മഞ്ഞപ്പിത്തം പടരുന്നു; തിളപ്പിച്ചാറിയ വെള്ളമേ കുടിക്കാവൂ...

കോ​ട്ട​യം: മ​ഞ്ഞ​പ്പി​ത്തം (ഹെ​പ്പ​റ്റൈ​റ്റി​സ് എ) ​ജി​ല്ല​യി​ൽ റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണ​മെ​ന്ന് ജി​ല്ല മെ​ഡി​ക്ക​ൽ ഓ​ഫി​സ​ർ (ആ​രോ​ഗ്യം) ഡോ. ​എ​ൻ. പ്രി​യ അ​റി​യി​ച്ചു. ജി​ല്ല​യി​ൽ ഈ ​വ​ർ​ഷം സ്ഥി​രീ​ക​രി​ച്ച 195 ഹെ​പ്പ​റ്റൈ​റ്റി​സ് എ ​കേ​സും സം​ശ​യാ​സ്പ​ദ​മാ​യ 388 കേ​സും ഉ​ൾ​പ്പെ​ടെ 583 കേ​സും സ്ഥി​രീ​ക​രി​ച്ച അ​ഞ്ചു​മ​ര​ണ​ങ്ങ​ളും സം​ശ​യാ​സ്പ​ദ​മാ​യ ഒ​രു മ​ര​ണ​വും റി​പ്പോ​ർ​ട്ട് ചെ​യ്തി​ട്ടു​ണ്ട്. തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കാ​ൻ ഉ​പ​യോ​ഗി​ക്ക​ണം. മ​ഞ്ഞ​പ്പി​ത്ത​രോ​ഗ ബാ​ധ റി​പ്പോ​ർ​ട്ട് ചെ​യ്ത സ്ഥ​ല​ങ്ങ​ളി​ൽ മ​ലി​ന​മാ​യ കു​ടി​വെ​ള്ള​ത്തി​ന്റെ ഉ​പ​യോ​ഗം, പ​ച്ച​വെ​ള്ളം കു​ടി​ക്കു​ന്ന ശീ​ലം, പു​റ​മേ​നി​ന്നു​ള്ള ഭ​ക്ഷ​ണ​ത്തി​ന്റെ​യും ശീ​ത​ള പാ​നീ​യ​ങ്ങ​ളു​ടെ​യും ഉ​പ​യോ​ഗം, ശു​ദ്ധ​മ​ല്ലാ​ത്ത വെ​ള്ള​ത്തി​ൽ ത​യാ​റാ​ക്കു​ന്ന ഐ​സി​ന്റെ ഉ​പ​യോ​ഗം, ശു​ചി​ത്വ​ക്കു​റ​വ് എ​ന്നി​വ​യാ​ണ് പ്ര​ധാ​ന​മാ​യി ക​ണ്ടെ​ത്തി​യി​ട്ടു​ള്ള​ത്.

ഹെ​പ്പ​റ്റൈ​റ്റി​സ് എ, ​ഇ രോ​ഗ​ബാ​ധ മ​ലി​ന​മാ​യ​തോ അ​ല്ലെ​ങ്കി​ൽ വേ​ണ്ട​ത്ര ശു​ദ്ധീ​ക​രി​ക്കാ​ത്ത​തോ ആ​യ ജ​ലം, മ​ലി​ന​മാ​യ ആ​ഹാ​രം, രോ​ഗി​യു​മാ​യു​ള്ള സ​മ്പ​ർ​ക്കം എ​ന്നി​വ വ​ഴി വ​ള​രെ വേ​ഗം പ​ക​രും. രോ​ഗ​ബാ​ധി​ത​നാ​യ ഒ​രാ​ൾ കു​ടും​ബാം​ഗ​ങ്ങ​ൾ​ക്ക് ഭ​ക്ഷ​ണം ത​യാ​റാ​ക്കു​മ്പോ​ഴും ആ​ഹാ​രം പ​ങ്കി​ട്ടു​ക​ഴി​ക്കു​മ്പോ​ഴും സ​മ്പ​ർ​ക്കം പു​ല​ർ​ത്തു​മ്പോ​ഴും രോ​ഗം പ​ക​രാം. രോ​ഗി​യെ ശു​ശ്രൂ​ഷി​ക്കു​ന്ന​വ​ർ കൈ​ക​ൾ സോ​പ്പ് ഉ​പ​യോ​ഗി​ച്ച് വൃ​ത്തി​യാ​യി ക​ഴു​ക​ണം. രോ​ഗ​ല​ക്ഷ​ണ​ങ്ങ​ൾ ക​ണ്ടാ​ലു​ട​നെ ആ​രോ​ഗ്യ​പ്ര​വ​ർ​ത്ത​ക​രെ വി​വ​ര​മ​റി​യി​ക്കു​ക​യും ചി​കി​ത്സ തേ​ടു​ക​യും വേ​ണം.

