സംസ്ഥാന സര്ക്കാര് ഒന്നാം വാര്ഷികാഘോഷങ്ങളുടെ ഭാഗമായി പയ്യാമ്പലം ബേ ക്ലബ്ബ് ടര്ഫില് ജനപ്രതിനിധികളും മാധ്യമ പ്രവര്ത്തകരും തമ്മില് നടന്ന ഫുട്ബാള് മത്സരം സ്പീക്കര് എം.ബി. രാജേഷ് പന്ത് തട്ടി ഉദ്ഘാടനം ചെയ്യുന്നു
കണ്ണൂര്: സംസ്ഥാന സര്ക്കാറിന്റെ ഒന്നാം വാര്ഷികത്തിന്റെ ഭാഗമായി ജനപ്രതിനിധികളും മാധ്യമ പ്രവര്ത്തകരും തമ്മില് നടന്ന ഫുട്ബാള് മത്സരത്തില് ജനപ്രതിനിധികള്ക്ക് ജയം.
ജില്ല ഇന്ഫര്മേഷന് ഓഫിസിന്റെ ആഭിമുഖ്യത്തില് നടന്ന സൗഹൃദ ഫുട്ബാള് മത്സരം സ്പീക്കര് എം.ബി. രാജേഷ് ഉദ്ഘാടനം ചെയ്തു. ഒന്നിനെതിരെ മൂന്നു ഗോളുകള്ക്കാണ് ജനപ്രതിനിധികളുടെ ടീം മാധ്യമ പ്രവര്ത്തകരെ പരാജയപ്പെടുത്തിയത്. ജനപ്രതിനിധികളുടെ ടീമിനായി എം. വിജിന് എം.എല്.എ രണ്ട് ഗോളുകളും ഷമീര് ഊര്പ്പള്ളി ഒരു ഗോളും നേടി. മാധ്യമ പ്രവര്ത്തകരുടെ ടീമിനായി വിപിന് ദാസ് ഏക ഗോള് നേടി.
രാമചന്ദ്രന് കടന്നപ്പള്ളി എം.എല്.എ ക്യാപ്റ്റനും കെ.വി സുമേഷ് എം.എല്.എ വൈസ് ക്യാപ്റ്റനുമായ ജനപ്രതിനിധികളുടെ ടീമില് എം. വിജിന് എം.എല്.എ, കല്ല്യാശ്ശേരി ബ്ലോക്ക് പഞ്ചായത്ത് പ്രസിഡന്റ് പി.പി ഷാജിര്, ഷമീര് ഊര്പ്പള്ളി, അര്ജ്ജുന്, സന്തോഷ് തുടങ്ങിയവര് അണിനിരന്നു.
പ്രസ്ക്ലബ് പ്രസിഡന്റ് എ.കെ. ഹാരിസ് ക്യാപ്റ്റനും ജോയന്റ് സെക്രട്ടറി ടി.കെ.എ. ഖാദര് വൈസ് ക്യാപ്റ്റനുമായ മാധ്യമ പ്രവര്ത്തകരുടെ ടീമില് ഷിഹാബ്, വിപിന് ദാസ്, പ്രിയേഷ്, ജിഷ്ണു, നിഖില് എന്നിവരും കളത്തിലിറങ്ങി. ജില്ല പഞ്ചായത്ത് പ്രസിഡന്റ് പി.പി ദിവ്യ സമ്മാനദാനം നിര്വഹിച്ചു. ജില്ല ഇന്ഫര്മേഷന് ഓഫിസര് ഇ കെ. പത്മനാഭന് സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.