കോന്നി: വിവാഹ തട്ടിപ്പ് നടത്തിയ യുവാവിനെ കോന്നി പൊലീസ് അറസ്റ്റ് ചെയ്തു. കാസർകോട് സ്വദേശി ദീപു ഫിലിപ്പിനെയാണ് (37) അറസ്റ്റ് ചെയ്തത്. കോന്നിയിൽ ഹോട്ടൽ ജീവനക്കാരനായ യുവാവ് കാസർകോട് സ്വദേശിയായ യുവതിയെ വിവാഹം കഴിച്ച ശേഷം ഉപേക്ഷിക്കുകയും തുടർന്ന് ഫേസ്ബുക്ക് വഴി പരിചയപ്പെട്ട കോന്നി സ്വദേശിയെ വിവാഹം കഴിക്കാൻ കോന്നിയിലേക്ക് വരുകയുമായിരുന്നു.
സംഭവത്തിൽ കാസർകോട് സ്വദേശിനി പരാതി നൽകുകയും ഇയാൾ കോന്നിയിൽ ഉണ്ടെന്ന് അറിഞ്ഞ് കാസർകോട് പൊലീസ് കോന്നി പൊലീസിന് പരാതി കൈമാറി. അന്വേഷണത്തിനിടെ കോന്നി സ്വദേശിയായ യുവതിയും ദീപുവിനെതിരെ പരാതി നൽകി. തുടർന്ന് ഇയാളെ കോന്നിയിൽനിന്ന് പൊലീസ് പിടികൂടി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.