കുറവിലങ്ങാട്: കുറവിലങ്ങാട് പള്ളിക്കവല വഴിയും ബൈപാസ് റോഡിലൂടെയും നേരത്തേ സർവിസ് നടത്തിയിരുന്ന എല്ലാ ബസുകളും ഇതുവഴി വീണ്ടും സർവിസ് പുനരാരംഭിക്കുന്നതിന് ബന്ധപ്പെട്ട അധികൃതർക്ക് നിർദേശം നൽകിയതായി മോൻസ് ജോസഫ് എം.എൽ.എ. കുറവിലങ്ങാട് പള്ളിക്കവലയിലെ വെള്ളക്കെട്ട് പരിഹരിക്കാൻ റോഡിൽ എം.എൽ.എ ഫണ്ട് വിനിയോഗിച്ച് കലുങ്ക് നിർമാണം നടത്തിയതുമൂലം ടൗണിൽനിന്ന് പള്ളിക്കവല വഴിയുള്ള ബസ് സർവിസുകൾ നിർത്തിവെക്കേണ്ടിവന്നിരുന്നു. കലുങ്ക് നിർമാണം പൂർത്തീകരിച്ച സാഹചര്യത്തിൽ എല്ലാ സർവിസുകളും പുനരാരംഭിക്കണമെന്ന് ആവശ്യപ്പെട്ട് കുറവിലങ്ങാട് പഞ്ചായത്ത് പ്രസിഡന്റ് മിനി മത്തായിയുടെ നേതൃത്വത്തിൽ എം.എൽ.എക്ക് നിവേദനം സമർപ്പിക്കുകയും നാട്ടുകാർ ശക്തമായ ആവശ്യം ഉന്നയിക്കുകയും ചെയ്ത സാഹചര്യത്തിലാണ് നടപടി. കെ.എസ്.ആർ.ടി.സിയുടെ വൈക്കം, പാലാ, കോട്ടയം ഡിപ്പോകളിലെ എ.ടി.ഒമാർ, മോട്ടോർ വെഹിക്കിൾ ഡിപ്പാർട്മെന്റിലെ ജോയന്റ് ആർ.ടി.ഒ ഉൾപ്പെടെ ഉദ്യോഗസ്ഥർ, കുറവിലങ്ങാട് സി.ഐ ഉൾപ്പെടെ പൊലീസ് അധികൃതർ എന്നിവരുടെ മേൽനോട്ടത്തിൽ എല്ലാ ബസ് സർവിസുകളും പുനഃക്രമീകരിച്ച് ഓടുന്നതിനാണ് എം.എൽ.എ നിർദേശം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.