയുള്ള 26 അംഗങ്ങളിൽ 25 പേർ ബുധനാഴ്ച രാവിലെ നഗരസഭ കൗൺസിൽ ഹാളിൽ നടന്ന തെരഞ്ഞെടുപ്പിൽ പങ്കെടുത്തു.

കോൺഗ്രസ് വിമതയായ രജിത പ്രകാശ് തെരഞ്ഞെടുപ്പിൽനിന്ന് വിട്ടുനിന്നു. ബിജു മാത്യൂസിനൊപ്പം കോൺഗ്രസ് വിമതനായിരുന്ന ടോണി തൈപ്പറമ്പിൽ യു.ഡി.എഫ് സ്ഥാനാർഥിക്ക് അനുകൂലമായി വോട്ട് രേഖപ്പെടുത്തി. പത്ത് കേരള കോൺഗ്രസ് എം അംഗങ്ങളും രണ്ട് സി.പി.എം അംഗങ്ങളും നഗരസഭ അധ്യക്ഷ മായാ രാഹുലും ബിജു മാത്യൂസിന് അനുകൂലമായി വോട്ട് ചെയ്തു. തെരഞ്ഞെടുപ്പിൽ വിജയിച്ചതിന് പിന്നാലെ വൈസ് ചെയർമാനായി ബിജു മാത്യൂസ് സത്യപ്രതിജ്ഞ ചെയ്തു. യു.ഡി.എഫിനുള്ളിൽ തർക്കമുണ്ടാക്കി മുതലെടുപ്പിന് കേരള കോൺഗ്രസ് എം ശ്രമിച്ചെന്ന് ടോണി ആരോപിച്ചു. കുതിരക്കച്ചവടമാണ് എൽ.ഡി.എഫ് നടത്തിയത്. കോൺഗ്രസ് പാതയിലൂടെ മുന്നോട്ടുപോകുമെന്നും ടോണി തൈപ്പറമ്പിൽ മാധ്യമങ്ങളോട് പറഞ്ഞു.

യോഗം ചേർന്ന് തീരുമാനമെടുത്തതിന്‍റെ അടിസ്ഥാനത്തിലാണ് ബിജു മാത്യൂസിനെ പിന്തുണച്ചതെന്ന് കേരള കോൺഗ്രസ് എം പാർലമെന്‍ററി പാർട്ടി ചെയർമാനും നഗരസഭ വികസന മുന്നണി കൺവീനറുമായ ബിജു പാലൂപടവൻ അറിയിച്ചു. ഇതോടെ കോൺഗ്രസ് വിമതരിൽ രണ്ടുപേർ യു.ഡി.എഫ് പക്ഷത്തും രണ്ടുപേർ എൽ.ഡി.എഫ് പക്ഷത്തുമാ‍യി. നേരത്തെ, ചെയർപേഴ്സൻ തെരഞ്ഞെടുപ്പിൽ കോൺഗ്രസ് വിമതയായ ലിസികുട്ടി യു.ഡി.എഫിനെ പിന്തുണച്ചിരുന്നു. അഞ്ച് കോൺഗ്രസ് വിമതരിൽ രണ്ടുപേർ യു.ഡി.എഫിനെ പിന്തുണക്കുകയും ഒരു വിമത തെരഞ്ഞെടുപ്പിൽനിന്ന് വിട്ടുനിൽക്കുകയും ചെയ്ത സാഹചര്യം പാലാ നഗരസഭയിൽ പുതിയ രാഷ്ട്രീയ സമവാക്യത്തിന് വഴിവെക്കും.

26 അംഗ കൗൺസിലിൽ 12 കൗൺസിലർമാരാണ് എൽ.ഡി.എഫിലുള്ളത്. വിമതരായ നാല് കൗൺസിലർമാരും സ്വതന്ത്രയായി മത്സരിച്ച് വിജയിച്ച ചെയർപേഴ്‌സൻ മായാ രാഹുലും എൽ.ഡി.എഫും ചേർന്നാണ് നഗര വികസന മുന്നണി രൂപവത്കരിച്ച് ഭരണം പിടിച്ചത്. എൽ.ഡി.എഫിന്‍റെ അവിശ്വാസ പ്രമേയത്തെ നാല് കോൺഗ്രസ് വിമതർ പിന്തുണച്ചതോടെയാണ് യു.ഡി.എഫ് സഖ്യത്തിന് ഭരണം നഷ്ടപ്പെട്ടത്.

