കണ്ണൂര്‍: എളയാവൂരിൽ വയല്‍ നികത്തി റോഡ് നിർമിക്കുന്നത് അധികാരികള്‍ പുനഃപരിശോധിക്കണമെന്ന് കെ.പി.സി.സി പ്രസിഡൻറ് കെ. സുധാകരന്‍ എം.പി ആവശ്യപ്പെട്ടു. അധികാരികളുടെ നിലപാട് മാറ്റത്തില്‍ പ്രതിഷേധിച്ചും അലൈൻമൻെറില്‍ മാറ്റം വരുത്തണമെന്നാവശ്യപ്പെട്ടും ആക്ഷന്‍ കമ്മിറ്റിയുടെ ആഭിമുഖ്യത്തില്‍ നടന്നുവരുന്ന സമരത്തിലെത്തിയ ശേഷം മാധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം. പുതിയ ദേശീയ പാത നിര്‍മാണം നടക്കുന്ന എളയാവൂര്‍ മേഖലയിലെ ഏക്കർ കണക്കിന് വയലിന് നടുവിലൂടെ കടന്നു പോകുന്ന റോഡില്‍ ആദ്യം ൈഫ്ല ഓവറാണ് തീരുമാനിച്ചതെങ്കിലും പിന്നീട് മാറ്റം വരുത്തി എട്ട് മീറ്റര്‍ ഉയരത്തില്‍ റോഡ് നിർമിക്കാന്‍ തീരുമാനിക്കുകയായിരുന്നു. കണ്ണൂരിന്റെ നെല്ലറയാണ് ഈ പ്രദേശം. പ്രദേശവാസികളുടെ അന്നം നല്‍കുന്ന വയലാണിത്. ജനങ്ങളുടെ അന്നം മുട്ടിക്കുന്ന തീരുമാനവുമായി മുന്നോട്ട് പോകുന്ന കാര്യത്തില്‍ പുനര്‍ചിന്തനം ആവശ്യമാണെന്നും ഇതേക്കുറിച്ച് ജില്ല കലക്ടറുമായി ചര്‍ച്ച നടത്തുമെന്നും സുധാകരന്‍ അറിയിച്ചു. photo: sandeep
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.