പത്തനംതിട്ട: എസ്.എസ്.എൽ.സി പരീക്ഷയിൽ വിജയിച്ചതിന് സ്വയം അഭിനന്ദിച്ച് ഫ്ലക്സ് ബോർഡ് സ്ഥാപിച്ച കുഞ്ഞാക്കുവിന് വിദ്യാഭ്യാസമന്ത്രി വി. ശിവൻകുട്ടിയുടെ അഭിനന്ദനം. ഇനിയെത്ര ചരിത്രം വഴിമാറാനിരിക്കുന്നു പ്രിയ കുഞ്ഞാക്കൂ എന്നു പറഞ്ഞ് മന്ത്രി തന്റെ ഫേസ്ബുക്കിൽ അഭിനന്ദിച്ച് പോസ്റ്റിടുകയായിരുന്നു. 'കൊടുമൺ അങ്ങാടിക്കൽ തെക്ക് മണ്ണമ്പുഴ പടിഞ്ഞാറ്റേതിൽ അരിയംകുളത്ത് ഓമനക്കുട്ടന്റെയും ദീപയുടെയും മകൻ കുഞ്ഞാക്കു എന്ന ജിഷ്ണു എസ്.എസ്.എൽ.സി പരീക്ഷയിലെ സ്വന്തം വിജയം റോഡരികിൽ ഫ്ലക്സ് സ്ഥാപിച്ചാണ് ആഘോഷിച്ചത് എന്നറിഞ്ഞു. ആ കുസൃതിയുടെ മേമ്പൊടി ഇഷ്ടപ്പെട്ടു, അതുകൊണ്ടാണ് ഈ പോസ്റ്റ്' എന്ന് മന്ത്രി കുറിച്ചു. പഠനവുമായി ബന്ധപ്പെട്ട പ്രവർത്തനങ്ങൾക്ക് നമ്മുടെ സംവിധാനം എല്ലാ പിന്തുണയും നൽകും. ചിലർ വരുമ്പോൾ ചരിത്രം വഴിമാറുമെന്ന് കുഞ്ഞാക്കുതന്നെ ഫ്ലക്സിൽ പറയുന്നുണ്ട്. അങ്ങനെയാകട്ടെ എന്ന് ആശംസിക്കുന്നു. ജീവിതപരീക്ഷയിലും മികച്ച വിജയം കുഞ്ഞാക്കുവിനെ തേടിയെത്തട്ടെ എന്നും മന്ത്രി ആശംസിക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.