ശുചിമുറിനാറ്റം സഹിച്ച് മടുത്ത്​ നീലേശ്വരത്തെ ട്രെയിൻ യാത്രക്കാർ

നീ​ലേ​ശ്വ​രം: വൃ​ത്തി​ഹീ​ന​മാ​യ ശു​ചി​മു​റി​യി​ലെ നാ​റ്റം സ​ഹി​ക്കാ​നാ​വാ​തെ നീ​ലേ​ശ്വ​ര​ത്തെ ട്രെ​യി​ൻ യാ​ത്ര​ക്കാ​ർ. ശു​ചി​മു​റി മാ​ത്ര​മ​ല്ല, പ്ലാ​റ്റ് ഫോ​മും പ​രി​സ​ര​വും ശു​ചീ​ക​ര​ണ​മി​ല്ലാ​തെ വൃ​ത്തി​ഹീ​ന​മാ​യി കി​ട​ക്കു​ക​യാ​ണ്. ശു​ചീ​ക​ര​ണ തൊ​ഴി​ലാ​ളി​ക​ളു​ടെ അ​ഭാ​വ​മാ​ണ് സ്റ്റേ​ഷ​ൻ പ്ലാ​റ്റ് ഫോം ​മാ​ലി​ന്യ​കേ​ന്ദ്ര​മാ​കാ​ൻ കാ​ര​ണം. യാ​ത്ര​ക്കാ​ർ​ക്ക് ഒ​ന്ന് മൂ​ത്ര​ശ​ങ്ക തീ​ർ​ക്ക​ണ​മെ​ങ്കി​ൽ മൂ​ക്കു​പൊ​ത്തി മാ​ത്ര​മേ കാ​ര്യം സാ​ധി​ക്കാ​ൻ പ​റ്റു​ള്ളൂ. ഇ​വി​ടെ വെ​ള്ള​മി​ല്ലാ​ത്ത​തും ദു​ർ​ഗ​ന്ധ​ത്തി​ന് കാ​ര​ണ​മാ​കു​ന്നു.

യാ​ത്ര​ക്കാ​ർ​ത​ന്നെ പ്ലാ​സ്റ്റി​ക് കു​പ്പി​ക​ളും മ​റ്റും ഉ​പ​യോ​ഗി​ച്ച​ശേ​ഷം ഇ​വി​ടെ ത​ള​ളു​ക​യാ​ണ്. പ്ലാ​റ്റ് ഫോ​മി​ൽ ട്രെ​യി​ൻ കാ​ത്തി​രി​ക്കു​മ്പോ​ൾ ദു​ർ​ഗ​ന്ധം സ​ഹി​ച്ചാ​ണ് നി​ൽ​ക്കേ​ണ്ടി​വ​രു​ന്ന​ത്. ജി​ല്ല​യി​ൽ റെ​യി​ൽ​വേ​ക്ക് ഏ​റ്റ​വും കൂ​ടു​ത​ൽ ഭൂ​മി​യു​ള്ള​ത് നീ​ലേ​ശ്വ​ര​ത്ത് മാ​ത്ര​മാ​ണ്. എ​ന്നാ​ൽ, അ​തി​നു​ത​ക്ക വി​ക​സ​ന​പ്ര​വ​ർ​ത്ത​ന​ങ്ങ​ളൊ​ന്നും ഇ​വി​ടെ ന​ട​ക്കു​ന്നി​ല്ല. യാ​ത്ര​ക്കാ​രു​ടെ എ​ണ്ണം ദി​നം​പ്ര​തി വ​ർ​ധി​ച്ചി​ട്ടും പ്രാ​ഥ​മി​ക സൗ​ക​ര്യ​ങ്ങ​ൾ ഏ​ർ​പ്പെ​ടു​ത്താ​ൻ റെ​യി​ൽ​വേ ത​യാ​റാ​കു​ന്നി​ല്ല.