സൗജന്യ കോവിഡ് പരിശോധന പുനഃസ്ഥാപിക്കണംകൂത്തുപറമ്പ്: താലൂക്ക് ആശുപത്രിയിൽ സൗജന്യ കോവിഡ് പരിശോധന നിർത്തിവെച്ചത് സാധാരണക്കാർക്ക് തിരിച്ചടിയായി. സൗജന്യ പരിശോധന പുനഃസ്ഥാപിക്കണമെന്ന ആവശ്യം ശക്തമായി. സംസ്ഥാനത്ത് കോവിഡ് രോഗികളുടെ എണ്ണം പ്രതിദിനം വർധിച്ചുവരുമ്പോഴാണ് കൂത്തുപറമ്പ് താലൂക്ക് ആശുപത്രിയിൽ സൗജന്യ കോവിഡ് പരിശോധന നിർത്തിയത്. ആയിരക്കണക്കിന് രോഗികളെത്തുന്ന താലൂക്ക് ആശുപത്രിയിൽ ഡോക്ടർമാരുടെ കുറവും രോഗികൾക്ക് ദുരിതമായി. നേരത്തേ നൂറുകണക്കിന് ആളുകളാണ് പ്രതിദിനം കോവിഡ് പരിശോധനക്ക് താലൂക്ക് ആശുപത്രിയെ ആശ്രയിച്ചിരുന്നത്. എന്നാൽ, സൗജന്യ പരിശോധന നിർത്തിയതോടെ സ്വകാര്യ ലാബുകളെ ആശ്രയിക്കേണ്ട അവസ്ഥയാണ്.ഈ സാഹചര്യത്തിൽ അടിയന്തര പ്രാധാന്യത്തോടെ താലൂക്ക് ആശുപത്രിയുടെ കീഴിൽ സൗജന്യ കോവിഡ് പരിശോധന പുനഃസ്ഥാപിക്കണമെന്ന് നാട്ടുകാർ ആവശ്യപ്പെട്ടു. സ്വകാര്യ ലാബുകളുടെ കൊള്ള അവസാനിപ്പിക്കണമെന്ന് എ.ഐ.വൈ.എഫ് കുത്തുപറമ്പ് മണ്ഡലം കമ്മിറ്റി ആവശ്യപ്പെട്ടു. മണ്ഡലം സെക്രട്ടറികെ.സമിത്ത്, പ്രസിഡൻ്റ് പി. അനീഷ് എന്നിവർ ഇതുസംബന്ധിച്ച് അധികൃതർക്ക് നിവേദനം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.