വ​ള്ളം​ക​ളി​ക്ക് മു​ന്നോ​ടി; താഴത്തങ്ങാടി പാലത്തിനടിയിലെ മാലിന്യം നീക്കി തുടങ്ങി

കോ​ട്ട​യം: താ​ഴ​ത്ത​ങ്ങാ​ടി പാ​ല​ത്തി​ന്‍റെ തൂ​ണു​ക​ളി​ൽ അ​ടി​ഞ്ഞു​കൂ​ടി​യ മാ​ലി​ന്യം നീ​ക്കി തു​ട​ങ്ങി. ആ​ദ്യ​ഘ​ട്ട​മാ​യി മാ​ലി​ന്യ​ത്തി​ലെ പ്ലാ​സ്റ്റി​ക്കാ​ണ്​ ശേ​ഖ​രി​ക്കു​ന്ന​ത്. സ്വ​കാ​ര്യ ക​മ്പ​നി നി​യോ​ഗി​ച്ച തൊ​​ഴി​ലാ​ളി​ക​ളാ​ണ്​ വ​ള്ള​ത്തി​ലെ​ത്തി ഇ​വ ശേ​ഖ​രി​ക്കു​ന്ന​ത്. ഇ​ത്​ പൂ​ർ​ണ​മാ​യി നീ​ക്കി​യ​ശേ​ഷം തു​ണി​ക​ളും മ​ര​ത്ത​ടി​ക​ളും അ​ട​ക്ക​മു​ള്ള​വ മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ച്​ നീ​ക്കും.

മു​ൻ​കാ​ല​ങ്ങ​ളി​ൽ ത​ട​ഞ്ഞു​നി​ന്ന മാ​ലി​ന്യ​ശേ​ഖ​രം ത​ള്ളി​വി​ടു​ക​യാ​യി​രു​ന്നു പ​തി​വ്. ഇ​ത്​ മ​റ്റി​ട​ങ്ങ​ളി​ൽ അ​ടി​ഞ്ഞു​കൂ​ടു​ന്ന​ത്​ പ​തി​വാ​യി​രു​ന്നു. ഇ​തി​ന്​ പ​രി​ഹാ​രം കാ​ണാ​ൻ ഇ​ത്ത​വ​ണ വാ​രി​മാ​റ്റാ​നാ​ണ്​ തീ​രു​മാ​നം. ​ ന​ദി​യോ​ട്​ ചേ​ർ​ന്നു​ള്ള സ്വ​കാ​ര്യ​വ്യ​ക്തി​യു​ടെ പു​ര​യി​ട​ത്തി​ൽ ഇ​വ​ നി​ക്ഷേ​പി​ക്കും. ദു​ർ​ഗ​ന്ധം വ​മി​ക്കു​ന്ന​വ കു​ഴി​ച്ചു​മൂ​ടാ​നും തീ​രു​മാ​നി​ച്ചി​ട്ടു​ണ്ട്.

ശ​നി​യാ​ഴ്ച ന​ട​ക്കു​ന്ന താ​ഴ​ത്ത​ങ്ങാ​ടി വ​ള്ളം​ക​ളി​ക്ക് മു​ന്നോ​ടി​യാ​യാ​ണ് ഇ​റി​ഗേ​ഷ​ൻ വ​കു​പ്പി​ന്‍റെ നേ​തൃ​ത്വ​ത്തി​ൽ മീ​ന​ച്ചി​ലാ​റ്റി​ൽ അ​ടി​ഞ്ഞു​കൂ​ടി​യ മാ​ലി​ന്യം നീ​ക്കം​ചെ​യ്യു​ന്ന​ത്. വ​ള്ളം​ക​ളി സം​ഘാ​ട​ക​രാ​യ കോ​ട്ട​യം വെ​സ്റ്റ് ക്ല​ബി​ന്‍റെ സ​ഹാ​യ​ത്തോ​ടെ​യാ​ണ്​ മാ​ലി​ന്യ​നീ​ക്കം. വ​ള്ള​ങ്ങ​ൾ​ക്ക്​ സു​ഗ​മ​മാ​യി സ​ഞ്ച​രി​ക്കാ​നാ​യി ആ​റ്റി​ൽ അ​ടി​ഞ്ഞു​കൂ​ടി​യ എ​ക്ക​ലും നീ​ക്കം ചെ​യ്യു​ന്നു​ണ്ട്.

ക​ന​ത്ത മ​ഴ​യെ തു​ട​ർ​ന്ന്​ മീ​ന​ച്ചി​ലാ​റ്റി​ലൂ​ടെ ഒ​ഴു​കി​യെ​ത്തി​യ മാ​ലി​ന്യം താ​ഴ​​ത്ത​ങ്ങാ​ടി പാ​ല​ത്തി​ന്‍റെ തൂ​ണു​ക​ളി​ൽ അ​ടി​ഞ്ഞു​കൂ​ടു​ക​യാ​യി​രു​ന്നു. ആ​ദ്യം മു​ള അ​ട​ക്ക​മു​ള്ള​വ​യാ​ണ്​ ത​ട​ഞ്ഞു​നി​ന്ന​ത്. ഇ​തി​ലേ​ക്ക്​ മ​റ്റ്​ മാ​ലി​ന്യ​വും എ​ത്തി​യ​​തോ​ടെ വ​ൻ കൂ​മ്പാ​ര​മാ​യി മാ​റു​ക​യാ​യി​രു​ന്നു. പ്ര​ള​യ​കാ​ല​ത്ത്​ ഇ​തി​ൽ ത​ട​ഞ്ഞു​നി​ന്ന പ്ലാ​സ്റ്റി​ക്​ കു​പ്പി​ക​ൾ അ​ട​ക്ക​മു​ള്ള​വ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ വി​ൽ​പ​ന​ക്കാ​യി ശേ​ഖ​രി​ച്ചി​രു​ന്നു.

മാ​സ​ങ്ങ​ളാ​യി ആ​റ്റി​ൽ കെ​ട്ടി​ക്കി​ട​ക്കു​ന്ന മാ​ലി​ന്യം നീ​ക്കി ഒ​ഴു​ക്ക് സു​ഗ​മ​മാ​ക്ക​ണ​മെ​ന്ന് നാ​ട്ടു​കാ​ർ നി​ര​വ​ധി ത​വ​ണ അ​ധി​കൃ​ത​രോ​ട് ആ​വ​ശ്യ​പ്പെ​ട്ടി​രു​ന്നു. ഇ​ത്​ പാ​ല​ത്തി​ന്‍റെ​ ബ​ല​ക്ഷ​യ​ത്തി​നും ഇ​ട​യാ​ക്കു​മെ​ന്ന്​ പ​രാ​തി​യു​ണ്ടാ​യി​രു​ന്നു. ഇ​ക്കാ​ര്യ​ങ്ങ​ൾ ചൂ​ണ്ടി​ക്കാ​ട്ടി നേ​ര​ത്തെ ‘മാ​ധ്യ​മം’ വാ​ർ​ത്ത ന​ൽ​കി​യി​രു​ന്നു.