ബി​ജു ഒ​ഴി​കെ​യു​ള്ള കോ​ൺ​ഗ്ര​സ് വി​മ​ത​ർ യു.​ഡി.​എ​ഫി​ലേ​ക്ക് മ​ട​ങ്ങി

പാ​ലാ: ക​ഴി​ഞ്ഞ ത​ദ്ദേ​ശ തെ​ര​ഞ്ഞെ​ടു​പ്പി​ന് ശേ​ഷം ഭ​ര​ണ​ത്തി​ലെ​ത്തി​യ യു.​ഡി.​എ​ഫി​ലെ ചെ​യ​ര്‍പേ​ഴ്‌​സ​ൻ ദി​യ ബി​നു പു​ളി​ക്ക​ക്ക​ണ്ട​ത്തി​ലി​നെ​തി​രെ എ​ല്‍.​ഡി.​എ​ഫ് കൊ​ണ്ടു​വ​ന്ന അ​വി​ശ്വാ​സ പ്ര​മേ​യ​ത്തെ നാ​ലു കോ​ണ്‍ഗ്ര​സ് വി​മ​ത​ര്‍ പി​ന്തു​ണ​ച്ച​തോ​ടെ​യാ​ണ് യു.​ഡി.​എ​ഫി​ന് ഭ​ര​ണം ന​ഷ്ട​പ്പെ​ടു​ന്ന​ത്. ബി​ജു മാ​ത്യൂ​സ്, ര​ജി​താ പ്ര​കാ​ശ്, ലി​സി​കു​ട്ടി, ടോ​ണി തൈ​പ്പ​റ​മ്പി​ൽ എ​ന്നി​വ​രാ​ണ് യു.​ഡി.​എ​ഫി​ൽ​നി​ന്ന് വി​മ​ത​രാ​യി എ​ത്തി എ​ൽ.​ഡി.​എ​ഫ് അ​വി​ശ്വാ​സ​ത്തെ പി​ന്തു​ണ​ച്ച​ത്.

ഇ​വ​ർ​ക്കൊ​പ്പം റി​ബ​ലാ​യി വി​ജ​യി​ച്ച മാ​യാ രാ​ഹു​ലും പി​ന്തു​ണ ന​ൽ​കി. തു​ട​ർ​ന്ന് എ​ൽ.​ഡി.​എ​ഫും വി​മ​ത കൗ​ൺ​സി​ല​ർ​മാ​രും ചേ​ർ​ന്ന് ന​ഗ​ര വി​ക​സ​ന മു​ന്ന​ണി എ​ന്ന പേ​രി​ൽ കൂ​ട്ടാ​യ്മ ഉ​ണ്ടാ​ക്കി. സ്ഥാ​ന​മാ​ന​ങ്ങ​ളെ ചൊ​ല്ലി​യു​ള്ള ത​ർ​ക്ക​ങ്ങ​ളെ തു​ട​ർ​ന്ന് വി​മ​ത​രു​ടെ കൂ​ട്ടാ​യ്മ​ക്ക് വി​ള്ള​ൽ ഉ​ണ്ടാ​വു​ക​യും ബി​ജു മാ​ത്യു​സ് ഒ​ഴി​കെ​യു​ള്ള​വ​ർ യു.​ഡി.​എ​ഫി​ലേ​ക്ക് മ​ട​ങ്ങി​പ്പോ​വു​ക​യും ചെ​യ്ത അ​വ​സ്ഥ​യാ​ണ് നി​ല​വി​ൽ.

