മാഹിയിൽ തെരുവുനായ് ​ശല്യം രൂക്ഷം

മാഹിയിൽ തെരുവുനായ് ​ശല്യം രൂക്ഷംപടം മെയിലിൽമാഹി: മാഹി നഗരസഭ പരിധിയിലും സമീപ പഞ്ചായത്തുകളിലും തെരുവുനായ്​ ശല്യം രൂക്ഷമായി. കണ്ണൂർ ജില്ല പഞ്ചായത്തുമായി ചേർന്ന് മാഹി നഗരസഭ അനിമൽ ബർത്ത് കൺട്രോൾ (എ.ബി.സി) പദ്ധതി പ്രകാരം 200 ഓളം നായ്ക്കളെ വന്ധ്യംകരിച്ചതായി അവകാശപ്പെടുമ്പോഴും നായ്​ക്കൾ വർധിക്കുകയാണ്​. ഒരു നാക്​ക്ക് 1,500 രൂപ നൽകിയാണ് 2020 ഡിസംബർ വരെ വന്ധ്യംകരണം നടത്തിയത്. ന്യൂ മാഹി പഞ്ചായത്ത് ഒരുലക്ഷം രൂപ ജില്ല പഞ്ചായത്തിന് ഫീസായി നൽകിയെങ്കിലും പദ്ധതിയിൽ തുടർനടപടിയുണ്ടായില്ല. കോഴിക്കോട് ജില്ല പഞ്ചായത്തി​ൻെറ എ.ബി.സി പദ്ധതിയിൽ രണ്ട് ലക്ഷം രൂപ അടച്ചെങ്കിലും അഴിയൂർ പഞ്ചായത്തിനും ഇതുവരെ ഗുണം ലഭിച്ചില്ല. അഴിയൂർ കൃഷിഭവനിൽ കൃഷി ഓഫിസറായിരുന്ന വനിതക്ക്​, തെരുവനായുടെ കടിയേറ്റ് ദീർഘനാൾ ചികിത്സ നടത്തേണ്ടിവന്ന സാഹചര്യവുമുണ്ടായി. ജോലി കഴിഞ്ഞ് രാത്രിയിലേക്കുള്ള ആഹാരവും വാങ്ങി പോവുകയായിരുന്ന ഇവരുടെ താടിയെല്ലിനാണ് നായുടെ ആക്രമണത്തിൽ പരിക്കേറ്റത്. 20 ഓളം പേർക്കാണ് രണ്ട് വർഷത്തിനിടയിൽ അഴിയൂരിൽ തെരുവുനായുടെ ആക്രമണത്തിൽ പരിക്കേറ്റത്.ഈസ്​റ്റ്​ പള്ളൂർ ഭാഗത്ത് ഇ.എസ്.ഐ ക്ലിനിക്കിന് സമീപം അർധരാത്രിയിലും പുലർച്ചയും തെരുവുനായ്​ക്കൾ സംഘം ചേർന്ന് കുരക്കുന്നത് രോഗികളായവർക്കും ശിശുക്കൾക്കും അലോസരമാവുന്നതായി പ്രദേശവാസികൾ പറഞ്ഞു.മാസങ്ങളായി മാഹി റെയിൽവേ സ്‌റ്റേഷൻ റോഡ്, റെയിൽവേ സ്​റ്റേഷൻ പരിസരം, അഴിയൂർ ചുങ്കം -മാഹി റോഡ് ഉൾപ്പെടെ അഴിയൂരിൽ തെരുവുനായ്​ ശല്യം രൂക്ഷമാണ്. കഴിഞ്ഞ ദിവസം ചുങ്കം സരിഗ നഗർ റോഡിൽ സ്കൂട്ടറിന് മുന്നിൽ നായ്​ കുറുകെ ചാടിയതിനെ തുടർന്ന് മറിഞ്ഞ് അഴിയൂർ ആയിഷാസിൽ അഷ്റഫിന് പരിക്കേറ്റു.മാഹിയിലും കഴിഞ്ഞ ദിവസം രണ്ടുപേരെ നായ്​ കടിച്ചിരുന്നു.പത്ര -മത്സ്യ വിതരണക്കാർക്കും തെരുവ് നായ്​ക്കൾ ഭീഷണിയാണ്​.മാഹി റെയിൽവേ സ്​റ്റേഷൻ റോഡിൽ തെരുവ് വിളക്കുകൾ പ്രകാശിക്കാത്തതിനാൽ ഇരുളി​ൻെറ മറവിൽ മാലിന്യം റോഡരികിൽ തള്ളുന്നത് കാരണമാണ് നായ്​​ക്കൾ ഇവിടെ തമ്പടിക്കുന്നത്​.