പുതുതായി നിർമിച്ച കോട്ടയം കെ.എസ്.ആർ.ടി.സി
ബസ് സ്റ്റാൻഡിലെ യാർഡ് തകർന്നനിലയിൽ
കോട്ടയം: കാത്തുകാത്തിരുന്ന് കോട്ടയത്തിന് കിട്ടിയ കെ.എസ്.ആർ.ടി.സി ബസ് സ്റ്റാൻഡ് യാർഡ് തകർന്നുതുടങ്ങി. സ്റ്റാൻഡിലേക്ക് ബസുകൾ കയറുന്നിടത്താണ് യാർഡ് തകർന്നത്. കട്ടകൾ ഇളകിനിൽക്കുന്നതിനാൽ ബസുകൾ ഈ ഭാഗം ഒഴിവാക്കി സ്റ്റാൻഡിലേക്ക് കയറേണ്ട അവസ്ഥയാണ്. ബസുകൾ കയറിയിറങ്ങുമ്പോൾ കട്ട ഇളകി കൂടുതൽ തകരാനാണ് സാധ്യത. കട്ടകൾ കോൺക്രീറ്റ് ചെയ്തതിലെ അപാകതയാണ് പെട്ടെന്ന് തകരാൻ കാരണം. യാർഡ് റോഡിലേക്കുചേരുന്ന ഭാഗത്ത് അൽപം മാത്രമായാണ് കോൺക്രീറ്റ് ഉള്ളത്. വീതികൂട്ടി കോൺക്രീറ്റ് ചെയ്തിരുന്നെങ്കിൽ ഉറപ്പുണ്ടായിരുന്നേനെ. കഴിഞ്ഞ ഒക്ടോബറിലാണ് ബസ് സ്റ്റാൻഡ് ഒന്നാംഘട്ടം പണി തീർത്ത് തുറന്നുകൊടുത്തതത്. പഴയ ബസ് സ്റ്റാൻഡിലും നിറയെ കുഴികളായിരുന്നു. പുതിയ സ്റ്റാൻഡ് കിട്ടിയിട്ടും ഇതിനു മാറ്റമില്ലെന്നാണ് യാത്രക്കാരുടെ അഭിപ്രായം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.