പ്ര​തി​രോ​ധ മാ​ർ​ഗ​ങ്ങ​ൾ

• തി​ള​പ്പി​ച്ചാ​റി​യ വെ​ള്ളം മാ​ത്രം കു​ടി​ക്കാ​ൻ ഉ​പ​യോ​ഗി​ക്കു​ക
• തി​ള​പ്പി​ച്ച​തും തി​ള​പ്പി​ക്കാ​ത്ത​തു​മാ​യ കു​ടി​വെ​ള്ളം കൂ​ട്ടി​ക്ക​ല​ർ​ത്തി ഉ​പ​യോ​ഗി​ക്ക​രു​ത്
• പു​റ​ത്തു​പോ​കു​മ്പോ​ൾ തി​ള​പ്പി​ച്ചാ​റി​യ വെ​ള്ളം ക​രു​തു​ക
• ആ​ഹാ​രം പാ​കം ചെ​യ്യു​ന്ന​തി​നും ക​ഴി​ക്കു​ന്ന​തി​നും മു​മ്പും ശൗ​ചാ​ല​യം ഉ​പ​യോ​ഗി​ച്ച ശേ​ഷ​വും പു​റ​ത്തു​പോ​യി വ​ന്ന ശേ​ഷ​വും കൈ​ക​ൾ സോ​പ്പ് ഉ​പ​യോ​ഗി​ച്ച് ന​ന്നാ​യി ക​ഴു​കു​ക
• കി​ണ​റി​ന് ചു​റ്റു​മു​ള്ള പ​രി​സ​ര​ങ്ങ​ളി​ൽ വൃ​ത്തി​ഹീ​ന രീ​തി​യി​ൽ വെ​ള്ളം കെ​ട്ടി​ക്കി​ട​ക്കാ​തെ​യും കി​ണ​റി​ലെ വെ​ള്ളം മ​ലി​ന​മാ​കാ​തെ​യും സൂ​ക്ഷി​ക്കു​ക
• കൃ​ത്യ​മാ​യ ഇ​ട​വേ​ള​ക​ളി​ൽ ആ​രോ​ഗ്യ പ്ര​വ​ർ​ത്ത​ക​രു​ടെ നി​ർ​ദേ​ശം അ​നു​സ​രി​ച്ച് കി​ണ​ർ വെ​ള്ളം ക്ലോ​റി​നേ​റ്റ് ചെ​യ്യു​ക
• മ​ഞ്ഞ​പ്പി​ത്ത ബാ​ധ​യു​ള്ള പ്ര​ദേ​ശ​ങ്ങ​ളി​ൽ കു​ടി​വെ​ള്ള സ്രോ​ത​സ്സു​ക​ൾ സൂ​പ്പ​ർ ക്ലോ​റി​നേ​റ്റ് ചെ​യ്യു​ക
• വൃ​ത്തി​ഹീ​ന സാ​ഹ​ച​ര്യ​ത്തി​ൽ പാ​ച​കം ചെ​യ്ത ആ​ഹാ​ര​സാ​ധ​ന​ങ്ങ​ളും ശീ​ത​ള പാ​നീ​യ​ങ്ങ​ളും പ​ഴ​കി​യ​തും മ​ലി​ന​മാ​യ​തു​മാ​യ ആ​ഹാ​ര​വും ക​ഴി​ക്കാ​തി​രി​ക്കു​ക
• പ​ഴ​വ​ർ​ഗ​ങ്ങ​ളും പ​ച്ച​ക്ക​റി​ക​ളും ന​ല്ല​വ​ണ്ണം ക​ഴു​കി​യ​ശേ​ഷം മാ​ത്രം ഉ​പ​യോ​ഗി​ക്കു​ക
• ആ​ഹാ​ര​സാ​ധ​ന​ങ്ങ​ളും കു​ടി​വെ​ള്ള​വും അ​ട​ച്ച് സൂ​ക്ഷി​ക്കു​ക
• രോ​ഗ​ബാ​ധ​യു​ള്ള പ്ര​ദേ​ശ​ങ്ങ​ളി​ൽ സ്കൂ​ളു​ക​ളി​ലും കോ​ള​ജു​ക​ളി​ലും ജോ​ലി സ്ഥ​ല​ങ്ങ​ളി​ലും മ​റ്റും ഭ​ക്ഷ​ണ​വും വെ​ള്ള​വും പ​ങ്കു​വെ​ക്കു​ന്ന​ത് ഒ​ഴി​വാ​ക്കു​ക
• ഉ​ത്സ​വ​ങ്ങ​ൾ, ആ​ഘോ​ഷ​ങ്ങ​ൾ തു​ട​ങ്ങി​യ സ​ന്ദ​ർ​ഭ​ങ്ങ​ളി​ൽ തി​ള​പ്പി​ച്ചാ​റി​യ വെ​ള്ളം ഉ​പ​യോ​ഗി​ച്ചു​ള്ള ഐ​സ് മാ​ത്രം ശീ​ത​ള പാ​നീ​യ​ങ്ങ​ളി​ൽ ഉ​പ​യോ​ഗി​ക്കു​ക
• രോ​ഗി​ക​ൾ ഉ​പ​യോ​ഗി​ക്കു​ന്ന പാ​ത്ര​ങ്ങ​ളും ആ​ഹാ​ര​വും മ​റ്റ്​ വ​സ്തു​ക്ക​ളും മ​റ്റു​ള്ള​വ​രു​മാ​യി പ​ങ്കു​വെ​ക്ക​രു​ത്.