തകർന്ന കൊട്ടാരക്കര ചന്തമുക്കിലെ ട്രാഫിക് റോഡ്
കൊട്ടാരക്കര: കൊട്ടാരക്കര ചന്തമുക്കിലെ ട്രാഫിക് റോഡ് വീണ്ടും തകർന്നു. രണ്ട് മാസം മുമ്പാണ് റോഡിൽ ഇന്റർലോക്ക് ചെയ്തത്. ഓയൂർ-കൊട്ടാരക്കര, കൊട്ടാരക്കര-പുത്തൂർ റോഡ് എന്നിവ കടന്നുപോകുന്ന പാതയാണിത്. പുത്തൂർ ഭാഗത്തുനിന്ന് വരുന്ന സ്വകാര്യ-കെ.എസ്.ആർ.ടി.സി ബസുകൾ ഇതുവഴിയാണ് കടന്നുപോകുന്നത്.
വളവ് ഭാഗത്തായി കുഴികൾ രൂപപ്പെട്ടിരിക്കുന്നതിനാൽ വാഹനാപകടങ്ങൾ പതിവാകുന്നു. നഗരസഭയുടെ നേതൃത്വത്തിലാണ് റോഡിലെ കുഴികൾ മുമ്പ് അടച്ചിരുന്നത്. പിന്നീട് മഴയിൽ അവ ഭാഗികമായി ഒലിച്ചുപോവുകയായിരുന്നു. ഗതാഗത തിരക്ക് വർധിച്ച ഇവിടെ അടിയന്തരമായി കുഴികളിൽ ടാറിങ് നടത്തണമെന്നാണ് നാട്ടുകാരുടെ ആവശ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.