കാഞ്ഞിരപ്പള്ളി ബ്ലോക്ക്,​ കൂടുതൽ പോളിങ്​ കൂട്ടിക്കലിൽ; കുറവ് എരുമേലിയിൽ

മു​ണ്ട​ക്ക​യം: കാ​ഞ്ഞി​ര​പ്പ​ള്ളി ബ്ലോ​ക്കി​ൽ 71 ശ​ത​മാ​നം പോ​ളി​ങ് രേ​ഖ​പ്പെ​ടു​ത്തി. ബ്ലോ​ക്ക് പ​രി​ധി​യി​ലെ ഏ​ഴ് പ​ഞ്ചാ​യ​ത്തു​ക​ളി​ലാ​യി 70.76 ശ​ത​മാ​നം പേ​രാ​ണ്​ വോ​ട്ട്​ ചെ​യ്ത​ത്. കൂ​ട്ടി​ക്ക​ൽ പ​ഞ്ചാ​യ​ത്തി​ലാ​ണ് കൂ​ടു​ത​ൽ പോ​ളി​ങ് രേ​ഖ​പ്പെ​ടു​ത്തി​യ​ത്. 14 വാ​ർ​ഡു​ക​ൾ ഉ​ള്ള പ​ഞ്ചാ​യ​ത്തി​ൽ 11191 വോ​ട്ട​ർ​മാ​രി​ൽ 8678 ആ​ളു​ക​ൾ വോ​ട്ട് ചെ​യ്തു.

77.54 ശ​ത​മാ​ന​മാ​ണ് വോ​ട്ട് രേ​ഖ​പ്പെ​ടു​ത്തി​യ​ത്. ഏ​റ്റ​വും കു​റ​വ് പോ​ളി​ങ് 68.84 ശ​ത​മാ​നം രേ​ഖ​പ്പെ​ടു​ത്തി​യ എ​രു​മേ​ലി പ​ഞ്ചാ​യ​ത്തി​ലാ​ണ്. 35597 വോ​ട്ട​ർ​മാ​രു​ള്ള ഇ​വി​ടെ 24506 ആ​ളു​ക​ളാ​ണ് വോ​ട്ട​വ​കാ​ശം വി​നി​യോ​ഗി​ച്ച​ത്. കോ​രു​ത്തോ​ട് പ​ഞ്ചാ​യ​ത്തി​ൽ 12050 വോ​ട്ട​ർ​മാ​രി​ൽ 9151 (75.94 ശ​ത​മാ​നം) ആ​ളു​ക​ൾ വോ​ട്ടു ചെ​യ്തു‌. മു​ണ്ട​ക്ക​യം പ​ഞ്ചാ​യ​ത്തി​ൽ 23 വാ​ർ​ഡു​ക​ളി​ലാ​യി 30751 വോ​ട്ട​ർ​മാ​രി​ൽ 21768 (70.79 ശ​ത​മാ​നം) വോ​ട്ടു​ക​ൾ രേ​ഖ​പ്പെ​ടു​ത്തി. മ​ണി​മ​ല പ​ഞ്ചാ​യ​ത്തി​ൽ 69.19 ശ​ത​മാ​ന​മാ​ണ് വോ​ട്ട് നി​ല. 16778 വോ​ട്ട​ർ​മാ​രി​ൽ 11609 വോ​ട്ടു​ക​ൾ രേ​ഖ​പ്പെ​ടു​ത്തി.

കാ​ഞ്ഞി​ര​പ്പ​ള്ളി പ​ഞ്ചാ​യ​ത്തി​ൽ 37155 വോ​ട്ട​ർ​മാ​രി​ൽ 26170 പേ​ർ വോ​ട്ട് ചെ​യ്‌​ത​പ്പോ​ൾ 70.43 ശ​ത​മാ​നം രേ​ഖ​പ്പെ​ടു​ത്തി. 14 വാ​ർ​ഡു​ക​ളു​ള്ള പാ​റ​ത്തോ​ട് പ​ഞ്ചാ​യ​ത്തി​ൽ 19457 വോ​ട്ടു​ക​ൾ വീ​ണു- 69.60 ശ​ത​മാ​നം. ആ​കെ വോ​ട്ട​ർ​മാ​രു​ടെ എ​ണ്ണം 27955 ആ​യി​രു​ന്നു. 70.61 ശ​ത​മാ​നം പോ​ളി​ങ് രേ​ഖ​പ്പെ​ടു​ത്തി​യ എ​ലി​ക്കു​ളം പ​ഞ്ചാ​യ​ത്തി​ൽ 22066 പേ​രി​ൽ 15580 ആ​ളു​ക​ൾ വോ​ട്ട​വ​കാ​ശം വി​നി​യോ​ഗി​ച്ചു. 32705 വോ​ട്ട​ർ​മാ​രു​ള്ള ചി​റ​ക്ക​ട​വി​ൽ 23248 (71.08 ശ​ത​മാ​നം) ആ​ളു​ക​ൾ വോ​ട്ട് രേ​ഖ​പ്പെ​ടു​ത്തി.