പാ​ലാ​യു​ടെ താ​ൽ​പ​ര്യ​ങ്ങ​ൾ ഉ​യ​ർ​ത്തി​പ്പി​ടി​ക്കും: ബി​ജു മാ​ത്യൂ​സ്

പാ​ലാ: വ​ലി​യൊ​രു ഉ​ത്ത​ര​വാ​ദി​ത്ത​വും അ​വ​സ​ര​വു​മാ​ണ് ല​ഭി​ച്ചി​രി​ക്കു​ന്ന​തെ​ന്നും പാ​ലാ ന​ഗ​ര​സ​ഭ​യു​ടെ താ​ൽ​പ​ര്യ​ങ്ങ​ൾ ഉ​യ​ർ​ത്തി​പ്പി​ടി​ച്ച് മു​ന്നോ​ട്ടു​പോ​കു​മെ​ന്നും വൈ​സ് ചെ​യ​ർ​മാ​ൻ ബി​ജു മാ​ത്യൂ​സ് മാ​ധ്യ​മ​ങ്ങ​ളോ​ട് പ​റ​ഞ്ഞു. ചി​ല നി​ല​പാ​ടു​ക​ൾ ഉ​യ​ർ​ത്തി​പ്പി​ടി​ച്ചാ​ണ് ക​ഴി​ഞ്ഞ കാ​ല​ങ്ങ​ളി​ൽ രാ​ഷ്ട്രീ​യ തീ​രു​മാ​ന​ങ്ങ​ൾ എ​ടു​ക്കേ​ണ്ടി വ​ന്ന​ത്. ആ ​നി​ല​പാ​ടു​ക​ളി​ൽ ഇ​ന്നും ഉ​റ​ച്ചു​നി​ൽ​ക്കു​ന്നു.

ഒ​രു പ്ര​സ്ഥാ​ന​ത്തെ​യും വ​ഞ്ചി​ച്ചി​ട്ടി​ല്ലെ​ന്നും ആ ​പ്ര​സ്ഥാ​നം ഉ​ൾ​പ്പെ​ടു​ന്ന മു​ന്ന​ണി​യി​ലേ​ക്ക് ക​ട​ന്നു​ക​യ​റി​യ ചി​ല ക​ക്ഷി​ക​ൾ മു​ന്ന​ണി​യെ ഹൈ​ജാ​ക്ക് ചെ​യ്ത് വി​ദ്വേ​ഷ​ത്തി​ന്‍റെ രാ​ഷ്ട്രീ​യ​വു​മാ​യി മു​ന്നോ​ട്ടു​പോ​യ​പ്പോ​ൾ പ്ര​സ്ഥാ​ന​ത്തി​ന്‍റെ അ​ന്ത​സ്സ് ഉ​യ​ർ​ത്തി​പ്പി​ടി​ക്കാ​നാ​ണ് ശ്ര​മി​ച്ച​തെ​ന്നും ബി​ജു പ​റ​ഞ്ഞു. ക​ള്ള​ക്കേ​സു​ക​ൾ കൊ​ടു​ത്ത് വ്യ​ക്തി​ഹ​ത്യ ചെ​യ്യാ​നും പീ​ഡി​പ്പി​ക്കാ​നും ശ്ര​മി​ക്കു​ന്ന​വ​ർ ജ​ന​ങ്ങ​ൾ​ക്ക് മു​ന്നി​ൽ അ​പ​ഹാ​സ്യ​രാ​കു​ന്നു. ഇ​ത്ത​ര​ത്തി​ൽ എ​ത്ര പീ​ഡി​പ്പി​ച്ചാ​ലും നി​ല​പാ​ടു​ക​ളി​ൽ ഉ​റ​ച്ചു​നി​ർ​ക്കാ​നു​ള്ള ആ​ർ​ജ​വം പാ​ലാ​ക്കാ​ര​ൻ എ​ന്ന നി​ല​യി​ൽ ത​നി​ക്കും ഒ​പ്പ​മു​ള്ള​വ​ർ​ക്കു​മു​ണ്ടെ​ന്ന് ബി​ജു വ്യ​ക്ത​മാ​ക്കി.